II PETERA 3:13 - Khumi Common Language Bible

¹³ Na i py mymy i leu adeu nai kamta hawi naira awm nai, kani khaileaung kangtha ai ly achi athang khai.

II PETERA 3:13 Iomraidhean Croise

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 65:17

Areng my, “Khaileaung kangtha hawi kani kangtha sa ai. Jangni khala i atiti awm naichi ly tama pawn veng ai.

ISAIA 65:25

Kasui hawi beramchi ly vanrei teicha tlai iy, khrangsichi ly si, painochi kamta acha cha ai. Pavuichi ly spryh naini cha u ai. Kai i chai parai nai Zion mawi salo y patang hai nai hawi, hawi y nairachi ati sai py awm ai ny y,” napi.

ISAIA 66:22

“Khaileaung kangtha hawi kani kangthachi ly kai i sa thai nai saho y khaw jo nai kamta, nangchi i amyn hawi kangpreangchi ly khaw u jojo ai.

ROM AVANGCHI TENG Y PAWLA I CHA PA NAI 8:21

atiti sa naichi bawibawi ai ly ati sai py ny y naira i ngaingai anui y awm hai veng bo(mymychi i kangai y ny y leang, anui y awm hai nai keung my athang khai nai deaungkho y teu.)

II PETERA 1:4

Huni i saho y mymy i leu adeu naichi vang teng parai nai hawi, khri pa-rei ji parai nai ang pei nai ne; hunaibaly ngai phi teng y nairachi deaungkho y khaileaung pri y phra naira awm nai ai ly angpreng veng chum iy, huni adeu nairachi deaungkho y nangchi ly Tameuh i awm nai sai phy nga pajau ai.

AMTENG HAI NAI 21:1

Naibaly kani kangtha hawi khaileaung kangtha py kaniu: ati mana nai mo nabaly kangman i kani hawi kangman i khaileaung py tama vui bo, pangli py by y leang bo.

AMTENG HAI NAI 21:27

naibaly atiti chai y nai amjy mo, amso ngailai nai hawi ka-chawi thui nai keung mo huni theung y tlen py kun ai ny y; Beram Cho i heng naira cha-iu y amyn tajiu angchi nai ngiereichi naini kun ai khyh.