ISAIA 12:2 - Khumi Common Language Bible

² Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 12:2 Iomraidhean Croise

2 SAMUELA 7:24

Nang ly Israela chengchi ai deungtasarei, nangmy i khumi lawm hai bo. Aw Areng, nang ly nichi i Tameuh lawm bo.

JOBA 13:16

Mani khumi hawi y nai py ne sy, Tameuh i mo y amteng vam y nai deaungkho y, kai i vam nai sai ly lawira lawitleaung netaing ne lym ai.

SAM 112:8

Ni ly paleung mawn nai py, jei nai py awm ai ny y; my i paleung ka-echi sum nai ly niu takengkei ai.

SAM 118:14

Areng ly kai ai sa thai naira haiho len hai nai ne; mymy ly kai ai atleu bo.

SAM 118:21

Aw Areng, nang ly kai i hnei nai thai i, kai ai eaung naira pei nai deaungkho y, kai ly nang ai palo nai ne.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 65:6

Nang ly sa thai naira hawimy mawichi ai meingtym tasyh iy, nang parai nai sa thai naira pateng bo.

SAM 68:20

Achi i Tameuh ly atleu nai keung Tameuh ne; mymy ly Areng, deira i nai atleu nai, achi i Areng ne.

SAM 68:21

Tameuh ly mymy i paleung ka-echi hawi, kamngo sa veangveang nai khumichi i lu tameang angchi khyp ai.

SAM 83:18

Nichi ly nang leaungrei naini Areng ne, nanai hawi, khaileaung pri verei y samrangchi tleaung y samrang ne, nanai py pany u sy.

THEU NAI 15:2

Areng ly kai i atho hawi ama hai nai keung, mymy leaungrei naini kai ai atleu nai keung ne; kai ly mymy ai palo ai. Mymy ly kai i ampo i Tameuh ne iy, mymy i nang parai nai sai ai kapalo ai.

ISAIA 10:24

Ati cheaungkhang sa thai nai keung Areng ly Zion mary y awm nai mymy i khumichi teng y, “Asuria chengchi ly Aikupta chengchi kamta nangchi ai ana u teu i py, nangchi ly nichi ai jei u moh.

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 27:5

Na i py kai i khumichi i paleung ka-echi ly kai i ama hai nai ngai lawh teu baly, kai hawi aly naira nga ai nai sa u ai nai tla. Nichi ly kai hawi aly naira nga ai nai, meitang khyp sa u ai nai tla,” nanai leu pei ai.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 38:20

Aw Areng, nang ly kai i no ang vawi hawi hai bo. Kaichi ly tarochi beu iy, nang ai palo nai khulym thui u ai. Kaimychi heng nai sala ryrei ly nang i Achura yhm y palo nai khulym thui ai.

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

ISAIA 49:5

Amhm taku theung y awm nai thym khala my, Areng ly kai ai vawi takhra bo. Mymy ly mymy i khumichi ai hawi ali teang ai nai, ahei dan nai Israela chengchi ai hawi ali teang ai nai py, kai ai miseaung y ang khai nai ne. Areng ly kai ai tahm ang khai iy, kai i atho pakeung sangum ne.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 51:12

Areng my, “Nangchi ai atho kawi angym hai nai keung ly kai ne. Acha keung tanrei heng sau khyh nai dei thai nai amjy khumi ai, nangchi ly ati mana nai jei u nai mo?

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 62:11

“Nangchi ai atleu nai keung Areng ly mymy i atleu pi nai khumichi ai hawi iy ang jeu ai,” nanai Jerusalem mary i khumichi teng y thui pi ai nai, Areng ly khaileaung pri khumi bawibawichi teng y amthang hai ai.

ISAIA 65:18

Kai i sa nai kalopra y amo theu u jojo ba. Kai i sa nai Jerusalem mary kangtha ly khri pa-rei amo theu iy, huni mary i khumichi py amo theu u ai.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

JEREMIA 3:23

Mawi saleungchira chiu sa nai molam y, kaichi kasabawmra ngo u y. Israela chengchi i vui sabawm naira ly kaichi i Areng Tameuh teng i naini nga pajau khyh.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

JOELA 2:23

“Aw Zion mary i khumichi awi, amo theu u; nangchi tlang tleaung y nangchi i Areng Tameuh my ang sa pi nai sai molam y amo theu u. Mymy ly nangchi ai kaseih kani angym pa-rei nai hai bo. Kaseih khei nai kani ai py, vaichi khala i kamta nai hai iy, kanipui kamteaung kani ai py, nangchi teng y nai hai bo.

JONA 2:9

Na i py kai ly nang i nang parai nai ai palo ai; nang teng y apathyp ai. Naibaly kaimy i adeu nai kamta tangai ai. Ati mana nai mo na baly atleu naira ly Areng teng i dengdairei tym nai ne!” nanai chiu sa.

HABAKKUK 3:18

Aw Areng Tameuh, nang ly kai i atleu keung ne nai deaungkho y, kai ly amo theu naimy awm ai.

ROM AVANGCHI TENG Y PAWLA I CHA PA NAI 1:16

Kai ly Satang Kahawi ai ly kakaji hai y leang; huni ly ami py ym nai ngierei i vui ly paheng ai naira lawn ai nai Tameuh i atiti sa thai naira ne; angchei y ly Judachi i vui ne, naibaly krikchi i vui py ne teang.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

AMTENG HAI NAI 7:10

naibaly nichi ly tao pajeng parai naimy, “Areng atehra tleaung y ateh nai achi i Tameuh teng y hawi, Beram Cho teng y py paheng naira awm,” a nai aeu u bo.

1 SAMUELA 2:1

Hannah ly hina nai kamta chiu sa nai ne. Areng my kai ai paleung amo theu hai bo; kai ly mymy i sa pi nai saho y amo theu! kai ly paleung ka-echi ai panui hai ai nai nga bo. Tameuh ly kai ai ang sabawm i, kai ly amo theu bo.