II PETERA 2:20 - Khumi Common Language Bible

²⁰ Naibaly nichi ly Areng hawi Paheng Keung Isu Krista ai pany nai deaungkho y khaileaung pri i amnyng naira i nai angpreng vui nai bo y, hunira y ang tang u teang bi iy pajau nai awm makho baly, nichi i kangkhym i awm nai sai ly angchei i tleaung y ly hawi y kehkeh nai ne.

II PETERA 2:20 Iomraidhean Croise

Ezekiela 33:13

Kai ly khumi kahawi ai heng hai ai, nanai adeu teu i py, ni ly my i kahawi sa nai ai a-ym cheng naimy kamngo sa tamang lawh baly, kai ly ni i atiti kahawi sa nai ai py, pany pi ai ny y. Ni ly mymy i kamngo molam y dei ai nai ne.

Levi 13:20

Pathyp pi nai keung my no ang vawi khen pi nai khala, ang vawi ly aneng iy muichi kaleung nai niu lawh baly, huni khumi ai chai y napi ai nai tla. Huni ang vawi ly uisalura man nai ka-jei awm nai nganpeih no ang vawi ne.

Levi 13:55

Huni bo y pathyp pi nai keung ly huni ateaung ai khen bi ai nai tla. Kani-ei chawp nai nawira y i py, an akheng vui y lawh baly, huni ateaung ly chai y nai ne. Huni ateaung theung mang py, salo mang py pyn nai niu baly, huni ai mai leng vui ai nai tla.

Levi 14:43

Huni yhm i lengseaungchi kheaung iy angpangchi hi nai, angkadeng kangthachi pajui bi nai bo y, yhmsavi chawp taleang bi lawh baly,

Kati Nai 24:20

Naibaly Balam ly Amalek chengchi ai paleung mei y niu i, hina nai kamta amo leu thui pi: “Amalek pri ly atho awm keh nai pri ne, na i py kangkhym y ly huni pri ly phra seaungkhrang ai,” napi.

Leu Thui Nai 32:29

Nichi ly ati mana nai y tavai sum u nai mo, nanai pany u y; ati mana nai deaungkho y mo, nanai py dawn pajau y.

PHILIPI 3:19

hunichi i tem naira ly tama naira ne, mymychi i tameuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung pri i atitichi ngai lawh.

II TIMOTHEI 2:4

Tavai mi ami py ni ai tavaimi y awm ai nai vawi nai keung ai ly kawn hai ai nai, atiu nai thym khala y ly vai i heng nai sala kani tleirei i sa nai sai amymy ai paka ai nai pei y.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.

II PETERA 1:11

hunaibaly achi i Areng hawi Paheng Keung Isu Krista i deungtasarei peang naira y kun ai nai khri pa-rei ang nga hai ai.

II PETERA 1:2

Tameuh hawi Isu achi i Areng ai pany naira y ly nangchi teng y pahenra hawi awmnem naira py peung hai dudu sy.

II PETERA 1:3

Mymy i nang parai naira hawi, hawi naira saho y ang palau nai keung, mymy i satang pany nai deaungkho y mymy i Tameuh i atiti sa thai naira my heng naira hawi Tameuh ai dawn ryhryh nai lam y ly atiti bawibawi ang pei bo.

II PETERA 1:4

Huni i saho y mymy i leu adeu naichi vang teng parai nai hawi, khri pa-rei ji parai nai ang pei nai ne; hunaibaly ngai phi teng y nairachi deaungkho y khaileaung pri y phra naira awm nai ai ly angpreng veng chum iy, huni adeu nairachi deaungkho y nangchi ly Tameuh i awm nai sai phy nga pajau ai.

II PETERA 1:8

Hunichi ly nangchi i ne iy peung dudu lawh baly, achi i Areng Isu Krista ai pany naira ly nangchi ai atho si y nai hawi, athai y nai ny y nai py ang sa hai reng nai ne.

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.