ISAIA 10:12 - Khumi Common Language Bible

¹² Na i py Areng my, “Kai ly Zion mawi hawi Jerusalem mary y sa ai awm nai kalop sa pajau bo nabaly, Asuria empara samrang teng y my i amlyh nai hawi paleung len nai molam y kamngo pajeng ai,” napi.

ISAIA 10:12 Iomraidhean Croise

2 ARENG KEH 19:31

Jerusalem mary hawi Zion mawi salo y, khumichi ly dei y naimy awm u ai. Ati mana nai mo nabaly, hunai kamta tym ai nai Areng my leu pei yb veng nai deaungkho y ne.

SAM 18:27

Mymy ly paleung apanem nai khumichi ai atleu bo. Na i py paleung len amlyh nai khumichi ai ly tahm anem hai vui nai ne.

SAM 21:10

Samrang ly nichi i cho chanau bawibawichi ai padei ai. Nichi i cheng bawibawichi ai tamyh pawn ai.

SAM 76:10

Khumichi i kado theu nai ly nang ai palo tleaung palora naira lawn hai ai; tavai keung y dei y naimy heng rai naichi ly nang i pawi sa naichi typ u ai.

SAM 76:5

Paleung ka-echi i ham parai nai tavaimichi ly mychi teng y awm nai vawnsai ateaungchi chau i, vai ly dei u pawn bo; nichi i atho hawi kawp nai saichi py atyhtyh teu bo.

LEU KACHENG 21:4

Tahm apasang nai mei, amlyh am-e nai paleung hawi, hawi y nai sai bawibawichi ly kamngo ne.

LEU KACHENG 30:13

Phyrei khumichi ly mymychi ai khri pa-rei khumi kahawichi ne, nanai apalawn u reng. khrikhri pa-rei khumi kahawichi ne, nanai athang khai u lawh ly!

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

ISAIA 24:21

Kani khusang ai peang nai vawinamchi hawi khaileaung y peang nai samrangchi ai, Areng my pajeng nai neng tym ai.

ISAIA 27:7

Israela chengchi ly mychi i paleung ka-echi tanrei, Areng i pajeng naira khri pa-rei avum u y, paleung ka-echi tanrei py dei u y.

ISAIA 27:9

Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai.

ISAIA 29:14

Hunai deaungkho y kai ly nichi athang khai y nai patang naira harei chum baly harei tym hai iy, nichi ai jei hyn hai ai. Khumi kachengchi ly khumi hawi y naichi lawm u be iy, nichi i tau cheng nai ngiereichi py, nichi ai ati sai py hawi hai ai ny y,” nanai leu pei bo.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 37:29

Nang i kado theu nai, amlyh am-e naichi ai kai ly kapany nai ne. Hunai deaungkho y kai ly nang ai notareang pakau iy labeaung pakau chum baly, jeu nai lam mang kang vawi hai ali teang ai.”

ISAIA 5:15

Khumi luteng kangji nga iy paleung len nai khumi ngiereichi py, tahm anem naira avum u ai.

ISAIA 50:11

Khumi takhrachi ai tamyh pawn ai nai dawn paviu nai khumi bawibawichi awi, nangchi ly nangmychi i dawn paviu nai hawimy, myh kang u ai. Areng mymy kypkyp my, hini atitichi tym hai ai. Nichi ly ngari kamtang avum u ai.

ISAIA 65:7

Nichi i kamngolai py, nichi i amsi pajochi i kamngolai py, vawitheung katha hai ai. Nichi ly mawi salo i mynchi ai chiu nai meingtymra y mui katuichi leng patlum iy, kai ai cheh u bo. Hunai deaungkho y nichi ai kamngo ka-taing kapajeng ai,” napi.

ISAIA 9:9

Huna nai sa, nanai ly Samari mary y awm nai khumi bawibawichi hawi, Israela cheng bawibawichi my pany u ai. Vai, nichi ly amlyh am-e iy paleung len u nai ne. Nichi my,

JEREMIA 25:29

Kai ly taphra nai kakop ai, kai i amyn apu nai mary pui dengdairei amteaung ai. Huni mary i khumichi ly pajeng naira avum u ai ny y, nanai athang khai u a? Ny y leang. Kai ly khaileaung pri y awm nai khumi bawibawichi teng y tavai ka-jeira kapato ai i, nichi ly pajeng naira avum u takengkei ai. Hini ly kai Areng thui nai leu ne.

JEREMIA 50:18

Hini molam y Israela chengchi i Tameuh, ati cheaungkhang sa thai nai keung kai Areng ly Asuria samrang ai pajeng nai kamta, samrang Nebukhadnezar hawi ni i pri ai py pajeng ai.

JEREMIA 50:32

Amlyh am-e nai nangchi i pri ly athei iy atlym ai. Angthau teang ai nai nang ai ami py sabawm ai ny y. Kai ly nangchi i marychi ai mai kang hai ai i, nangchi tengpang sahawi y awm nai ngiereichi ly phra ai,” napi.

Ezekiela 31:10

“Huna nai y huni keung ly ati mana lawm ai mo, nanai sa thai naira angym nai kai, Areng my kang thui pi ai. Saitleang keung ly changpichi salo mang y khupanym khrairei asang bo. Huni keung ly hina nai asangryh asangryh iy, amlyh am-e ra amlyh am-e ra bo.

Ezekiela 31:14

Hunai deaungkho y mana tanrei tui nga teu i py, vai i dengdairei mani keung py huni saitleang keung tanrei, changpichi salo mang y asang ai ny y. Huni keung salyh kamsuichi ly khupanym y tym pa-rei asang ai ny y. Huni dengkeaung keung bawibawichi py khumichi kamta, khaileaung y dei iy tavau pri y ang vum u ai,” napi.

DANIELA 11:45

Ni ly Achura yhm awm nai mawi hawi, pangli sala y mymy i vui kanih yhm kalenchi sa ai. Na i py mymy ai sabawm ai nai keung by y nai deaungkho y dei ai,” napi.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

Kati Nai 24:24

Kupra tlawn i dengdairei paleung ka-e samphochi jeu iy, Asuria pri hawi Eber prichi ai eaung vui ai, na i py nichi ly phra naira avum teang ai,” napi.

MATTHAI 12:33

“Dengkeaung ai ly kahawi palawn u makho baly athai py kahawi palawn ai nai tla; dengkeaung ai ly hawi y nai palawn u mako baly athai py hawi y nai palawn ai nai tla; ati mana nai mo nabaly dengkeaung ly athai y amny.

MATTHAI 15:19

Paleung theung i nai kamngo dawn naichi, khumi ai padei naichi, pajang sa naichi, angai naichi, paviu naichi, seu rumrang naichi, thui tamawm naichi py theu:

Leu Thui Nai 32:27

Na i py nichi i paleung ka-echi ly mymychi i haiho saho y kai i khumichi ai eaung nai ne, nanai amlyh am-e ai nai kapei ai ny y.’

I PETERA 4:17

Tara chih ai nai ly Tameuh i dengtheungchi theung y amteaung ai neng veng bo; naibaly achi teng y malawn py amteaung man baly, Tameuh i Satang Kahawi patawm y naichi i tem naira ly mana tanrei awm ai mo?