II PETERA 3:1 - Khumi Common Language Bible

¹ Ngai parai naichi awi, vai nangchi teng y katajiu nai ly kai i cha pa-nyh kang pa nai ne; nangchi ly amo kachaichi i leu thui rym nai hawi, nangchi i amtaw thau naichi i labeaung y Areng hawi Paheng Keung i leu pei nai py pany jo ai nai,

II PETERA 3:1 Iomraidhean Croise

SAM 24:4

Kaja hawi iy paleung chai naimy tameuh takhrachi ai chiu y nai khumichi, tapawp y, adeu nai vaineng taphra vai y nai khumichi ne.

SAM 73:1

Tameuh ly paleung chai nai khumichi napi nai Israela chengchi ai meitang khyp, hawi hai nai ne.

MATTHAI 5:8

“Paleung y chai naichi ly taham hawi: nichi ly Tameuh ai niu ai.

II KORINTH 13:2

Kai ly angchei kha y kamngo sa nai keungchi ai hawi, khumi takhra bawibawichi teng y py kathuipi rym bo, naibaly tlen nyhrei kaawm nai thym khala y nichi ai kathuipi rym nai kamta ly, vai py nangchi teng y kang awm y naimy nichi ai kathuipi rym bi;

I TIMOTHEI 5:22

Ami i tlang tleaung y kiu tamam praw moh ly, khumi takhrachi i kamngo naira y py abawi moh; chai parai naimy awm thai ai nai hawihai palai atyp ly.

II TIMOTHEI 1:6

Hunaibaly kai ly kiu tamam nai deaungkho y Tameuh teng i phailo mang i sa thai naira nang nga chum nai ai ly hm iy angveaung hai ai nai kang pany hai nai ne.

HEBRAI 6:9

Na i py ngai parai naichi awi, kaichi ly hunai kamta leu thui teu iy py, nangchi ly huni tleaung y atiti hawi keh nai, paheng naira y abawi nai atitichi ly sa u ai nai kaichi ly athang kang khai.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 2:11

Ngai parai naichi awi, nangchi ly khuleaung chei naichi hawi angvynchi ne nai deaungkho y, phailo ai tiu reng nai tlang i ngai phi teng y nairachi ai ly anawn veng ai nai kang takeng;

II PETERA 3:14

Hunai deaungkho y ngai parai naichi awi, nangchi ly hunai kamta atitichi ai ly athang khai nai deaungkho y anyng akau y nai hawi cheh ai naira by y naimy, awmnem nai ang niu thai ai nai atho angjeng u.

II PETERA 3:17

Hunaibaly ngai parai naichi awi, nangchi ly huni satang pany rym nai deaungkho y amkym u, hu ti y baly khumi kamngochi i teng y naira y ang pahawi iy khaw u nai thym khala y ly atlym u lawh na.

II PETERA 3:8

Na i py ngai parai naichi awi, hini leu sairei nai ly tami u moh, Areng i dawn naira y ly kanirei nai ly saneng sangrei nai kamta lawn iy, saneng sangrei nai py kanirei nai kamta lawn teang.

JUDA 1:5

Naibaly nangchi ly tlenrei ati cheaungkhang pany be teu i py, Areng my ly Aikupta pri i dengdairei khumichi ai lawi hai iy, huni bo y ym y naichi ai ly ang tama hai, nanai pany hai vau ai nai kang ngai hai.