ISAIA 11:6 - Khumi Common Language Bible

⁶ Kasuichi ly beramchi hawi vanrei tlamsa naimy awm u ai. Takaikhengchi py mi-ichochi hawi vanrei, i u ai. Sichochi hawi khrangsichi ly vanrei teicha cha u iy, nichi ai deaungdichi my typ ai.

ISAIA 11:6 Iomraidhean Croise

JOBA 5:23

Nang i sa nai li hlauchi ly lengseaungchi awm ai ny y. Daichi mawichi ly mana khala py, nang ai tabau ai ny y.

ISAIA 2:4

Mymy ly khumi cheng kalenchi a-ei nai rym hai ai. Nichi py mychi i haisauchi ai li thawnra tamo, mychi i tivichi ai changpi kalei nai akeichi lawm ai nai thip palai vui ai. Khumi cheng bawibawichi ly mo mang y, mana khala py tavai atiu u ai ny y. Tavai atiu u bi ai nai py aeng u ai ny y.

ISAIA 65:25

Kasui hawi beramchi ly vanrei teicha tlai iy, khrangsichi ly si, painochi kamta acha cha ai. Pavuichi ly spryh naini cha u ai. Kai i chai parai nai Zion mawi salo y patang hai nai hawi, hawi y nairachi ati sai py awm ai ny y,” napi.

Ezekiela 34:25

Nichi i vui ka-ym awm ai nai kai ly nichi hawi aly nai Leu Maikawm asa ai. Ka-jei awm nai mawi kasi bawibawichi ai pri theung i nai patheu pawn ai. Huna khala naini kai i beramchi ly chymme naimy thengreung theung y awm u ai i, daichi theung y i u ai.

HOSEA 2:18

Huna nai khala kai ly mawi kasi, tavo cheaungkhangchi hawi leu maikawm asa iy, haisau, thailiho chyn hawi tavai atiu naichi py, pri y by y vui nai deaungkho y, kai i khumichi ly tlamsa naimy awm ai nai nga u ai.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.