II PETERA 1:3 - Khumi Common Language Bible

³ Mymy i nang parai naira hawi, hawi naira saho y ang palau nai keung, mymy i satang pany nai deaungkho y mymy i Tameuh i atiti sa thai naira my heng naira hawi Tameuh ai dawn ryhryh nai lam y ly atiti bawibawi ang pei bo.

II PETERA 1:3 Iomraidhean Croise

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

LEU KACHENG 12:4

Aju kahawi ly my i juvo i vui, tahm asang naira hawi amo theu naira ne; na i py juvo ai kangji pei reng nai aju ly juvo i hiura y man nai roka hawi atawm.

LEU KACHENG 31:10

Kaja awm nai aju ai hau iy, avum ai nai ly khri pa-rei rai parai na! Ni ly amia lengseaung tleaung y py, vang teng keh na a!

LEU KACHENG 31:29

Ni i juvo my, “Nang ly kahawi sa kawp nai aju, neampachy neangneangchi theung y, nang ly kawp keh,” nanai palo bo.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

ROM AVANGCHI TENG Y PAWLA I CHA PA NAI 9:24

Huni ly achi, pahen naira laawmchi ai ly Judachi theung i khyh ny y naimy, Cheng Takhrachi theung i nai py ang palau nai ne.

I KORINTH 1:9

Tameuh ly ka-ym awm nai ne; mymy ly nangchi ai mymy i Chapo Isu Krista achi i Areng hawi amkawm ai nai ang palau nai keung ne.

II KORINTH 12:9

Naibaly mymy ly kai teng y, “Kai i pahenra ly nang i vui hawi khyp bo; ham y naira y ly kai i atiti sa thai naira ly angym bo,” napi. Hunaibaly Krista i atiti sa thai naira ly kai i tlang tleaung y awm thai ai nai, khrikhri pa-rei kakawn naimy kai i ham y naichi ra y ly kamlyh lawh ai.

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

EPHESI 4:4

Nangchi ai ang palau nai ly athang khai naira harei y ang palau nai kamta ly, tlang harei hawi Phailo harei chy awm khyh;

PHILIPI 3:8

Ne khyp, kai i Areng, Krista Isu ai pany naira ly atiti bawibawi tleaung y hawi keh nai deaungkho y ati cheaungkhang py chau naira y kapalawn nai ne.

PHILIPI 4:8

Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi, hawi naira awm iy palo naira awm baly hunichi ai dawn u.

KOLOSA 1:16

mymy i saho y ati cheaungkhang sa nai ne iy, kani mang y awm naichi hawi, khaileaung y awm naichi py, niu thai naichi hawi niu thai y naichi py, areng atehra py, peang naira py, areng naira py, aly peang naira py, ati cheaungkhang mymy i saho y sa nai ne i, mymy i vui y py sa nai ne teang.

I THESALONIKA 2:12

nangchi leaung leaungrei ai pachei py kang pachei, awm py kang awm hai nem, leu py hawihai palai kang pany hai, nanai nangchi ly pany u veng bo.

I THESALONIKA 4:7

Tameuh my ly chai y naira y awm ai nai achi ai ang palau y leang, chai naira y awm ai nai ang palau nai teu.

II THESALONIKA 2:14

hunira y ly nangchi ly achi i Areng Isu Krista i nang parai naira nga thai ai nai, mymy ly kaichi i Satang Kahawi thui pi nai y nangchi ai ang palau.

I TIMOTHEI 4:8

Naibaly Tameuh ai dawn ryhryh ai nai apatiu reng: tlang mang y atho nga ai nai amjy teaung nai ly chawn mang ly chawn: na i py Tameuh ai dawn ryhryh nai ly vai i awm angchi nai hengra hawi, vai tym ai nai hengra molam y atiti adeu naira nga nai deaungkho y lam cheaungkhangra y chawn nai ne.

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

I PETERA 1:15

nangchi ai ang palau nai keung i chai nai kamta, nangchi py amhi amtlau u nai bawibawi ra y chai nai awm u;

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

I PETERA 2:21

Ati mana nai mo nabaly nangchi ai ly hinai kamta sa ai nai ang palau nai ne; Krista ly ang patang pi iy mymy i lawi y abang u ai nai khen pata naira ang daw pi nai chy bo.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I PETERA 3:9

hawi y sa nai ly hawi y sa nai vawitheung tha u moh ly, jo sei nai py jo sei nai vawitheung tha u moh; hunai kamta ny y naimy amtheaung hai:ati mana nai mo nabaly nangchi ai ly amtheaung naira amtym ai nai ang palau veng bo.

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

II PETERA 1:10

Hunai deeaungkho y amjo amnauchi awi, ang palau nai hawi ang vawi takhra nai ly khaw hai ai nai atho angjeng nai tleaung y angjeng ra nai pathau u; nangchi ly huni atitichi sa baly mana khala y py atlym u y ai:

II PETERA 1:2

Tameuh hawi Isu achi i Areng ai pany naira y ly nangchi teng y pahenra hawi awmnem naira py peung hai dudu sy.

II PETERA 1:5

Ne, huni deaungkho y khypkhyp nangchi ly ajeng u ryry iy, nangchi i ym naira y ly hawi naira abawi u ly, naibaly hawi naira y ly pany naira abawi u ly,

II PETERA 1:6

naibaly pany naira y ly amkym naira abawi u ly, naibaly amkym naira y ly kham pajau naira abawi u ly, naibaly kham pajau naira y ly Tameuh ai dawn ryhryh naira abawi u ly,

II PETERA 1:8

Hunichi ly nangchi i ne iy peung dudu lawh baly, achi i Areng Isu Krista ai pany naira ly nangchi ai atho si y nai hawi, athai y nai ny y nai py ang sa hai reng nai ne.

II PETERA 2:20

Naibaly nichi ly Areng hawi Paheng Keung Isu Krista ai pany nai deaungkho y khaileaung pri i amnyng naira i nai angpreng vui nai bo y, hunira y ang tang u teang bi iy pajau nai awm makho baly, nichi i kangkhym i awm nai sai ly angchei i tleaung y ly hawi y kehkeh nai ne.

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

RUTHI 3:11

Ruthi awi, vai ly paleung mawn moh, nang i thui nai kamta kai sa pi ai mang. Nang ly kaja hawi nai neampachy leaungrei ne, nanai mary vereichi my pany bawi nai ne.