II PETERA 2:1 - Khumi Common Language Bible

¹ Na i py khumi humchi theung y ly tapawp nai amochi py theu u reng:hunai kamta nangchi theung y tapawp nai patiu nai keungchi awm ai mang, nichi my ly mymychi ai van nai keung Areng puipui ai malawn py apha vui iy, ang taphra pajau ai nai ym takhra nai leuchi kangviu y kun hai ai i, mymychi i tlang tleaung y tlenrei khyh my tama ai naira angtym hai ai.

II PETERA 2:1 Iomraidhean Croise

1 ARENG KEH 22:6

Hunai deaungkho y Ahab ly amo leaung 400 virei ai palau iy, “Kai ly Ramoth mary y tiu ai nai avo a, avo y a?,” nanai deng. Amochi my, “Huni mary ai tiu ba; Areng my nang ai eaung hai ai mang,” napi u.

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

ISAIA 9:15

Lu, napi nai ly saneng kanaing len iy tahm awm nai khumichi ne; kalawi, napi nai ly ka-chawi thui reng nai amochi ne.

JEREMIA 29:21

“Israela chengchi i Tameuh, ati cheaungkhang sa thai nai keung Areng ly nangchi ai mymy i amyn angam iy li-tapawp nai Kolaiah i chapo Ahab hawi, Maaseiah i chapo Zedekiah nini i molam y leu pei nai ne. Mymy ly huni khumichi ai Babulon samrang Nebukhadnezar i kiu y au ai nai ne iy, huni samrang py nichi ai nangchi i mei ka-niu y padei ai, nanai leu pei bo.

JEREMIA 37:19

Babulon samrang ly nang ai py, hini pri ai py tiu ai ny y, nanai ang thui pi nai keung nang i amochi ly ma mang y awm u pawn mo?

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

TANGAM NAI LEU 2:14

Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.

HOSEA 9:8

Tameuh ly mymy i khumi Israelachi ai pany hai ai nai, kai ai amo palawn iy pato nai ne. Na i py nangchi ly kai i chei nai meingtym tleirei y, tavo ai sakre hawi patiu nai kamta, kai ai patiu bo. Tameuh i Achura yhm theung y my, khumichi ly amochi i paleung ka-echi lawm u bo.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 3:5

Paisa tangka pei pajau nai khumichi teng y tlamsa ai nanai py, paisa tangka pei pajau y nai khumichi teng y, tavai takai patang naira tym hai ai nanai py, thui reng nai amochi i li-tapawp nai ly kai i khumichi avum u bo. Areng my, huna nai amochi teng y,

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MATTHAI 10:33

Na i py ami py amichi i mo y kai ai apha nai ngierei ai ly kani pri mang i Ngaai i mo y kaimy apha hai teang ai.

MATTHAI 24:11

Amo tapawp naichi py neangneang theu ai i, khumi neangneangchi ai tapawp ai.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MATTHAI 24:5

Ati mana nai mo nabaly khumi neangneangchi ly, ‘Kai ly Krista ne, nanai kai i amyn angam nai ang jeu ai i, khumi neangneangchi ai tapawp ai.

MATTHAI 7:15

“Amo tapawp naichi teng y ly amkym u; hunichi ly beram peih akhiu iy nangchi teng y ang jeu i, nichi i theung mang y ly kasui hyn parai nai ne.

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

LUKA 12:9

Na i py amichi i mo y kai ai apha nai ai ly Tameuh i kani pri i amtaw thau naichi i mo y apha hai teang ai.

LUKA 21:8

Naibaly ni my ly, “Nangchi ai ang tapawp y ai nai tau tleaung y awm u; ati mana nai mo na balykhumi neangneangchi my, ‘Kai ne he,’ ‘Neng ang tym bo,’ nanai kai i amyn angam nai ang jeu ai; nichi teng y ly abang u moh.

LUKA 6:26

“Khumi bawibawichi my ang palo nai khala y nangchi ly taham si! Hunai kamta nichi i amsi sangumchi ly tapawp nai amochi i tlang tleaung y sa nai ly.

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

I KORINTH 11:19

Meitang khyp naichi ai nangchi theung y amteng hai thai ai nai, nangchi theung y akhawi takhra naira py awm ai nai tla yb nai ne.

I KORINTH 6:20

Nangchi ly nangmychi i py ny y leang, nangchi ai ly vang y ang van nai ne; hunai deaungkho y nangchi i tlang y ly Tameuh ai palo u.

I KORINTH 7:23

Nangchi ai ly vang y ang van nai bo; khumichi teng y miseaung y achei reng moh.

KALATIA 2:4

huni ly tapawp nai amjo amnauchi ai kangviu y kun hai nai deaungkho y teu; hunichi ly kaichi ai miseaung ang palawn u thai ai nai kaichi i Krista Isu y tlamsa naira nga nai ly khen paryp ai nai kangviu y kun u bo.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

KALATIA 4:17

Nichi ly hawi ai naira mang y ny y pui naimy nangchi ai hawihai palai hau lawh; ne, nangchi ly mymychi ai hau u thai ai nai nichi ly nangchi ai angam mang y ang kho hai tawp ai ngai nai ne.

KALATIA 5:20

angai naichi, chai y naichi, paleaung naichi, myn y chiu naichi, dawi sa naichi, aniu ngai y naichi, ajo naichi, atakho naichi, kado theu naichi, atakai naichi, amy ngaingai sa naichi, ym takhra naichi, akeng naichi,

EPHESI 1:7

achi ly mymy y ly mymy i thi deaungkho y atleu naira nga, mymy i pahen nai nang parai nai sai kamta achi i taphra nairachi ang pahen nai bo.

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

Leu Thui Nai 32:6

Cheng naira by y iy khumi ka-khumchi awi, Areng ai hina nai kamta sa ai tla nai a? Mymy ly nangchi ai sa nai keung, nangchi i ampo, mymy ly nangchi ai khumi cheng harei ang lawn hai bo.

PHILIPI 3:19

hunichi i tem naira ly tama naira ne, mymychi i tameuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung pri i atitichi ngai lawh.

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

KOLOSA 2:8

Amkym u, ti y baly ami py Krista i leu kamta ny y naimy, khumi i reita taviu nai hawi khaileaung pri i pakeungchi kamta ne lawh iy, ni i leu kacheng hawi tapawp atyhtyh naira y nangchi ai ang patiu lawh na.

I TIMOTHEI 5:8

Na i py ami py khumichi i vui dawn rym y nai, amy i yhm angtheung i khumichi i vui malawn py dawn rym y baly, mymy ly ym naira ai ly apha vui i, ym y nai khumi tleaung y kamngo keh nai ne.

II TIMOTHEI 4:3

Patiu nai kateng dawn u ngai y nai neng tym ai; nichi i kano patha parai nai deaungkho y mymychi i ngai phi teng y naira ngai nai kamta, patiu nai keung neangneangchi ai mymychi teng y pakheng achu ai;

TITA 1:11

nichi ly kamran hau reng i patiu ngau y nai leu patiu iy, dengtheung vereichi ai atlym hai.

TITA 3:10

Mymy ai tlenrei tlen nyhrei parip nai bo y ly ym takhra ai ngai nai khumi hawi amkawm moh:

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

I JOHAN 2:26

Nangchi ai ang tapawp ai tau nai keungchi i satang ly nangchi teng y katajiu nai ne.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

JUDA 1:18

Mymychi ly nangchi teng y, “Kani kangkhym y ly panui hai nai keungchi ly mymychi i Tameuh ai tahm khai y nai ngai phi teng y nai kamta tako nai awm u ai,” napi.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

AMTENG HAI NAI 2:13

Nang i awm naira kapany: Setan i areng atehra ly huni meingtym y awm: naibaly nang ly kai i amyn patawn cheng i, Setan i awm naira y kai i leu pany hai nai keung ka-ym Antipa ai ang padei nai thym khala y py nang ly kai ai ym naira ly apha y leang bo.

AMTENG HAI NAI 2:9

Nang i patang nai hawi kamawn nai sai py kapany; na i py nang ly nang chy bo; naibaly Juda tatang ny y naimy, Juda angam nai Setan i achu nai kamkawmchi i thui tamawn nai py kapany.

AMTENG HAI NAI 3:8

Nang i atiti sa naichi ly kapany ; khen cham, ami py kho pajau y nai katheu am-eaung angchi nai ly nang i mo y kakhai pi bo; nang ly sa thai naira neangneang by y i py, kai i leu patawm iy kai i amyn apha y, nanai kapany.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;

AMTENG HAI NAI 6:10

naibaly nichi ly tao pajeng parai naimy, “Aw Areng, kachai hawi meitang, nang ly tara chih iy, khaileaung pri y awm naichi i tlang tleaung y kaichi i thi i kavui y vawitheung tha pi y nai ly majirei kra ai mo?” nanai aeu u bo.