II PETERA 1:17 - Khumi Common Language Bible

¹⁷ Naibaly khri pa-rei nang parai naira i dengdairei mymy teng y raawi tym i, “Hini ly kai i Chapo ngai parai nai ne: kai ly mymy i tlang tleaung y khri khti pa-rei kakawn parai,” nanai thym khala y ly, ni ly Ampo Tameuh teng i dengdairei tahm pasang naira hawi nang parai naira nga bo.

II PETERA 1:17 Iomraidhean Croise

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

MATTHAI 12:18

“Khen cham, kai i miseaung kavawi nai, Kai i ngai parai nai, kai i paleung ly mymy i tlang tleaung y khrikhri pa-rei kawn parai; mymy i tlang tleaung y kai i Phailo kadaw pi ai, Hunaibaly mymy ly Cheng Takhrachi teng y tara chih nai leu thui pi ai.

MATTHAI 17:3

Naibaly khen cham, Mosi nini Elija ly mymy hawi arum nai nichi teng y, amteng bo.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

MARKA 1:11

Naibaly kani pri mang i dengdairei raawi ly, “Nang ly kai i Chapo ngai parai nai ne, kai ly nang i tlang tleaung y khrikhri pa-rei kang kawn parai,” napi.

MARKA 9:7

Naibaly mymychi ai khupanym my khiu meuh iy, khupanym theung i dengdairei raawi theu i, “Hini ly kai i Chapo ngai parai nai ne, mymy i leu tangai u,” napi.

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

LUKA 3:22

naibaly kani pri mang i dengdairei raawi ly, “Nang ly kai i Chapo ngai parai nai ne; kai ly nang i tlang tleaung y khrikhri pa-rei kakawn parai,” napi.

JOHAN 10:15

Ampo my kai ai pany nai kamta hawi, kai ly Ampo ai pany nai kamta py, kaimy i ly kaimy pany, kaimy i py kai ai pany teang; naibaly beramchi i vui ly kaimy i hengra kapatlaw pi.

JOHAN 10:36

‘Kai ly Tameuh i Chapo ne,’ kang napi nai deaungkho y, Ampo i khaileaung pri y pato nai hawi khai takhra nai keung teng y, ‘Nang ly Tameuh ai thui tamawn,’ na u lawh a?

JOHAN 14:11

Kai ly Ampo teng y awm, Ampo py kai teng y awm, nanai ym u; ti y baly kai i atiti sa naichi deaungkho y ym u tanga.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 17:21

nichi bawibawi bomrei awm thai ai nai hunichi i vui ly chiu kasa pi nai khyh ny y leang; nichi i leu deaungkho y kai ai ym ai naichi i vui py chiu kasa pi nai ne.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

JOHAN 3:35

Ampo my Chapo ai tamen i, ati cheaungkhang bawibawi ai ly ni teng y au bo.

JOHAN 5:20

Ampo ly Chapo ai tamen, ni i atiti sa nai ngierei py mymy teng y patei: naibaly nangchi ly lyh thai ai nai hini tleaung y atiti sa nai lyh nai py ni teng y patei bi ai.

JOHAN 5:26

Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

JOHAN 6:39

Hini ly kai ai pato nai keung i kangai ne:ni i ang pei nai bawibawi theung i nai ati sai py tamo y ai i, kani kangkhym y ly kaimy pathau lawh ai.

ROM AVANGCHI TENG Y PAWLA I CHA PA NAI 15:6

kham hai pajau nai hawi awm hai nem nai Tameuh ly Krista Isu i thui nai kamta ly paleung vanrei awm u leungtang ai nai nangchi teng y pei sy.

II KORINTH 1:3

Achi i Areng Isu Krista i Tameuh hawi Ampo, pahen nai Ampo hawi awm hai nem nai Tameuh ai ly palo nai awm sy.

II KORINTH 11:31

Areng Isu i Tameuh hawi Ampo, deungrasarei palo jojo nai my ly kai i ka-chawi thui y nai sai ly ang pany.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

II JOHAN 1:3

leu meitang hawi tamen naira deaungkho y Ampo Tameuh hawi, Ampo i Chapo Isu Krista teng i dengdairei py tamen naira hawi, pahen naira hawi, awmnem naira py achi teng y awm ai mang.

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly: