ISAIA 1:7 - Khumi Common Language Bible

⁷ Nangchi i pri ly phra iy nangchi i marychi py, maidym satlawi lawm vui bo. Nang khen nai thym khala my py, pri takhra khumichi ly nangchi i khu peang vui iy, ati cheaungkhangchi ai phra hai pawn bo.

ISAIA 1:7 Iomraidhean Croise

2 NENG SATANG 28:5

Samrang Ahazi ly kamngo sa nai deaungkho y, Areng Tameuh my Suria samrang teng y, ni ai tiu iy Juda khumi neangneangchi ai langheng palawn nai Damaska mary y hawi pawn ai nai pei bo. Areng ly Remaliah i chapo, Israela samrang Pekah teng y Ahazi ai tiu iy, kanirei y my Juda tavaimi risa leaung 120,000 rei padei ai nai pei pi bo. Nichi ly mymychi amsi pajochi i Areng Tameuh ai khai u su nai deaungkho y, mymy ly hina nai tym hai nai ne.

SAM 107:34

Mymy ly khaileaung kahawi ai, teaung ai ngo y nai palawi khaileaung lawm hai bo; ati mana nai mo nabaly hu y awm nai khumichi i hawi y nai molam y ne.

SAM 107:39

Tameuh i khumichi ly ana pumpi nai hawi, ngari kamtangchi avum nai molam y, sum naira hawimy kangji kangai nga u nai khala y,

SAM 109:11

Kalai keungchi ly ni i yhmtheaung awm nai ngiereichi ai la pi pawn iy, cheng takhrachi ly ni i kalop sa naira i ko nai atitichi py. lo pi pawn sy.

ISAIA 1:8

Katanmeuh naira avum nai Jerusalem mary harei naini awm khyh bo. Huni mary ly mymy i vui amtang pajau y nai kreip akho typ nai tai kamta py, pajawi bai typra tai kamta py lawm nai ne.

ISAIA 3:8

Jerusalem mary ly taham si lawh ly! Juda pri py phra lawh bo ly! Nichi i sa nai ngiereichi hawi, thui nai ngiereichi ly Areng hawi ka-awi naini lawm nai ne. Nichi ly Tameuh kypkyp ai mei aniu y nai sa nai ly amthang leaung na bo.

ISAIA 34:9

Edom pri i tavochi ly ketara katli kamta py, khaileaung kathau ly kan kamta py, amtlau vui ai. Huni pri verei ly ketara katli kamta, mai angveaung ai.

ISAIA 49:19

“Nang i pri ly phra seaungkhrang iy, khumi angso savai tlang veng bo. Na i py vai ly awm nai khumichi i vui huni pri ly theang ala veng nai ne. Nang ai phra seaungkhrang hai nai khumichi ly kamlora y tym u veng ai.

ISAIA 5:17

Phra seaungkhrang nai marychira y beramchochi ly acha cha naimy, mi-ichi py sui tlaira meingtymchi avum ai.

ISAIA 5:9

Ati cheaungkhang sa thai nai Areng my, “Hini apu parai nai yhm puichi ly khumi angso by y nai yhm kaphrachi lawm ai.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

ISAIA 60:15

“Nang ly khumi angso savai tlang iy nyn va nai niu ngai y naira avum nai mary lawm y leang bo. Kai ly nang ai nang parai iy apu parai nai, deungtasarei amo theu ai hawi nai mary lawm hai ai.

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

ISAIA 64:10

Nang i chai parai nai marychi ly khutaha daichi ka-vymchi lawm iy Jerusalem mary py, phra seaungkhrang naimy khumi angso by y naira lawm bo.

ISAIA 9:18

Khumichi i hawi y nai sai ly aleng keung cheaungkhang ai kang hai nai mai kamta, angveaung bo. Kamparui mai kamta angveaung iy maikhyh angjawichi khyh hai kalau nai ne.

ISAIA 9:5

Tiu ai jeu nai tavaimi paleung ka-echi i phainaichi hawi thi akau nai ateaungchi ly mai leng pawn nai avum u ai.

JEREMIA 2:15

Paleung ka-echi ly ni ai khrangsi kamta hang hai bo. Ni i pri y jeng hai rawm bo. Ni i mary ly phra seaungkhrang iy, khumi angso savai na bo.

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 44:6

Hunai deaungkho y kai ly Juda marychi hawi Jerusalem lamchi salo y, kai i kado theu naira kaleih iy, huni marychi ai mai kang hai ai. Huni marychi ly phra seaungkhrang naimy awm iy, vaini niu nai kamta khumichi i mei ka-niu y ka-jeira lawm bo.

JEREMIA 6:8

Jerusalem mary i khumichi awi, nangchi ly huni patang naichira i nai amtiura lo u, ti y baly kai ly nangchi ai kang khai su ai. Nangchi i mary ly khumi angso savai tlang iy khutaha meingtym lawm hai ai,” napi.

JEREMIA 7:34

Kai ly Juda marychi hawi Jerusalem mary lamchira y, apom nai pawira i amo theu nai katynchi hawi, amo theu kawn nai katynchi py, tama hai vui ai. Huni meingtym ly khumi angso savai tlang naira lawm ai.

TANGAM NAI LEU 5:2

Kaichi i yhmtheaung katuichi ly apany vai y nai khumichi kiu y tym lawh bo. Cheng takhra khumichi ly kaichi i yhmchira y athum u vui bo.

Ezekiela 25:4

Huna nai nangchi amo theu nai molam y kai ly nisi mang i nupaichi teng y nangchi ai tiu hai ai. Nichi ly nangchi i pri y awmra taichi sa iy khuteng cha u ai. Nangchi i cha nai thengthaichi cha iy nangchi nei nai kanu py nei u ai.

Ezekiela 30:12

Kai ly Naing tavo tui kang hai iy Aikupta pri ai, khumi hawi y naichi i kiu y tym hai ai. Cheng takhra khumichi my ly huni pri verei phra hai ai. Hini ly kai, Areng i pei nai leu ne,” napi.

HOSEA 7:9

Pri takhra ai a-ym nai molam y, huni prichi my thi pajawp, nanai nichi pany u y. Nichi i pri ly phra nai neng kasa teu i py, mychi pany u y.

HOSEA 8:7

Nichi ly ali ai hei nai khala, kamchai tyn u lawh ai! Li i chohpui chomaw myn y baly tako ngo pajau y. Huni lira i chohpui chomaw myn lawh tei u py pri takhrachi cha u ai.

Levi 26:33

Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.

Levi 26:34

Naibaly nangchi my vaichi khala amdaw hai y nai khaileaung ly vai amdaw ai nai nga ai. Nangchi ly paleung ka-echi i pri y awm u nai thym khala, nangchi i pri ly khumi angso savai iy, amdaw ai nai nga ai.

MIKHA 5:11

Kai ly nangchi i pri y awm nai marychi taphra iy, nangchi i amtangrachi taphra ai.

MIKHA 6:13

Hunai deaungkho y kai ly nangchi i kamngo nai molam y, vaimy nangchi ai pajeng iy phra hai ai; leu ka-chawi katheu u bo.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.

Leu Thui Nai 28:43

“Nangchi i pri y awm nai cheng takhrachi ly tahm asang tleaung asang ra iy, nangchi ly jum ryh jum ryh ai.

Leu Thui Nai 29:23

Nangchi i khaileaungchira y kan hawi palawichi sau hai nai deaungkho y, daichi ka-vym lawm ai; ati sai py pati ai nai ngo y ai, achachi malawn py prau ai ny y. Nangchi i pri ly Areng my khri pa-rei kado iy taphra nai Sodom hawi Komora mary, Adamah hawi Zeboim marychi ai sa nai kamta phra ai.