ISAIA 1:11 - Khumi Common Language Bible

¹¹ Mymy ly “Nangchi avaw avawrei talam nai kapathyprachi ai kai aly ngai,” nanai athang khai u a? Nangchi i leng patlum nai beramchi hawi tawnbawichi i thauchi paleih na bo. Si, beram, mi-ichi i thichi ai py, kai paleung no y leang bo.

ISAIA 1:11 Iomraidhean Croise

SAM 40:6

Nang ly apathyp nai hawi katalamrachi aly ngai y bo. Maicham tleaung y bom verei leng patlum nai tawnbawichi ai py, kamngo pahen nai kapathyprachi ai py, nang ly hnei y leang. Na i py nang ly nang teng i leu thai ai nai kai ai kano pei nai ne.

SAM 50:8

Nangchi ly kai teng y apathyp nai hawi leng patlum nai kapathyprachi talam amtawn jo nai deaungkho y, kai ly nangchi ai kang chih ai nai ngai y leang.

SAM 51:16

Nang ly apathyp naira aly ngai y; ti y khyly, kai ly apathyp ai. Nang ly leng patlum nai katalamrachi aly ngai y bo.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 21:27

Areng ly khumi hawi y naichi i, apathyp nai tawnbawichi ai niu ngai y. Chai y nai paleung hawi apathyp nai khala, niu ngai y keh nai ne.

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

ISAIA 58:2

Nichi ly kai i reita sa patawm bo, nanai hawi, lam kateng sa bo, nanai py thui u iy, kai ai kani tleirei chiu u. Kai i parip nai saichi pany ai nai ngai u. Nichi ly kai ai chiu ai nai ngai u i, kai teng i leu meitang reitachi hnei u bo.

ISAIA 66:3

“Khumichi ly mychi i kangai sa u reng nai ne. Mychi i vui si tleh iy apathyp nai ly khumi ai padei iy apathyp nai hawi atawm. Beram pathyp nai hawi ui pathyp nai py vanrei ne. Amti amjang talam nai ly eu thi talam nai hawi atawm. Mui katui leng patlum iy talam nai ly myn ai chiu nai hawi atawm teang. Nichi ly amso ngai ai hawi chiu sa naichira y amo theu u lawh nai ne.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

JEREMIA 7:21

Hina nai kamta ati cheaungkhang sa thai nai keung Israela chengchi i Areng Tameuh my leu pei nai ne. “Kai i khumichi awi, nangchi ly nangmychi cha ai avo nai tawnbawichi awm nai kamta, maicham tleaung y theng iy, bom verei leng patlum nai tawnbawichi py awm. Huni tawnbawi amjy nyhrei ai cho u.

HOSEA 6:6

Kai ly nangchi i tawnbawi hawi apathyp nai aly ngai y, nangchi teng i tamen naira naini ngai khyh. Kai i khumichi my kai teng y leng patlum nai kapathypra talam nai tleaung y, kai ai pany u naini aly ngai khyh nai ne.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

AMOS 4:5

Tameuh ai kawn nai leu thui nai tako talam u. Alyly naimy talam nai py nang Israela chengchi my thai hai iy amlyh u. Huna nai sa ai nai nangchi ngai, nanai leu pei nai ne.

AMOS 5:21

Areng my, “Nangchi i reita pawichi ai kaniu ngai y. Huni pawichi ai khrikhri pa-rei kapaso.

AMOS 5:22

Nangchi i leng patlum nai kapathyp, teicha teinei talam naichi ai kai aly ngai y. Veung hawi nai tawnbawichi hawi apathyp nai py, kai aly ngai y.

MIKHA 6:7

Kai ly beram sang neangneangchi ai py, olive asitui tavo leaung na pa-rei py, kasyn baly Areng my kawn pi na a? Kai i kamngo lawi ai nai nang teng y kai i chapo chalu talam ai a?

HAKAI 2:14

Naibaly Hakai my, “Hunai kamta teang, hini pri i khumichi hawi nichi i sa nai leaungsaichi ly chai y nai deaungkho y, maicham salo y talam nai kapathypra ngierei py chai y, nanai Areng my leu pei bo,” napi.

ZEKHARIAH 7:5

Mymy ly “Mipuichi hawi pathyp pi nai keungchi ly saneng vui saryh ryrei, pa-ngo lo hawi saryh lo theung y biu hai iy, paleung si nai ka-ma-ra patei u nai ly kai ai tahm pasang nai ny y.

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

MATTHAI 22:4

Naibaly mymy ly, ‘Kai i heang naichi teng y ly, khen cham, kai i pawi sa rym nai pajau bo i, kai i si kataichi hawi kai i tawnbawi pacho patyp naichi ly tleh i, ati cheaungkhang sa rym bo; aju palyn nai pawi y biu cha ai nai jeu u jau, tapi u’ napi nai miseaung takhrachi ai pato bi bo.

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

1 SAMUELA 15:22

Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.