II PETERA 3:3 - Khumi Common Language Bible

³ Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

II PETERA 3:3 Iomraidhean Croise

LEU KACHENG 1:22

“Khumi ka-khumchi awi!, nangchi ly mana tanrei akhum naimy awm ai nai ngai u nai mo? Nangchi ly cheng naira ai mana tanrei mei aniu y nai sa iy, amo theu u ai mo? Nangchi ly mana khala py, ka-dawn pany u vau nai by y na mo?

LEU KACHENG 14:6

Paleung asang nai khumichi ly mana khala py, khumi kacheng lawm pajau y; na i py tau cheng nai khumichi ly rai y naimy amtiu thai nai ne.

LEU KACHENG 3:34

Mymy ly paleung len nai khumichi ai niu ngai y i, paleung apanem nai khumichi ai ly meimai khen nai ne.

ISAIA 28:14

Vai, Jerusalem mary y hini khumichi ai peang nai, nangchi amlyh am-e nai khumichi awi, Areng my leu pei nai tangai u.

ISAIA 29:20

Amichi ai ana iy Tameuh ai mei aniu y nai khumichi ly tama u ai. Kamngo sa nai khumi ngiereichi ly sum naira nga u ai.

ISAIA 5:19

Nangchi my, “Kaichi niu ai nai Areng ly mymy i leu pei nai kamta, so pi kaliki sy. Israela chengchi i chai parai nai Tameuh ly mymy i dawn tau naichi so pi takengkei na sy. Mymy i dawn tau nai achi khen u sina,” nanai thui lawh.

HOSEA 7:5

Samrang i sa nai pawi kani y samrang hawi ni i bangtangchi ai kreip hang panei iy, pavui tapai hai u bo.

JOHAN 12:48

Ami py kai ai ngai y iy kai i leu thui naichi py tangai y baly, ni ai pasum nai keung leaungrei awm; kai i leu thui nai ly huni leu kypkyp my kani kangkhym y ly mymy ai pasum ryp ai.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

II TIMOTHEI 3:1

Hini ly dawn ba. Kani kangkhym khala y ly neng rai parai nai tym takengkei ai.

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

II PETERA 1:20

Tameuh i cha-iu y thui rym nai leu ly amymy thui pi pachai ai nai ny y, nanai pany u man ba.

II PETERA 2:10

tlang i ngai phi teng y nai chai y naira mang y asa nai hawi, aly peang naira tahm khai y naichi ai khai ai nai pany nai tleaung y ang pany ra nai ne. Nichi ly khri pa-rei vam iy mymychi i ngai nai harei dawn khyh i, nang parai nai keungchi ai thui tamawn ai nai kaso theu u vai y:

I JOHAN 2:18

Bechi awi, kangkhym kangtem i neng ly tym bo; Krista ai paka nai keung ang jeu ai, nanai nangchi i thai nai kamta ly vai py Krista ai paka nai keung neangneangchi ang theu nai bo; hunai deaungkho y kangkhym kangtem i neng ly tym bo, nanai achi pany bo.

JUDA 1:16

Hunichi ly athui apreaung naichi, cheh nai keungchi ne, mymychi i ngai phi teng y nai kamta khyp naimy tako nai ne; nichi i labeaung py am-e parai nai leu kawi bo, atiti kamran cha ai nai khumichi ai patle takhra naichi ne.

JUDA 1:18

Mymychi ly nangchi teng y, “Kani kangkhym y ly panui hai nai keungchi ly mymychi i Tameuh ai tahm khai y nai ngai phi teng y nai kamta tako nai awm u ai,” napi.