II PETERA 1:4 - Khumi Common Language Bible

⁴ Huni i saho y mymy i leu adeu naichi vang teng parai nai hawi, khri pa-rei ji parai nai ang pei nai ne; hunaibaly ngai phi teng y nairachi deaungkho y khaileaung pri y phra naira awm nai ai ly angpreng veng chum iy, huni adeu nairachi deaungkho y nangchi ly Tameuh i awm nai sai phy nga pajau ai.

II PETERA 1:4 Iomraidhean Croise

ROM AVANGCHI TENG Y PAWLA I CHA PA NAI 9:4

Nichi ly Isaelachi ne; chanau lawn naira py, tahm asang naira py, leu maikawm bawibawi py, Reita peinai py, Tameuh ai chiu ai nai py, leu adeu nai bawibawichi py mymychi i ne;

II KORINTH 1:20

Tameuh i leu adeu naichi ly majirei py ne sy mymy y ly Ne, nanai awm; hunaibaly kaimychi deaungkho y Tameuh ai tahm pasang ai nai, mymy deaungkho y Amen, nanai ly awm nai ne.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 6:17

Hunai deaungkho y Tameuh my ly, “Nichi theung i nai theu u ly takhra awm u, napi i, Atiti chai y naichi ly den py nam u moh;

KALATIA 3:16

Naibaly Abraham teng y hawi, mymy i kangpreangchi teng y py atiti leu adeu hai nai ne. Khumi neangneangchi i molam leu thui nai kamta, “Kangprengchi teng y py,” tapi y; na i py leaungrei molam leu thui nai kamta, “Nang i kangpreang teng y py,” napi nai ne lawh veng; huni ly Krista ne.

KALATIA 6:8

Amymy i tlang mang y hei nai keung ly tlang i veaung naira pakym ai i, Phailo mang y hei nai keung ly Phailo mang i deungtasarei hengra pakym ai.

EPHESI 4:13

Krista i tlang amcheang hai ai nai py, phyreichi ai ly amtaw thau naichi lawn ai nai py, phyreichi ai ly leu thui nai keungchi lawn ai nai py, phyreichi ai ly Satang Kahawi thui ai nai keung lawn ai nai py, phyreichi ai ly Pastor hawi patiu ai nai keung lawn ai nai py pei bo;

KOLOSA 3:10

huni khumi kangtha ai ly pany angym naira nga hai ai nai, ni ai sa nai keung atawm khyp nai kangtha sa hai dudu nai ne;

HEBRAI 12:10

Nichi ly avo, nanai dawn nai kamta kani kra y nai sala chy y achi ai ang parip mang ly ang parip; na i py achi ly mymy i chai naira phy nga thai ai nai, ni my ly achi hawi ai nai ang parip nai ne.

HEBRAI 9:15

Naibaly leu maikawm kangman i anui y taphra nairachi atleu ai nai ang dei vui nai deaungkho y, palau naichi ly deungtasarei yhmtheaung amtym nai leu adeu naira nga thai ai nai ni ly leu maikawm kangtha i savai ne.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

II PETERA 3:13

Na i py mymy i leu adeu nai kamta hawi naira awm nai, kani khaileaung kangtha ai ly achi athang khai.

II PETERA 3:9

Phyreichi ly dawndan y nai dawn nai kamta Areng ly mymy i leu adeu naira molam y ly dawndan y nai ny y leang; ami ai py tama hai ai nai ngai y i, khumi bawibawichi uikhei ai nai ngai nai, nangmychi ai ang kham pi nai teu.

I JOHAN 2:25

Naibaly mymy kypkyp i achi ai adeu hai nai ly deungtasarei hengra ne he.

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.