ISAIA 1:16 - Khumi Common Language Bible

¹⁶ Nangchi i paleung chai pa-rei so u. Kai i mo y nangchi i sa tamang naichi anawn u. Hawi y sa naichi anawn iy

ISAIA 1:16 Iomraidhean Croise

2 ARENG KEH 17:13

Areng ly mymy i amtaw thauchi hawi amochi ai pato iy, Juda chengchi hawi Israela chengchi teng y pany hai bo. Mymy ly “Nangchi ly nangmychi i hawi y sa naichi khai u su jau; nangmychi i amsi pajochi hawi kai i miseaung amochi dengdairei, nangchi teng y kaimy pei nai reita theung y abawi nai kai i leu tangai u,” napi.

SAM 26:6

Aw Areng, kai teng y kamngo by y nai sai patei ai nai kai ly kaimy i kiu asipan chum baly, nang i maicham taki iy chiu ai.

SAM 34:14

Hawi y nai ai en vui iy, hawi nai so u; tlamsa naira nga ai nai ham parai naimy atho so u.

SAM 37:27

Hawi y nai ai en vui iy kahawi phai so; hunaibaly nang i katu chanauchi ly pri y awm ai nai nga u jojo ai.

SAM 51:2

Kai i hawi y nai chai pyn pa-rei paju pachai pi! kai ai kamngora i nai chai hai kyh ba!

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

LEU KACHENG 4:27

Hawi y nai ai en vui iy, langvawi lamtang angphri y naimy kataw tako ba.

ISAIA 52:11

Achura yhm i ateaung khauchi syn u nai khumi bawibawichi awi, Babulon pri i dengdairei, vaimy jeu u! Paka nai atitichi ai kiu hawi py, abi u dei moh. Nangmychi ai apachai iy, mary i nai theu u.

JEREMIA 18:11

Huna nai y kai ly Juda khumichi hawi Jerusalem mary i khumichi ai, ka-awi sa ai tau nai hawi kapajeng ai sa rym naichi py thui pi. Khumi bawibawichi kamngo sa nai anawn u ai nai hawi, mychi i heng nai hawi amhi amtlau naichi takhra u ai nai Areng my leu pei nai thui pi ba.

JEREMIA 25:5

Nangchi ly nangmychi hawi amsi pajochi teng y, Areng my pei nai pri y deung ka-kan awm u ai nai, huni amochi ly nangchi i heng nai leaungsai hawi, sa nai sai hawi y naichi ai, hi vui ai nai ang thui pi nai ne.

JEREMIA 26:3

Khumichi ly tangai iy mychi i hawi y nai saichi khai u su lym ai. Nichi hunai nai kamta khai u su lawh teu baly, kai ly nichi i hawi y nai molam y katamyh ai nai paleung ka-dawn amtlau vui ai,” napi.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

JONA 3:8

Khumi bawibawichi hawi tawnbawichi ly paisiu amchiu u ai nai tla. Khumi luteng ly paleung apei parai naimy Tameuh teng y chiu sa ai nai tla. Huni bo y amy i hawi y nai hawi, sa ta-li naichi khai su ai nai tla.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

ZEKHARIAH 7:7

Hini ly Jerusalem mary nang chawn nai neng khala y, jangni amochi deung y Areng my pei nai leu ne. Huna nai khala mary sahawi i avangchira y naini, khumi neangneang awm u nai ny y. Tokalawi ngan mang y hawi nidym ngan mang i mawi kheutangchira y py awm u nai ne.

MATTHAI 3:8

Hunaibaly uikhei nai amyn ataing ai nai athai u: ‘Abraham ly kaichi i amsi sangum na a,’

AMTAW 22:16

Naibaly ati mana nai nang ly vai ajeng jo rai mo? Angthau ly, mymy i amyn palau nai tarawi y baptisma nga iy nang i kamngochi chai hai bei,’ ang napi.

ROM AVANGCHI TENG Y PAWLA I CHA PA NAI 12:9

Tamen naira ly tapawp naira abawi y nai ne sy. Kamngo mang y ly niu ngai u moh ly; kahawi mang y ly hawihai apatawm u.

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.

I PETERA 2:1

Hunaibaly kamngo bawibawi hawi, tapawp paryp naira hawi, tapawp naira hawi, paleung no naira hawi, thui tamawn naira bawibawichi anawn u veng iy,

I PETERA 3:11

Kamngo ai hi veng iy atiti kahawi so sy; Aly naira hau iy hui veangveang sy.

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.