ISAIA 10:6 - Khumi Common Language Bible

⁶ Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 10:6 Iomraidhean Croise

2 SAMUELA 22:43

Kai ly nichi ai tamyh nai deaungkho y, nichi ly spryh kamta dei lawm u na bo; lam salo i aneaung kapan chiu nai kamta, kai ly nichi ai kachiu bo.

2 ARENG KEH 18:25

Kai ly Areng teng i kasabawmra abawi y naimy nangchi i pri taphra nai ne, nanai nangchi athang khai u a? Nangchi i pri taphra ai nai Areng kypkyp my, kai ai pato nai ne,” napi.

ISAIA 19:17

Aikupta khumichi ly mychi i vui ati cheaungkhang sa thai nai keung Areng my khai pi yb nai khym taham adawn ali teang nai tleirei, Juda pri y jei u ai.

ISAIA 22:5

Hini neng ly paleung mei y niu nai ka-jeira, sum naira hawi ahei phrophra nairachi tym nai neng ne. Ati cheaungkhang sa thai nai keung Areng my py, kaichi ai huni neng avum hai nai ne. Kaichi i mary apaichi ly taphra naira avum veng bo. Kasabawmra ngai nai khumichi i aeu nai raawichi ly mawi aheungchi mang y katyn avah na veng bo.

ISAIA 24:5

Khumichi ly Tameuh i reita leu pei naichi khai su nai molam py, mymy i deungtasa Leu Maikawm ngai y nai molam py, khaileaung ai chai hai y nai ne.

ISAIA 29:13

Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.

ISAIA 32:6

Khumi ka-khum ly ka-khum leu katheu iy, hawi y nai atitichi sa ai nai dawn pasym reng. Ni i sa nai kalop hawi ni i katheu nai leuchi ly Areng ai khumi aniu y nai sa nai ne. Ni ly kajeu alam naichi ai mana khala py pacho y; tui ahai naichi ai mana khala py tui panei y.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 41:25

“Kai ly nisi pri mang i khumi leaungrei ai vawi yb bo. Ni ai palau iy tosyh mang dengdairei tiu hai ai. Laawm beu nai keung ly khaileaung laikan ai kheu hawi ati piu nai kamta, ni ly pri peang nai samrangchi ai chiu piupa ai.

ISAIA 49:17

“Nang ai palum teang ai nai khumichi ly kra y naimy ang tym u ai. Nang ai phra hai nai khumichi ly theu u pawn ai.

ISAIA 49:25

Areng my, “Vai tym ai nai leaungsai ly hina nai kamta ne. Tavaimi risa my patiu iy langheng hawi naichi ai kaimy patleaung vui ai. Samrang hawi y naichi i nga nai vawnsaichi ai, kaimy pakym vui ai. Kai ly nang ai tiu nai khumichi ai tiu iy, nang i cho chanauchi ai atleu ai.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

ISAIA 5:29

Nichi i aeu nai katyn ly mawi ai kei naimy ryh iy ni teng i nai ami py lawm pajau y ai nai amtang hai nai khrangsichi i hang nai katyn hawi atawm.

ISAIA 5:5

“Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

ISAIA 63:3

Areng my, “Kai ly khumi cheng cheaungkhangchi ai kreip athaichi kamta, ati piu veng bo. Ami py kai ai sabawm ai nai jeu y. Kai ly kado theu nai deaungkho y, nichi ai ati piu naira y kai i ateaungchi ly nichi i thi abawi nai ne.

ISAIA 63:6

Kai ly kaimy i kado theu nai ryrei my, khumi cheng cheaungkhangchi ai ati iy katamyh bo. Nichi i thi ai ly khaileaung y kaleih jawn bo,” napi.

ISAIA 7:17

“Israela hawi Juda pri nyhrei akhawi takhra nai neng dengdairei amteaung iy, avum vai y nai patang nairachi ai Areng ly nang hawi nang i khumichi tlang tleaung y py, samrang i yhm dengtheungchi tlang tleaung y py tym hai ai. Mymy ly Asuria samrang ai ang hawi ai.

ISAIA 8:4

Huni deaungdi ly nei, ngaai, nanai palau kawp nai neng tym y rai khala y, Asuria samrang ly Damaska mary i yhmtheaung katui ngiereichi hawi, Samari mary y tiura i nga nai vawnsaichi la pi vui ai,” nanai kai teng y leu pei nai ne.

ISAIA 8:8

Asuria samrang hawi tavaimichi napi nai, lem heu nai tavo tui ly Juda pri verei y leaung naimy meingtym tleireira y, khumichi i kaneaung tym pa-rei um ai,” nanai kai ai leu pei bo. Aw Emmanuela Tameuh ly kaichi hawi vanrei awm na a! Mymy ly my i tamen nai pakhi kadai iy, kaichi i pri ang kry pi nai ne.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

ISAIA 9:19

Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 3:10

Hina nai kalopchi sa chum baly Israela i tuicho ka-ym by y nai Juda ly kai teng y ali teang bo. Paleung pipi apei y, ngai ka-awi sa iy jeu nai ne. Hini ly kai, Areng i thui nai leu ne,” napi.

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

Ezekiela 29:20

Ni ly mymy i tavaimichi hawi kai i kalop sa pi nai deaungkho y, kai ly ni ai kawn vang Aikupta pri kapei ai. Hini ly sa thai naira angym nai kai, Areng i pei nai leu ne.

Ezekiela 38:12

Nang ly vaichi khala, phra seaungkhrang nai marychira y awm nai khumichi ai tiu lawm ai nai dawn ai. Nichi ly khumi cheng cheaungkhangchi teng i kaimy pangym achu teang nai khumichi ne. Nichi ly vai, tawnbawichi hawi vawnsaichi nang iy, khaileaung pri i lam sangumchira y awm u bo.

Ezekiela 38:13

Sheba pri hawi Didan pri i khumichi, Spain pri marychi mang i ka-sum ka-pai sa naichi my, ‘Nang ly muku tangka hawi beram, si, vawnsaichi lawm ai nai jeu nai a? Atiura i vawnsai ngiereichi tawn vui ai nai tavaimi risachi kachu yb bo a?,’ nanai nang teng y ang deng u ai,” napi.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

HABAKKUK 1:12

Aw Areng, nang ly angchei khala i dengdairei Tameuh ne. Nang ly kaichi i Tameuh, Chai parai naimy deungtasarei awm nai ne. Aw Areng, kai i Tameuh hawi abyhra lengseaung, “Nang ly Babulon chengchi ai vawi takhra iy, kaichi ai pajeng thai ai nai nichi ai atho angym hai bo.

ZEKHARIAH 10:5

Juda khumichi ly lamchira i aneaung kapan theung y, paleung ka-echi ai chiu piupa nai tavaimichi kamta, eaung naira nga u ai. Areng ly nichi hawi vanrei awm nai deaungkho y, nichi ly paleung ka-e keaungngo atang nai risachi ai malawn py tiu nai pajau vui ai.

MATTHAI 15:7

Nangchi tapawp naichi awi, amo Isaia my nangchi i satang thui yb nai ly teng khyp nai bo; mymy ly,