II PETERA 2:14 - Khumi Common Language Bible

¹⁴ nichi i mei ly pajang sa nai kawi iy, kamngo anawn pajau y naichi ne; nichi ly khaw y naichi ai parawi, yhmtheaung ano kawp ha nai paleung py awm; amsawi lawi nai chanauchi ne he!

II PETERA 2:14 Iomraidhean Croise

JOBA 31:7

Tumbaly kai ly lam kateng envui lawh baly, hawi y naira mang y abang lawh baly, kai i kiu y chainem y nai abawi lawh baly,

JOBA 31:9

Kai ly kaimy yhm deaungpa i aju ai khrei tahau nai paleung hawi, ni i katheu pa-khora y abyh iy, ajeng lawh teu baly,

LEU KACHENG 5:6

Ni ly heng nai lam y tako y naimy angphri vui iy, tako reng nai ne. My i sa nai kalop ai mymy pany y.

LEU KACHENG 6:25

Nang ly huni neampachychi i mo-cha kahawi ai paleungno moh. Nichi i ngai tahau nai deaungra y man moh sy.

ISAIA 1:16

Nangchi i paleung chai pa-rei so u. Kai i mo y nangchi i sa tamang naichi anawn u. Hawi y sa naichi anawn iy

ISAIA 34:5

Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.

ISAIA 65:20

Kanu kanei deaungdichi py, tleaungri cheng y naimy dei u ai ny y. khumi luteng py saneng syp pa-rei heng u ai. Saneng chungvairei heng nai khumichi ai malawn py, saneng theang nai khumichi, nanai palawn u ai. Saneng chungvairei heng y nai khumichi ai ly kaimy pajeng nai ka-ma-ra ne, nanai dawn pany u ai.

JEREMIA 13:23

Tlang panum nai khumi ly my i ngan tlang areaung takhra hai tha na a? Ti y baly takaikheng ly my i an mawichi tamo hai thai na a? Nichi ly huna nai sa thai lawh teu baly, hawi y naira naini sa thai khyh nai nangchi py, hawi naira mang y amtlau ai nai sa thai ngau lym ai.

Ezekiela 13:18

Naibaly sa thai naira angym nai Areng my leu pei nai nichi teng y thui pi ai nai ly: “Neampachychi awi, nangchi ly taham si na a! Khumi takhrachi ai deaung kamta man vui pajau ai nai, khumi luteng i vui sa thai naira nga hai ai nai atam kakawp my sa yb nai kiukhenchi hawi, lu akawmra sambynchi py sa pi bo. Nangchi ly nangmychi i vui hawi ai nai kai i khumichi tlang tleaung y deira hawi hengra peang ai nai ngai u nai ne.

MATTHAI 12:34

Pavui i kangpreangchi awi! Nangchi ly kamngo awm iy leu kahawi mana thui u thai ai mo? Paleung y kawi palai nai ly labeaung y thui reng.

MATTHAI 23:14

[Nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly neampachy lumaichi i yhmtheaung cha pi, naibaly tapawp ai nai tau nai kra parai pa-rei my chiu sa u lawh; hunai deaungkho y nangchi ai ly pasum nai tleaung y pasum ra ai.]

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MATTHAI 5:28

Na i py kai ly kang thui pi, ami py neampachy ai ngai tahau nai khen seaung eng nai ngierei ly mymy i paleung theung y pajang sa nai bo.

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

JOHAN 5:44

Nangmychi my apalo leungtang i, Leaungrei Awm Khyh nai Tameuh i dengdairei theu nai palo naira ai ly nangchi hau y: mana ym u thai ai mo?

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

I KORINTH 11:19

Meitang khyp naichi ai nangchi theung y amteng hai thai ai nai, nangchi theung y akhawi takhra naira py awm ai nai tla yb nai ne.

EPHESI 2:3

Huni ym y nai chanauchi theung y ly kaichi py jangni y ly tlang hawi paleung i kangai sa iy, kaichi i tlang i ngai phi teng y naira y ly awm bebe veng; kaichi ly khumi takhrachi kamta khyp my kado theu nai chanau y tapen angchi yb veng nai chy bo;

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

JAKOB 1:8

Areng teng y ati sai py nga ai nai athang khai moh sy.

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

II PETERA 3:16

ne, ni i cha pa nai bawibawi ra y ly huni satang thui pi bo; hunira y ly leu pany thai ai nai rai parai naichi awm i, cheng y nai hawi khaw y nai khumichi ly Tameuh i cha-iu leu takhra ai tangai akawi nai kamta tangai akawi lawh iy, amymychi ai atama hai lawh reng.

I JOHAN 2:16

Khaileaung pri y awm nai bawibawi ly tlang i ngai phi teng y naira hawi, mei i ngai phi teng y naira hawi, heng nai sala i tahm apasang naira py Ampo teng i nai theu nai ny y leang, khaileaung pri i nai theu nai teu.

JUDA 1:11

Nichi ly taham si! Mymychi ly Kaina i lam y tako i, vang nga ai nai Balam i tamang naira y angpreng lengleang naimy, korah i aei naira y ly tama nai bo.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.