ISAIA 11:2 - Khumi Common Language Bible

² Ni ly mymy i khumichi ai peang ai nai cheng naira, pany thai naira hawi haiho ly Areng i Phailo hawi nga ai. Ni ly Areng i kangai pany iy, mymy ai tahm khai ai.

ISAIA 11:2 Iomraidhean Croise

2 SAMUELA 23:3

Israela chengchi ai atleu nai keung, Israela chengchi i Tameuh ly kai teng y hina nai leu pei bo: “Tameuh ai jei kaji naimy tahm khai iy, leu meitang adyh adawi naimy peang nai samrang ly

SAM 72:2

Nang i khumichi ai leu meitang adyh adawi naimy peang pajau ai nai py, khumi kamawnchi ai reita hawi kamlau peang pajau ai nai py, nang i leu meitang adyh adawi nai kamta tara chih pajau ai nai samrang ai pei pi ba.

THEU NAI 28:3

Aron ly kai teng y pathyp pi nai keung lawm iy Kai i kalop sa pi thai ai nai, kaimy sa thai naira pei nai kupe kakawpchi ai palau iy, Aron i vui ateaungchi sa pi ai nai tla.

ISAIA 28:6

Mymy ly tara chih nai keung sa nai khumichi teng y, ka-dyh ka-dawi sa thai nai paleung ka-dawn py, paleung ka-echi ai mary apai katheu pa-khochi ra i nai patheu vui nai khumichi teng y, sorai paleung py pei pi ai.

ISAIA 32:15

Na i py Tameuh ly mymy i phailo ai achi teng y pato pi ali teang ai. Huna nai khala y khaileaung ka-keuchi ly khaileaung kahawichi lawm iy, li khaileaungchira i amti amjangchi neangneang theu ai.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 48:16

“Vai, kai i sahawi y jeu iy, kai i thui nai leu tangai u. Kai ly angchei khala i my nangchi teng y kang thui pi keng veng bo. Huni leaungsai amteaung nai khala my, kai ly awm,” napi. (Vai, Areng Tameuh ly kai ai sa thai naira pei iy ang pato nai ne.)

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

ZEKHARIAH 4:6

Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

MATTHAI 3:16

Naibaly Isu ly baptisma nga pajau bo nabaly mymy ly tui theung i dengdairei theu praw: naibaly khen cham, kani am-eaung iy Tameuh i Phailo ly buhu ka-tawm kathiu i, mymy i tlang tleaung y chym nai niu.

JOHAN 14:17

Huni ly Leu Meitang Phailo ne: khaileaung prichi ly mymy ai niu y nai hawi pany y nai deeaungkho y ngothai y; nangchi ly ni ai pany, ni ly nangchi teng y awm jo i, nangchi i paleung theung y py awm ai.

JOHAN 15:26

Naibaly Ngaai teng i nai Awm Hai Nem nai Keung nangchi teng y kang pato ai nai, Ngaai teng i Leu Meitang Phailo ly ang tym khala y ni my kai i satang ang pany hai ai;

JOHAN 16:13

Na i py mymy, Leu Meitang Phailo ang tym khala ly leu meitang bawibawi y ang pahawi ai: mymy i paseang amang nai leu thui y ai, mymy i leu thai nai ngierei ly ang thui pi ai; atiti tym ai naichi py ang pany hai ai.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

Leu Thui Nai 34:9

Nun i chapo Josua ly cheng parai nai deaungkho y, mymy i meingtym atheng ai nai au pi bo. Israela khumichi ly Josua i leu tangai nai hawi, Areng my Mosi teng y leu pei naichi py patawm u bo.

II TIMOTHEI 1:7

ati mana nai mo nabaly Tameuh my achi jei ai nai phailo ang pei nai ny y leang, sa thai naira hawi tamen naira hawi parip naira phailo ang pei na teu.

AMTENG HAI NAI 1:4

Johan my ly Asia pri i palau takhra kamkawm saryhreichi teng y ly: Vai awm nai hawi, jangni i dengdairei awm nai hawi, vai momang y awm ai nai keung teng i dengdairei hawi, mymy i areng atehra mo y awm nai Phailo saryhreichi teng i dengdairei hawi,