II PETERA 2:6 - Khumi Common Language Bible

⁶ naibaly Sodom hawi Komora avang ai ly mymy ai tahm khai y naichi i vui y pany hai naira palawn i maiphu lawn hai iy tama hai naira y pasum baly:

II PETERA 2:6 Iomraidhean Croise

ATITI AWM ANGCHEI NAI 19:28

Mymy ly Sodom mary hawi Komora mary ai py, adym ang deng leaunghawi bawibawi py khen angdeang i, huni pri dengdairei mai khyhthleung nai niu bo; huni ly tamang mai pui sau nai kamta maikhyh sau nai niu bo.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 13:19

Babulon pri ly pri leilachi theung y apu keh iy, mary i khumichi i vui amlyh naira lawm bo. Na i py kai, Areng ly Sodom hawi Komora mary y sa nai kamta, Babulon ai py phra hai ai!

JEREMIA 50:40

Sodom, Komora mary hawi tengpang sahawi i avangchi ly kaimy taphra naira avum nai kamta, Babulon mary py avum teang ai. Neng tanareichy huni mary y khumi leaungrei py awm ai ny y. Hini ly kai Areng i thui nai leu ne.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

AMOS 4:11

“Kai ly Sodom hawi Komora mary ai taphra nai kamta, nangchi theung i khumi phyreichi ai py taphra vui bo. Dei kamthum khumichi py, mai theung i ajiu teang nai thengbeang hawi atawm nai ne. Na i py nangchi ly kai teng y jeu y naimy awm u bo,” nanai Areng my thui.

ZEPHANIAH 2:9

Kai ly meitang khyp, Israela chengchi i, heng nai Areng Tameuh ne nai kamta, Moba pri hawi Ammon pri ly Sodom hawi Komora marychi kamta, taphra naira avum ai, nanai vaineng abeu bo. Huni prichi ly palawi tai nai meingtym lawm i, deungtasarei phra iy acha keungchi kawi biu ai. Kai i khumichi theung i dei kamthumchi ly huni khumichi ai tiu iy, nichi i pri peang vui ai.”

Kati Nai 16:38

Areng i maicham y rimui mui katui talam nai khala, mai-ai laawmchi teaung nai deaungkho y, hunichi ly talam patyp nai vawnchi ne. Hunaibaly amymychi i kamngo molam y dei nai khumichi teng i mai-ai laawmchi la chum baly, angporyp pa-rei thip taphidi iy maicham i vui mymra so. Huni kheupaja phei ly Israela chengchi ai pany hai vau ai,” napi.

Kati Nai 26:10

Hunai deaungkho y nichi ai ly korah nithun abang naichi hawi vanrei, khaileaung my pajawn vui nai ne. Huni kani y my mai kangveaung tla hai i, khumi leaung 250 rei ai kang vui bo. Huni ly khumichi ai pany hai vau nai leaungsai ne.

MATTHAI 10:15

Meitang khyp kang thui pi, tara chih nai kani y ly huni avangchi tleaung y ly Sodom hawi Komora pri i patang ai nai hawi kyh alam ai.

MATTHAI 11:23

Naibaly nang Kapernaum avang awi! Nang ai ly kani pri y tym pa-rei tahm pasang ai a? Nang ai ly tavau kho y tym pa-rei tahm panem ai na a; nangmy i meingtym y atiti rengrang sa naichi ly Sodom avang y sa nai ne iy khyly, huni avang ly vai khrairei awm jo ai bo.

ROM AVANGCHI TENG Y PAWLA I CHA PA NAI 9:29

Naibaly Isaia my teang, Mipuichi i Areng my ly ti ampreng ai nai keung ai ang khai pi moh khyly, Achi ly Sodom avang kamta awm ai i, Komora avang kamta ang palawn veng lawh nai bo he,” nanai thui rym nai kamta.

I KORINTH 10:11

Naibaly huni ly amtiu ai naira lawn ai nai nichi i tlang tleaung y tym hai nai chy bo; achi, neng tem naira y tym naichi ai ang parip ai nai tajiu nai ne.

Leu Thui Nai 29:23

Nangchi i khaileaungchira y kan hawi palawichi sau hai nai deaungkho y, daichi ka-vym lawm ai; ati sai py pati ai nai ngo y ai, achachi malawn py prau ai ny y. Nangchi i pri ly Areng my khri pa-rei kado iy taphra nai Sodom hawi Komora mary, Adamah hawi Zeboim marychi ai sa nai kamta phra ai.

HEBRAI 4:11

Hunaibaly ami py huni ym y nai khen pata nai kamta atlym y ai nai, huni anawn naira y kun ai nai paleung verei tau u sina.

JUDA 1:15

Tameuh ai tahm khai y nai bawibawichi i tahm khai y nai sala y Tameuh ai dawndan y nai sa naira bawibawi lam y hawi, Tameuh ai tahm khai y nai kamngo sa nai keungchi i mymy i tlang tleaung y leu kasi thui nai bawibawi lam y py pasum ai nai, Areng my ly mymy i tep rep ma pany y nai khumi kachaichi hawi ang jeu nai bo,” napi.

JUDA 1:7

Sodom hawi Komora hawi, huni ahawi tengtang avang py hunai kamta khyp angai naira y bom verei apei nai, tlang takhra y hui teang nai deaungkho y deungtasarei mai pajeng naira nga jojo naimy amtiu ai naira kamta lawn u bo.