ISAIA 12:1 - Khumi Common Language Bible

¹ Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 12:1 Iomraidhean Croise

NEHEMIA 8:10

Vai ly yhm y vawi u iy amo theu naimy cho nei u. Nangchi i teicha teinei hawi kreip hang ly khumi kamawnchi teng y paji pi u. Vaini ly achi i Areng i kani kachai ne nai deaungkho y, paleung mawn u moh. Areng teng i nga nai amo theu naira ly nangchi ai atho angym hai ai,” nanai thui u nai ne.

JOBA 11:16

Huna nai khala nang ly jangni y avum nai, tui my lemheu nai ai tami veng nai kamta, amy i ngari kamtangchi py tami veng ai.

JOBA 13:16

Mani khumi hawi y nai py ne sy, Tameuh i mo y amteng vam y nai deaungkho y, kai i vam nai sai ly lawira lawitleaung netaing ne lym ai.

SAM 30:5

Mymy i kado theu nai ly tanareichy khyh; hawi naira ly deungtasarei ne. Vum y meikatui beu teu i py, khawn mang y ly amo theu hai ali teang nai ne.

SAM 71:21

Kai ai jangni i tleaung y nang tleaung nang hai ra iy, awmnem naira pei ali teang bo.

SAM 85:4

Kaichi ai atleu nai keung aw Tameuh, kaichi ai ali hai teang kyh ba; kaichi ai khrei y nai awm vui moh ba!

SAM 86:17

Aw Areng, nang ly kai i tlang tleaung y, nangmy hawihai nai sai pany hai kyh ba; kai i tlang tleaung y nangmy awm hai nem nai hawi sabawm nai ly kai ai niu ngai y nai khumichi niu nai khala y kangji nga u ai.

SAM 9:1

Aw Areng, kai ly paleung hawi verei my nang ai palo ai; nang i sa nai rengrang tlai naichi amteng hai ai.

ISAIA 10:25

Nangchi ai pajeng chum baly kra y naimy kai ly nichi ai tamyh ai.

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 11:16

Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

ISAIA 14:3

Areng ly Israela chengchi ai, mychi avum nai patang naira hawi ngari kamtangchira i nai py, kalop karam sa naichira i nai py, alawra pei ai.

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 25:1

Aw Areng, nang ly kai i Tameuh ne. Kai ly nang ai tahm pasang iy, nang i amyn palo ai. Nang ly rengrang nairachi sa nai ne. Jangni khala i dengdairei pasym pi yb nai ka-dawnchi ai meitang khyp sa pi bo.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 26:1

Anui mang i khulym ai Juda pri i khumichi my thui u nai neng kani tym ai. Nichi my, “Kaichi i mary ly khaw parai! Atleu pi nai molam y mary apaichi ai ly Tameuh mymy kypkyp my ama hai bo!

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 49:13

Kani khusang awi, khulym thui! Khaileaung awi, amo theu naimy khulym thui! Mawichi ly raawi pajeng parai naimy, khulym thui u sy! Areng ly mymy i khumichi ai, awmnem naira pei ai. Mymy ly ngari kamtang avum nai mymy i khumichi ai pahen ai.

ISAIA 51:3

“Kai ly Jerusalem mary hawi huni mary i phra seaungkhrang nai yhm hlaura y awm nai khumichi ai kapahen ai. Jerusalem mary ly daichi ka-vym lawm teu i py, kai ly huni ai Eden akho kamta, Areng i akho lawm hai ai. Huni meingtym y awm nai khumichi ly amo theu naimy, palo nai khulym thui nai tarawi y, kai ai kawn nai leu thui u ai.

ISAIA 54:7

“Kai ly nangchi ai tanareichy kang khai su teu i py, tamen naira len parai nai hawimy, kang la ali teang ai.

ISAIA 54:8

Kai ly kado theu nai deaungkho y, tanareichy kang hi pi veng nai ne. Na i py tamen naira ly nangchi teng y kang patei pi jojo ai, nanai nangchi ai atleu nai keung Areng my leu pei bo.

ISAIA 54:9

“Kai ly khaileaung pri y tuibai theu hai bi ai ny y, nanai Nova deung y leu adeu pi yb bo. Nangchi ai kado theu hai ali bi ai ny y, nanai vai, kai adeu bo. Kai ly nangchi ai thui parip nai hawi, pajeng nai py kang tym hai ai ny y.

ISAIA 60:10

Areng my Jerusalem mary ai, “Cheng takhra khumichi ly nang i mary apaichi sa u palai teang ai. Nichi i samrangchi py nangchi i kalop ang sa pi ai. Kai ly kado theu nai deaungkho y, nangchi ai kang pajeng nai ne. Na i py vai ly nangchi ai meimai kahawi pei iy, kang pahen ai.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 64:5

Nang ly kateng sa naira y amo theu naichi ai py, nang i ngai nai kamta sa ai nai tami y nai khumichi ai py, kawn pi nai ne. Nang ly kaichi ai kado theu hai teu i py, kaichi ly kamngo sa ra sa ra bo. Nang ly kado theu naimy awm teu i py, kaichi ly tamang naira sa veangveang nai ne. Jangni i ka-so hina nai kamta kasa u lawh bo.

ISAIA 65:18

Kai i sa nai kalopra y amo theu u jojo ba. Kai i sa nai Jerusalem mary kangtha ly khri pa-rei amo theu iy, huni mary i khumichi py amo theu u ai.

ISAIA 66:13

Amhm my chanau ai paleung awm hai nem nai kamta, kai ly nangchi ai Jerusalem mary y paleung awm hai nem ai.

JEREMIA 30:19

Huni meingtym y awm nai khumichi ly palo nai khulym thui u iy, nichi ly amo theu naimy aeu u ai. Kai ly nichi ai khumi peung hai ai i, tahm kapasang ai.

JEREMIA 31:13

Hunaibaly chaniu anglochi ly amo theu naimy lam u ai. Miteaung hawi thawndeangchi py, amo theu u sau ai. Kai ly nichi ai awm hai nem ai i, nichi i vo tangam nai ly amo theu naira mang y, nichi i paleung mawn nai ly kawn nai hawi amo theu naira mang y lawm hai ai.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

ZEKHARIAH 1:16

Jerusalem mary ai pahen nai sai patei ai nai, kavawi ali teang nai ne. Kai i Achura yhm sa palum teang iy, Jerusalem mary pui ai py, sa palum u teang ai nai tla ai,” napi.

ZEKHARIAH 14:20

Huni neng khala y keaungngochi ai namtleng tai nai salo y, “Areng teng y a-au bo” nanai cha lam tajiu iy khai ai. Achura yhmra y atiti theaung nai laawmchi ly maicham mo i rahumchi kamta, khri pa-rei chai ai.

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

ZEKHARIAH 8:11

Na i py vai, kai ly hini khumi cheng awm rai naichi hawi, sai sairei amkawm ai.

ZEKHARIAH 8:19

Palyh lo, pa-ngo lo, saryh lo hawi lo horei khala y sa nai biu hai nai pawichi ly Juda khumichi i vui amo theu naira lawm ai. Nangchi ly kateng lam hawi tlamsa naira ngai ai nai tla,” napi.

ROM AVANGCHI TENG Y PAWLA I CHA PA NAI 11:15

Mymychi ai aphi vui nai malawn py khaileaung pri ai aly hai teang naira ne baly, mymychi ai kawn bi naira ly deira i nai heng bi naira ny y baly ati awm ai mo?