ISAIA 10:2 - Khumi Common Language Bible

² Hina nai kamta nangchi ly khumi kamawnchi ai mychi nga ai avo naichi ngo thai y ai nai, nangchi ly reita kateng tara chih ai nai so u y. Lumai cheaungtichi hawi nuro nukai chochi i vawnsaichi py la pi pawn nai ne.

ISAIA 10:2 Iomraidhean Croise

JOBA 31:16

Kai ly khumi kamawnchi ai sabawm ai nai mana khala py, akhi vai y; Paleung phra atho di nai neampachy lumaichi ai mana khala py, athang khai y naimy nai awm vai y.

SAM 94:6

Nichi ly neampachy lumaichi hawi, nurochochi ai padei u; kaichi i pri y awm nai angvynchi ai py padei u nai ne.

THEU NAI 23:6

“Khumi kamawn ai tara chih nai khala y, tara lam teng y nai chih pi moh.

LEU KACHENG 22:22

Khumi kamawn i kamawn nai molam y, ni i vawnsai lawm moh. Tara jeung y jeaungmang nai khumi ai ano moh.

LEU KACHENG 30:14

Phyrei khumichi ly kamawn kateuchi tlang tleaung y pahyp y naimy kho sa iy, mychi apacho pajau ai nai sa u reng nai ne.

ISAIA 1:17

kahawi so u. Ana piupa naira avum nai khumichi ai sabawm iy, nuro nukai chochi hawi lumai cheaungtichi i nga ai avo naichi ai ama hai nai hawimy, tara leu reita my peang nai awm pa-rei so u,” napi.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 29:21

Tameuh ly ami ai kangji pei naichi, reita taphra nai khumi ai pajeng naira avum y pa-rei sa vui naichi hawi, khumi kahawichi my ka-dyh ka-dawi tara chih nai lei amcheang y ai nai, ka-chawi naimy pany hai nai khumichi ai tamyh ai.

ISAIA 3:14

Areng ly mymy i khumichi theung i miteaung cheng naichi hawi lu sa naichi ai tara chih ai. Nichi teng y mymy ly “Nangchi ly kreip akho baichi lawm u bo. Nangchi i yhmchi py khumi kamawnchi teng i lawm nai vawnsaichi hawimy kawi na bo.

ISAIA 3:15

Nichi teng y kai i khumichi ai ana ai nai, khumi kamawnchi tlang tleaung y neng ka-pe dyp ai nai py sa thai naira by y. Huni ly ati cheaungkhang sa thai nai keung kai, Areng my pei nai leu ne,” napi.

ISAIA 32:6

Khumi ka-khum ly ka-khum leu katheu iy, hawi y nai atitichi sa ai nai dawn pasym reng. Ni i sa nai kalop hawi ni i katheu nai leuchi ly Areng ai khumi aniu y nai sa nai ne. Ni ly kajeu alam naichi ai mana khala py pacho y; tui ahai naichi ai mana khala py tui panei y.

ISAIA 5:23

Na i py nangchi ly un langseaung nga lawh teu baly, sa tamang nai khumichi ai pajeng y naimy patleaung vui iy, tamang y nai khumichi ai ly kataw kateng chih pi u y.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

ISAIA 59:15

Huni meingtym y khumi kahawi ly di parai nai deaungkho y, hawi y naira ai en vui nai khumichi py hawi y naira avum u lawh bo.” Hina naichi niu nai deaungkho y, Areng ly adyh adawi naira by y nai ai niu ngai y.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

TANGAM NAI LEU 3:35

Mymy ly my i pei yb nai nga ai avo naichi, achi ngo thai y nai khala py, ang pany pi se nai ne.

Ezekiela 22:7

Nang teng y awm nai mary theung i amimi py, amhm ampo ai tahm khai nai by y. Nang teng y awm nai cheng takhra khumichi ai nang ly li-tapawp iy, neampachy lumaichi hawi nurochochi ai ana bo.

AMOS 2:6

Areng my, “Israela khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kalai pe pajau y nai khumi kahawichi hawi, phainai makengrei vang malawn py kalai pe pajau y nai khumi kamawnchi ai, miseaung y jo u bo.

AMOS 2:7

Nichi ly atho di nai khumi hawi jeaungmang nai khumichi ai chiu iy, khumi kamawnchi ai nui u pawn nai ne. Ampo hawi chapo ly miseaung neampachy leaungrei hawi i ahawi mei naimy, kai i amyn kachai ai tahm anem hai bo.

AMOS 5:19

Huni kani ly nangchi i vui khrangsi ai jei i, angpreng nai khala, tavym hawi avum lawh nai khumi kamta lawm ai. Ti y baly yhm y tym nai khala angpang y amkhaw i, pavui my patiu lawh nai khumi kamta lawn ai.

MIKHA 3:1

Israela chengchi ai lu sa naichi awi, tangai u! Nangchi ly leu meitang naimy tara chih ai nai khumichi ne i py,

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.