ISAIA 1:8 - Khumi Common Language Bible

⁸ Katanmeuh naira avum nai Jerusalem mary harei naini awm khyh bo. Huni mary ly mymy i vui amtang pajau y nai kreip akho typ nai tai kamta py, pajawi bai typra tai kamta py lawm nai ne.

ISAIA 1:8 Iomraidhean Croise

JOBA 27:18

Khumi hawi y naichi i sa nai yhmchi ly khanglo sanghang yhm hawi li hlau typ nai miseaung i tai hawi py atawm.

SAM 9:14

Huna nai khala naini kai ly Jerusalem mary khumichi i mo y angdo iy, nang i nang parai nai sai bawibawi amteng hai pajau ai. Nang i atleu pi nai sai molam y kai ly amo theu ai.

ISAIA 1:7

Nangchi i pri ly phra iy nangchi i marychi py, maidym satlawi lawm vui bo. Nang khen nai thym khala my py, pri takhra khumichi ly nangchi i khu peang vui iy, ati cheaungkhangchi ai phra hai pawn bo.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 10:32

Paleung ka-echi ly vaini Noba mary y awm u bo. Nichi ly huni mary i dengdairei, Zion mawi hawi Jerusalem mary ai kiu pahyn u nai ne.

ISAIA 29:3

Tameuh ly huni mary y tiu naimy katanmeuh iy peang vui ai.

ISAIA 30:17

Paleung ka-e leaungrei ai niu baly, nangchi teng i khumi leaung sangrei preang u ai. Paleung ka-e leaung pangrei nabaly, nangchi bawibawi malawn py preang u ai. Mawi saleung y tamkhawn my tlairei leng jo nai ny y baly, nangchi tavaimi theung i ati sai py awm jo ai ny y.

ISAIA 37:22

Areng my, “Aw Senakheri, Jerusalem mary ly nang ai khen i, ang panui hai bo.

ISAIA 37:4

Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

ISAIA 4:4

Areng ly Israela chengchi ai tara chih iy, sa thai naira hawimy chai hai ai. Jerusalem mary i kamngo py, huni mary y leaung nai thichi py, pachai pi ai.

ISAIA 49:21

Naibaly nang ly amymy ai, ‘Kai ly hini cho chanauchi ai ami hawi nga nai mo? Kai i cho chanauchi ly dei pawn nai iy, kai ly cho chanau by y leang bo. Kai ly kamlora y pri pala nai avum i, hini cho chanauchi ai ami my, tleaungri pacheang pi mo? Kai ly kaimy leaungrei naini kaawm khyh bo. Hini cho chanauchi ly ma mang i nai tym u nai mo?,” nanai ang deng ai.

ISAIA 62:11

“Nangchi ai atleu nai keung Areng ly mymy i atleu pi nai khumichi ai hawi iy ang jeu ai,” nanai Jerusalem mary i khumichi teng y thui pi ai nai, Areng ly khaileaung pri khumi bawibawichi teng y amthang hai ai.

ISAIA 8:8

Asuria samrang hawi tavaimichi napi nai, lem heu nai tavo tui ly Juda pri verei y leaung naimy meingtym tleireira y, khumichi i kaneaung tym pa-rei um ai,” nanai kai ai leu pei bo. Aw Emmanuela Tameuh ly kaichi hawi vanrei awm na a! Mymy ly my i tamen nai pakhi kadai iy, kaichi i pri ang kry pi nai ne.

JEREMIA 4:17

Nichi ly li typ nai khumichi kamta, huni mary ai katanmeuh ai. Ati mana nai mo nabaly Juda pri ly Areng ai tiu u nai deaungkho y ne. Hini ly Areng my thui nai leu ne.

JEREMIA 6:2

Zion mary ly mo cha hawi iy jypjyp teu i py, taphra naira avum ai.

TANGAM NAI LEU 2:1

Ar ly kado theu nai deaungkho y, Zion mary ai kaveng khiu hai vui bo. Huni mary i sareaung hawi nai sai ly kani mang dengdai khaileaung y khrairei tla iy phra seaungkhrang veng bo. Mymy i kado theu nai neng khala y ly mymy i Achura yhm py khai su nai ne.

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.

ZEKHARIAH 2:10

Areng my, “Aw Jerusalem mary i khumichi awi, amo theu naimy khulym thui u; kai ly nangchi theung y awm hai ai nai kang jeu ai!” napi.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

JOHAN 12:15

Khen cham, nang i Samrang ly keaungngo kano kasau cho tleaung y atang naimy ang jeu ai,” nanai tajiu nai kamta.