ISAIA 13:3 - Khumi Common Language Bible

³ Areng ly mymy i kado theu hai nai khumichi i tlang tleaung y pajeng ai nai molam, mymy ka-ym awm iy tahm khai nai tavaimi kahawichi ai palau nai ne.

ISAIA 13:3 Iomraidhean Croise

SAM 149:2

Israela chengchi awi, nangchi ai sa nai keung molam y amo theu u; Zion mary i khumichi awi, nangchi i samrang molam y amo theu u!

ISAIA 23:11

Areng ly pangli salo y kiu pheu iy, huni prichi ai phra hai pawn bo. Phoenisiachi i ka-sum ka-pai sa nai meingtymchi taphra pawn ai nai py, leu pei pi veng bo.

ISAIA 5:26

Areng ly ka-ma-ra patei iy, kamlora awm nai cheng takhrachi ai palau ai. Mymy ly nichi ai khaileaung katem mang dengdairei jeu u ai nai, amsui sai hawi ka-ma-ra pei pi ai. Huni khumichi py huni meingtym y jeu u kaliki ai!

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 51:46

Nangchi thai u nai satang kamthangchi deaungkho y jei u moh ly, paleung phra u moh. Saneng tlei tleirei satang takhra takhra amthang reng. Pri theung y khrukhra nai satangchi, samrang leaungrei hawi leaungrei tavai atiu nai satangchi amtang reng nai ne.

JEREMIA 51:53

Babulon mary ly kani y angteu na pa-rei, amtangra yhm ka-sang sa pajau lawh teu i py, kai ly huni mary y taphra ai nai khumichi pato ai. Hini ly kai Areng i thui nai leu ne,” napi.

JOELA 3:11

Tengpang sahawi y awm nai khumi cheng cheaungkhangchi awi, jeu u kaliki iy, leaunghawira y angym u,’ napi. Aw Areng, huni khumichi ai tiu ai nai nang i tavaimi kamkawm ai pato ba.

ZEPHANIAH 1:7

Areng my tara chih ai nai neng ly ang tym ai bo. Hunai deaungkho y mymy i mo y chymme naimy awm u. Areng ly mymy i khumichi ai pathyp ai nai angveirym i, Judachi ai lawm ai nai, paleung ka-echi ai palau bo.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.