II PETERA 1:5 - Khumi Common Language Bible

⁵ Ne, huni deaungkho y khypkhyp nangchi ly ajeng u ryry iy, nangchi i ym naira y ly hawi naira abawi u ly, naibaly hawi naira y ly pany naira abawi u ly,

II PETERA 1:5 Iomraidhean Croise

SAM 119:4

Aw Areng, nang ly nangmy i Reita leuchi ai kaichi teng y pei iy, hunichi ai sai py takhawi y pa-rei, sa patawm ai nai leu pei bo.

LEU KACHENG 4:23

Nang ly mana dawn mo, nanai adawn patyp ba. Nang i dawn naichi my, nang i vui khym taham kahawi sa pi reng nai ne.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

ZEKHARIAH 6:15

Kamlora y awm u nai khumichi ly jeu iy, Areng i Achura yhm sa palum naira y sabawm u ai. Huni Achura yhm sa palum nai cheang nai khala y, nangchi ly nangmychi teng y kai ai ati cheaungkhang sa thai nai Areng my pato nai ne, nanai pany u ai. Nangchi ly nangmychi i Areng Tameuh i leu pei naichi ai, hawihai palai tangai u lawh baly hina naichi tym ai.

LUKA 16:26

Hini ny y nai py hi i dengdairei nangchi teng y chei ai tau naichi ly chei thai y ai nai hawi, ami py tuni dengdairei kaichi teng y jeu thai y ai nai py, kaichi hawi nangchi sala y khaileaung ka-kho ka-teng ny y nai sa khyp veng,’ napi.

LUKA 24:21

Na i py ni ly Israelachi ai lawi hai ai nai keung ne ai nai kaichi ly athang khai parai na iy. Ne, huni khyh ny y i, huni atiti tym nai ly vaini kani pa-thom awm bo.

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

I KORINTH 14:20

Amjo amnauchi awi, paleung y ly deaungdi kamta awm u reng moh; ne mang ly kamngora y ly deaungdi chymplei nai kamta awm u ly, na i py paleung y ly khumi ka-cheang lawn u.

EPHESI 5:17

Huni deaungkho y nangchi ly chengra by y nai awm u moh ly, Areng i kangai ly ati mo, nanai phai pany u.

PHILIPI 1:9

Naibaly kai ly nangchi i tamen naira my pany angym naira hawi dawn pata kawp naira cheaungkhangra y awm nai tleaung y awm ra ai nai chiu kasa reng;

PHILIPI 2:12

Hunaibaly kai i ngai parai naichi awi, nangchi ly leu patawm u jojo nai kamta, kai awm nai khala y so khyh y naimy vai kai by y nai sala y py sa u keh lawh iy, jei nai hawi kaso theu nai tarawi y nangmychi i paheng naira ai ly pacheang u;

PHILIPI 4:8

Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi, hawi naira awm iy palo naira awm baly hunichi ai dawn u.

KOLOSA 1:9

Hunai deaungkho y kaichi ly huni satang pany nai kani dengdairei nangchi ly phailo mang i cheng naira hawi, pany thai naira bawibawi i saho y mymy i kangai pany naira kawi u thai ai nai hawi,

KOLOSA 2:3

pany thai naira i ym thleng thleng nai nang naira bawibawi nga ai nai tamen naira y amtawm achu iy, nichi i paleung ly awmnem thai ai.

HEBRAI 11:6

Na i py ym naira ny y baly mymy ai kawn pajau ai nai ly aveng. Ati mana nai mo nabaly Tameuh teng y ahihawi nai khumi ly Tameuh ly awm, nanai hawi, mymy ai hau nai keungchi teng y kawn nai vang pei nai keung ne, nanai py ym ai nai tla.

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,

HEBRAI 6:11

Na i py nangchi leaung leaungrei ly tem pa-rei athang khai naira kangym nga thai ai nai, hunai kamta atho sa nai sai amteng hai jojo ai nai kaichi ly khrikhri pa-rei kang ngai hai;

JOSUA 7:3

Nichi ly huna nai khen paviu chum baly Josua teng y vawi u i,” A-i mary ai tiu ai nai ly achi chei bawi ai nai ngai y leang; khumi leaung sang nyhrei, sang thomrei pato baly hawi bo. Tavaimi kamkawm verei pato ai nai aly ngai y. Huni mary ly mary kalen ny y leang,” nanai amti pi u bo.

I PETERA 3:7

Nangchi juvochi awi, hunai kamta teang neampachy ly laawm kawi rai y nai deaungkho y hawi, pahen nai heng naira nga ahawi nai keung ne nai deaungkho y py, nangni i chiu sa ai naira y paka y ai nai, tahm khai nai tarawi y hawihai palai dawn naimy ajuchi teng y awm u.

II PETERA 1:10

Hunai deeaungkho y amjo amnauchi awi, ang palau nai hawi ang vawi takhra nai ly khaw hai ai nai atho angjeng nai tleaung y angjeng ra nai pathau u; nangchi ly huni atitichi sa baly mana khala y py atlym u y ai:

II PETERA 1:11

hunaibaly achi i Areng hawi Paheng Keung Isu Krista i deungtasarei peang naira y kun ai nai khri pa-rei ang nga hai ai.

II PETERA 3:14

Hunai deaungkho y ngai parai naichi awi, nangchi ly hunai kamta atitichi ai ly athang khai nai deaungkho y anyng akau y nai hawi cheh ai naira by y naimy, awmnem nai ang niu thai ai nai atho angjeng u.

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.