ISAIA 1:5 - Khumi Common Language Bible

⁵ Nangchi ly ati mana nai y tiu u veangveang lawh mo? Vai i tleaung y lenra nai kamngo pajeng naira avum ai nai ngai u lawh a? Nangchi Israela mipuichi awi, nangchi i luchira y tamo kalem kawi na bo. Nangchi i paleung pathym py phra u na bo.

ISAIA 1:5 Iomraidhean Croise

2 ARENG KEH 1:13

Samrang ly tavailu leaungrei hawi khumi leaung vuipangreichi ai pato taleang bi. Huni tavailu ly mawi saleung y lyn kalau iy Elija i mo y kheukhu di naimy, “Tameuh i khumi awi, kai hawi kai i khumichi ai pahen ba. Kaichi ai padei moh ba!

2 NENG SATANG 28:22

Ahazi ly hina nai rai naira khri pa-rei avum nai neng khala py, Areng i tlang tleaung y vaichi khala i tleaung y kamngo sa tleaung sa ra bo.

NEHEMIA 9:34

Kaichi i amsi pajochi, samrangchi, lu sa naichi hawi pathyp pi nai keungchi ly nang i Reita leu pei nai ai patawm u y nai ne. Nichi ly nang i leu pei naichi, pany hai naichi tangai u y.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 31:6

Areng my, “Aw Israela chengchi awi, nangchi ly kai i tlang tleaung y kamngo sa iy, ka-awi sa u. Na i py vai, kai teng y ali u teang jau!

ISAIA 33:24

Achi i pri y awm u nai khumi bawibawichi ly noso keaungno awm, nanai mana khala py tangam u ai ny y. Kamngo awm nai ngiereichi py lawi naira nga u ai.

ISAIA 9:13

Israela chengchi ly uikheih u y. Ati cheaungkhang sa thai nai Areng ly mymychi ai pajeng teu i py nichi ly mymy teang y ali u teang y.

ISAIA 9:21

Manase cheng theaungchi hawi Ephraim cheng theaungchi ly mychi tengtawi atiu u chum baly, nini leaung nyhrei amkawm hawi iy Juda cheng theaungchi ai tiu hawi nai ne. Hunai deaungkho y py Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 13:23

Tlang panum nai khumi ly my i ngan tlang areaung takhra hai tha na a? Ti y baly takaikheng ly my i an mawichi tamo hai thai na a? Nichi ly huna nai sa thai lawh teu baly, hawi y naira naini sa thai khyh nai nangchi py, hawi naira mang y amtlau ai nai sa thai ngau lym ai.

JEREMIA 17:9

“Mani khumi ly khumi i paleung pany pajau mo? Khumi i paleung ly ati cheaungkhang tleaung y py akawi reng. Huni paleungra y kahawi sa iy ngo pajau y nai ang vawi awm.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 44:15

Huna nai khala y mychi i ajuchi ly tameuh takhrachi teng y apathyp u, nanai pany nai khumichi, huni meingtym y angdo nai neampachychi hawi, Aikupta pri tokalawi mang y awm nai Israela chengchi raurei, khumi humchi ly kai teng y,

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 5:5

Kai ly sa thai naira awm nai khumichi teng y chei iy, nichi teng y thui pi ai. Nichi ly Areng i kangai pany u ai. Tameuh i khai pi yb nai reitachi pany u nai ne,” nanai adawn u bo. Na i py nichi bawibawi ly Areng i sa thai naira khai su iy leu atangai u y nai ne.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

TANGAM NAI LEU 5:17

Kaichi ly paleung phra iy meikatui angdeang nai deaungkho y, kaichi i mei ly khen nai niu pajau y na bo.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

Ezekiela 34:4

Kreaung nai beramchi ai khen y, no nga nai beramchi ai py asi so pi y; tamo nga nai beramchi ai kanih hawi bam pi y, lam tamang nai beramchi ai pakym y; tama nai beramchi ai py hau y naimy, nangchi ly huni beramchi ai pahen ai nai pany u y.