II PETERA 3:7 - Khumi Common Language Bible

⁷ na i py vai i kani khaileaung ly huni leu deaungkho y Tameuh ai tahm khai y naichi ai tara chih ai nai hawi tama hai ai nai kani i vui y khai iy, mai i vui pateung achu nai lawn bo.

II PETERA 3:7 Iomraidhean Croise

SAM 102:26

Huni bawibawichi ly tama pawn teu i py, nang ly awm jojo ai nai ne; huni bawibawichi ly ateaung kamta tangym pawm ai. Nang ly ateaung atha nai kamta atha nai deaungkho y, hunichi ly tama pawn ai.

SAM 50:3

Achi i Tameuh ly ang jeu bo; na i py tyn kryh y naimy ang jeu nai ny y. Mymy i mo y ly mai kadeu kangveaung tawn kalawn naimy, mymy i sahawi y ali kamchai aho nai ne.

ISAIA 51:6

Kani khusang ai khen ang deng u; khaileaung ai py khen u! Kani khusang ly maikhyh kamta tama vui ai. Khaileaung ly ateaung tangym nai kamta phra dudu ai. Hini khaileaung i khumi bawibawichi py, pathau kamta dei be ai. Na i py kai i atleu naira ly deungtasarei awm jojo ai. Kai i eaung naira ly mana khala py phra ai ny y.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

DANIELA 7:9

Kai ly khen nai thym y, areng atehrachi awm nai py, atehra harei salo y deungtasarei heng nai keung ateh nai py, kaniu nai ne. Mymy i ateaungchi ly ji kamta kaleung iy, sam py beram mui tatang hawi atawm. Aai nanai amlira kheuchi tai nai, mymy i areng atehra ly mai kangveaung kamta angvang na bo.

ZEPHANIAH 3:8

Areng my, “Ajeng u jo; khumi cheaungkhangchi ai kai ang thau iy, thui tamawn nai neng kani ajeng. Kai i kado theu nai haiho avum ai nai, khumi cheaungkhangchi hawi pri tleitleireichi ai kachu ai nai, kai ly leu pacheang yb veng bo. Khaileaung pri verei ly kai i kado theu nai mai hawi kang iy phra veng ai.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

MATTHAI 10:15

Meitang khyp kang thui pi, tara chih nai kani y ly huni avangchi tleaung y ly Sodom hawi Komora pri i patang ai nai hawi kyh alam ai.

MATTHAI 11:22

Na i py kang thui pi, tara chih nai kani y ly nangchi tleaung y ly Tura hawi Sodom avang i patang ai nai ly hawi kyh alam ai.

MATTHAI 11:24

Na i py kang thui pi, tara chih nai kani y ly nang tleaung y ly Sodom pri i patang ai nai ly hawi kyh alam ai,” napi.

MATTHAI 12:36

Naibaly kang thui pi, ami py leu avo y nai thui rumrang nai ngierei ly huni satang ly tara chih nai kani y thui pi ai nai tla.

MATTHAI 24:35

Kani khaileaung ly tama ai i, kai i leu ly tamo y ai.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MARKA 6:11

Naibaly mani avang y py nichi my nangchi ai kawn y iy, nangchi i leu py tangai y nai ngierei y ly, hu i dengdairei theu u nai khala y ly, mymychi ai pany hai ai nai nangchi i kheu padawi i spryh ly katheng u,” napi.

JOHAN 12:48

Ami py kai ai ngai y iy kai i leu thui naichi py tangai y baly, ni ai pasum nai keung leaungrei awm; kai i leu thui nai ly huni leu kypkyp my kani kangkhym y ly mymy ai pasum ryp ai.

ROM AVANGCHI TENG Y PAWLA I CHA PA NAI 2:5

Na i py nang i atangai y nai hawi uikhei y nai paleung awm nai deaungkho y kado theu naira hawi, Tameuh i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne.

I KORINTH 3:13

Ati mana nai mo nabaly mai y amny ai nai deaungkho y huni kani my ly amteng hai ai; naibaly mai kypkyp my ly khumi leaung leaungrei i kalop sa nai ly mana atawm mo, nanai cham ai.

PHILIPI 1:28

huni ly mymychi i vui tama ai naira ne, nanai hawi, nangchi i vui naini heng ai naira ne, nanai py pany hai naira chai pyn nai ne lawh veng, huni py Tameuh teng i nai ne.

II THESALONIKA 2:3

Ami py sai py nangchi ai tapawp ai nai pei u moh: atlym naira ly tym man veng iy Reita Taphra Nai, tama nai i chapo ly amteng y baly huni kani ly tym ai ny y.

I TIMOTHEI 6:9

Na i py nang ai tau naichi ly parawi naira y hawi, deaung y hawi, taphra atyhtyh thai nai ngai phi teng y naira neangneangchira y atlym u iy, hunichi ly phra naira y hawi, tama naira y py khumichi ai tup hai.

HEBRAI 12:29

ati mana nai mo nabaly achi i Tameuh ly kang hai nai mai ne.

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;

II PETERA 3:10

Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.

II PETERA 3:12

Huni neng deaungkho y kani ai ly kang iy tama ai i, atiti pakeungchi py khri pa-rei angngo nai mai y ang kang bebe ai bo.

I JOHAN 4:17

Achi ly tara chih nai kani y vam parai pa-rei awm thai ai nai achi i tlang tleaung y tamen naira ly angym bo; ati mana nai mo nabaly mymy i awm nai kamta achi ly hini khaileaung pri y awm teang bo.

JUDA 1:7

Sodom hawi Komora hawi, huni ahawi tengtang avang py hunai kamta khyp angai naira y bom verei apei nai, tlang takhra y hui teang nai deaungkho y deungtasarei mai pajeng naira nga jojo naimy amtiu ai naira kamta lawn u bo.

AMTENG HAI NAI 17:11

Naibaly jangni awm khyp i, vai by y nai mawi kasi kypkyp ly leaung taja nai ne: ni ly leaung saryhreichi theung i theu nai ne i, tama naira y chei ai.

AMTENG HAI NAI 17:8

Nang i niu nai mawi kasi ly jangni awm khyp i, vai by y leang; naibaly angawm kalawi by y nai theung i dengdairei ang theu kalau ai i, tama naira y chei ai. Naibaly khaileaung pri y awm nai, khaileaung palum angchei khalai dengdairei heng naira cha-iu y amyn tajiu y naichi ly mawi kasi ai niu u nai khala y, jangni awm khyp i, vai by y nai, ang jeu bi ai nai ly rengrang na u ai.

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.

AMTENG HAI NAI 21:1

Naibaly kani kangtha hawi khaileaung kangtha py kaniu: ati mana nai mo nabaly kangman i kani hawi kangman i khaileaung py tama vui bo, pangli py by y leang bo.