II PETERA 2:2 - Khumi Common Language Bible

² Naibaly khumi neangneangchi ly mymychi i paleaung naira mang i atitichi ly abang u teang ai i, mymychi deaungkho y lam teng parai nai ai ly thui tamawn nai lawn ai.

II PETERA 2:2 Iomraidhean Croise

ATITI AWM ANGCHEI NAI 19:5

Nichi ly Lota ai palau u i ni teng y, “Vai dym nang i yhm y tym nai angvyn ni ly ma y mo? Nini ai patheu pi,” napi. Sodom mary i khumichi ly nini hawi kamleaung sa ai ngai nai ne.

SAM 18:21

Kai ly Areng i reita leu tangai bo; kaimy i Tameuh teng i dengdairei hi vui y leang.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

JEREMIA 6:16

Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.

MATTHAI 22:16

Naibaly nichi ly mymychi teng y abangnaichi hawi, Heroda i kamkawmchi ai mymy teng y pato i hunichi my ly, “Sara awi, nang ly khumi meitang ne, Tameuh i lam y py leu meitang khyp naimy patiu iy, ami ai py meimai akhen y, nanai kaichi pany: ati mana nai mo nabaly nang ly ami ai py patle takhra lawh nai py by y.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MATTHAI 7:14

Heng naira y tym ai nai lam ly amchei i, katheu pa-kho py amchei teang, naibaly niu naichi ly maiden chy khyh.

MARKA 12:14

Hunaibaly nichi ly tym u i mymy teng y, “Sara awi, nang ly khumi meitang ne, nang ly ami ai py meimai akhen y, nanai kaichi pany: ati mana nai mo nabaly nang ly khumi ami ai py patle takhra lawh y naimy Tameuh i lam y py leu meitang khyp naimy patiu reng. Kaisara teng y akeu pei nai ly pei ngau a pei ngau y a?

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

JOHAN 14:6

Isu my ni teng y, “Kai ly lam py, leu meitang py, hengra py ne.

AMTAW 13:10

“Nang tapawp nai khumi hawi mei amcheu rawi nai cheaungkhang kawi nai keung, nang diabola i chapo nang hawi naira cheaungkhang ai paka nai keung awi, Areng i lam teng parai nai taphra nai ly nang anawn y ai a?

AMTAW 14:2

Na i py ym ngai y nai Judachi my Cheng Takhrachi i paleung y pachei i, amjo amnauchi ai niu ngai hai y.

AMTAW 16:17

Huni anglo ly Pawla kaichi ai hui iy, “Hini khumi paheng nai lam ang thui pi nai keungchi ly Salo Keh i Tameuh i miseaungchi na a hi ly,” nanai aeu.

AMTAW 18:26

naibaly mymy ly achura yhm y vam parai pa-rei leu thui amteaung bo. Hunaibaly Priskila nini Akuila ly mymy i leu thui nai ly thai i, myni i yhm y pahawi iy mymy teng y ly Tameuh i reita chai tleaung y chai ra nai thui pi pachai bo.

AMTAW 19:9

Na i py phyreichi ly paleung apatang i ym ngai y nai, khumi mipuichi i mo y huni Lam thui tamawn khala ly mymy ly nichi ai tako pi vui, abangnaichi ai py khai takhra, kani tleirei Turana i cheaung y khumichi ai ka-thui thui pi.

AMTAW 22:4

naibaly hini Lam i khumichi ai padei ai nai pa-rei kai ana iy, neampacho neampachychi ai kawm nai, theaung y kakhai reng.

AMTAW 24:14

Na i py hini leu ly nang teng y kai atapheaung ai, kamkawm takhra ang napi nai ly huni Lam reita kamta achi i amsi sangumchi i Tameuh ai kachiu. Reita hawi amochi i cha-iu y tajiu nai bawibawi py kai ym;

ROM AVANGCHI TENG Y PAWLA I CHA PA NAI 2:24

Tameuh i amyn ly nangchi deaungkho y Cheng Takhrachi theung y taphra nai bo he, nanai tajiu nai kamta.

I TIMOTHEI 5:14

Hunaibaly lumai anglo kyh rai naichi ly juvo nang iy chanau sa ai nai hawi, yhm angtheung y kry iy paleung ka-e ai cheh ai naira ngo hai y ai nai py kangai;

TITA 2:5

amy i yhm y kalop sa nai keung y awm ai nai hawi, neaung hawi parai naimy awm ai nai hawi, mymychi i juvochi i kangai awm ai nai py atiti kahawi patiu u sy.

TITA 2:8

nang ly ati cheaungkhangra y kahawi sa nai lam y khen pata naira kahawi ne, nanai amteng hai ba; nang i patiu naira y ly nang i leu meitang patiu nai sai hawi, nang i tahm awm nai sai hawi, nang i chih pajau y nai leu thui nai sai kateng py amteng hai ba.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

II PETERA 2:12

Na i py hunichi, dawn pasym naira by y nai mawichi kamta patiu ai nai hawi tama hai ai nai tlang y tapen naichi ly ati sai py pany u y naira y thui tamawn iy, mymychi i phra naira y my tama u ai, kamngo vang py nga u takengkei ai;

II PETERA 2:15

Nichi ly Bosara i chapo Balam, kamngo sa nai vang ngai parai nai keung i lam y tako chum nai deaungkho y, lam kateng ai ly khai u su i, lam tamang veng bo;

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

II PETERA 2:21

Nichi ly lam kahawi pany nai bo y, leu pei nai kachai nichi teng y au nai ai hi vui nai tleaung y ly, lam kahawi pany y nai khyly nichi i vui hawi alam ai.

II PETERA 2:7

naibaly khumi kahawi Lota, khumi kamngochi i paleaung parai nai awm nai sai deaungkho y khrikhri pa-rei paleung mawn nai ai ly paheng baly:

JUDA 1:10

Na i py huni khumichi ly mymychi i pany y nai ngierei ai thui tamawn reng, naibaly dawn pasym naira by y nai mawichi kamta nichi i tlang mang y asa naira y pany naichi khypkhyp deaungkho y phra u nai ne.

JUDA 1:15

Tameuh ai tahm khai y nai bawibawichi i tahm khai y nai sala y Tameuh ai dawndan y nai sa naira bawibawi lam y hawi, Tameuh ai tahm khai y nai kamngo sa nai keungchi i mymy i tlang tleaung y leu kasi thui nai bawibawi lam y py pasum ai nai, Areng my ly mymy i tep rep ma pany y nai khumi kachaichi hawi ang jeu nai bo,” napi.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

JUDA 1:7

Sodom hawi Komora hawi, huni ahawi tengtang avang py hunai kamta khyp angai naira y bom verei apei nai, tlang takhra y hui teang nai deaungkho y deungtasarei mai pajeng naira nga jojo naimy amtiu ai naira kamta lawn u bo.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.