II PETERA 2:10 - Khumi Common Language Bible

¹⁰ tlang i ngai phi teng y nai chai y naira mang y asa nai hawi, aly peang naira tahm khai y naichi ai khai ai nai pany nai tleaung y ang pany ra nai ne. Nichi ly khri pa-rei vam iy mymychi i ngai nai harei dawn khyh i, nang parai nai keungchi ai thui tamawn ai nai kaso theu u vai y:

II PETERA 2:10 Iomraidhean Croise

ATITI AWM ANGCHEI NAI 49:6

Nini ly kado theu hawi i khumi ai tleh iy si kataichi i kheu ai pakhau peu atyhtyh nai deaungkho y, kai ly nini i sa pavui naira y abawi y ai; nini i leu ka-rumra y py abawi pi ai ny y.

2 SAMUELA 20:1

Kilakala mary y Benjamin nupai Bikri i chapo Seba napi nai khumi kamthu kamleaung leaungrei awm. Ni ly baw eng iy, “Davida ai aly ngai y, Kaichi ly ni i nithun abang ai nai ngai y. Israela khumichi awi, achi ly yhm y vawi u sina!” nanai aeu bo.

1 ARENG KEH 12:16

Mymychi i takeng nai leu ai samrang ly tangai pi y leang bo, nanai pany u nai khala y, khumichi my, “Davida teng y achi i cheng by y! Jese i chapo teng y achi yhmtheaung by y! Aw Israela khumichi awi, amychi saleaung y vawi u sina! Aw Davida, nangmy i yhm ai khen teang cham! Rehoboam ly my i vui phai dawn khyh sy!” nanai aeu u. Hunai deaungkho y Israela khumichi ly tiu u nai ne.

SAM 12:4

Amlyh reng nai khumichi my, “Kaichi ly kaimychi i leu hawimy ngai nairachi kanga u; kaichi ly kaimychi i ngai nai kamta katheu ai; amimi py kaichi ai paka ai nai ngo y leang,” nanai thui u.

THEU NAI 22:28

“Nangchi ly Tameuh ai thui tamawn rumrang moh; nangchi i cheng lu sa nai keung ai pasawi moh.

Parip nai leu 10:20

Samrang ai ly preaung moh; ka-dengra nang i takun theung y malawn py preaung moh. Tavo amairei my nang i katheu nai leuchi ai, nichi teng y syn pi tang syn pi lym ai.

JEREMIA 2:31

Israela mipuichi awi, nangchi ly kai i thui nai leu tangai u. Kai ly nangchi i vui daichi ka-vym kamta py, kaveng my khiu nai pri kamta py lawm veng bo a? Ti y lawh baly nangchi ly ati mana nai y nangmychi ngai ngai sa naimy, kai teng y mana khala py ali teang y leang bo, nanai thui u lawh mo?

Kati Nai 15:30

Na i py amy i pri y tapen nai Israela cheng py ne sy, cheng takhra py ne sy, kamngo sa ta-li lawh baly, huni khumi ly Areng ai tahm khai y nai deaungkho y ni ai ly padei ai nai tla.

LUKA 11:25

Naibaly tym kha y ly pasi pan iy hawihai palum nai niu lawh.

LUKA 19:14

Na i py mymy i khumichi ly ni ai niu ngai y i, ‘Hini khumi ai ly kaichi ai peang ai nai ngai y,’ napi ai nai kangkhym y savai pato.

AMTAW 23:5

Naibaly Pawla my, “Amjo amnauchi awi, mymy ly pathyp pi nai keung kalen keh ne, nanai kai pany y; ‘nang i chengchi ai krykeung i tlang tleaung y leu hawi y nai thui moh,’ nanai py tajiu nai awm,” napi.

ROM AVANGCHI TENG Y PAWLA I CHA PA NAI 8:1

Hunaibaly vai ly Krista Isu y awm naichi i vui ly sum hai ai naira ha py by y leang bo.

I KORINTH 6:9

Naibaly khumi hawi y naichi ly Tameuh i pri amtym y leang, nanai pany u y nai sai a? Tapawp naira y awm u reng moh; angai naichi mo, myn y chiu naichi mo, pajang sa naichi mo, paleaung naichi mo, neampacho tengtawi paleaung naichi mo,

II KORINTH 10:3

Kaichi ly tlang y tako teu iy py tlang y atiu nai kamta atiu y leang

EPHESI 4:19

Hunichi ly sai py dawn nai paleung by y nai deaungkho y khri pa-rei atakaw ai nai atiti chai y naira cheaungkhang sa u iy, paleaung naira y bom apei u veng bo.

EPHESI 5:5

Na i py angai nai khumi hawi, khumi chai y nai hawi, atakaw nai khumi ly (mymy ly myn y chiu nai keung ne), Krista hawi Tameuh i peang naira y ly amtym ai naira sai py ngo y leang, nanai nangchi pany u khypkhyp.

KOLOSA 3:5

Hunai deaungkho y nangchi i tlang kangprei khaileaung pri y awm naichi ai padei u; angai naichi, chai y naichi, paleaung naichi, hawi y naira ai ngai phi naichi, atakaw naichi (huni ly myn y chiu nai ne);

I THESALONIKA 4:7

Tameuh my ly chai y naira y awm ai nai achi ai ang palau y leang, chai naira y awm ai nai ang palau nai teu.

II TIMOTHEI 3:2

Khumichi my amymy ai atamen naichi, tangka khri pa-rei ngai naichi, am-e naichi, amlyh naichi, thui preaung naichi, amhm ampo i leu tangai y naichi, kawn ai nai pany y naichi,

TITA 1:7

Ati mana nai mo nabaly palau takhra kamkawm peang nai keung my ly Tameuh i yhmthaeung kry nai keung ne nai deaungkho y, cheh naira by y nai pa-rei awm ai nai tla; ni ly amy i ngai nai harei dawn khyh nai hawi, kado theu praw nai hawi, kreip athai hang pavui nai hawi, khumi ai tabeang nai hawi, kamran hau reng nai khumi py ne ai nai tlo y.

HEBRAI 13:4

Khumi bawibawichi ly apom naira ai tahm khai u sy, i ra y py hawi y naira abawi moh sy; angai naichi ai hawi pajang sa naichi ai ly Tameuh my chih ai.

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

JUDA 1:10

Na i py huni khumichi ly mymychi i pany y nai ngierei ai thui tamawn reng, naibaly dawn pasym naira by y nai mawichi kamta nichi i tlang mang y asa naira y pany naichi khypkhyp deaungkho y phra u nai ne.

JUDA 1:16

Hunichi ly athui apreaung naichi, cheh nai keungchi ne, mymychi i ngai phi teng y nai kamta khyp naimy tako nai ne; nichi i labeaung py am-e parai nai leu kawi bo, atiti kamran cha ai nai khumichi ai patle takhra naichi ne.

JUDA 1:18

Mymychi ly nangchi teng y, “Kani kangkhym y ly panui hai nai keungchi ly mymychi i Tameuh ai tahm khai y nai ngai phi teng y nai kamta tako nai awm u ai,” napi.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

1 SAMUELA 10:27

Na i py khumi hawi y naichi my, “Hini khumi ly kaichi ai ati kahawi ang sa pi pajau ai mo?,” napi u. Nichi ly Sawla ai tahm khai u y i, ati langseaung py pei u y.