II JOHAN 1:5 - Khumi Common Language Bible

⁵ Naibaly lo awi, nang teng y leu pei nai kangtha tajiu nai kamta ny y naimy, angchei kha i dengdairei achi i nga nai kamta katajiu nai teu, achi ly tamen leungtang ai nai kang takeng nai he.

II JOHAN 1:5 Iomraidhean Croise

JOHAN 15:12

“Hini ly kai i leu kang pei nai ne, kaimy kang tamen nai kamta ly nangchi py atmen u leungtang.

JOHAN 15:17

Nangchi ly atamen u leungtang ai nai hini leu kang pei.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

I THESALONIKA 4:9

Na i py amjo amnauchi ai tamen nai leu ly ami py nangchi ai tajiu pi ai nai aly by y; nangmychi kypkyp my atamen leungtang ai nai Tameuh my patiu veng bo;

HEBRAI 13:1

Amjo amnauchi ai atamen naira ly awm jojo sy.

I PETERA 4:8

atiti bawibawi tleaung y py hawihai palai atamen u leungtang: tamen naira my ly kamngo neangneang ai khiu lawh veng:

II PETERA 1:7

naibaly Tameuh ai dawn ryhryh naira y ly amjo amnauchi ai aniu ngai naira abawi u ly, naibaly amjo amnauchi ai aniu ngai naira y ly tamen naira abawi u.

I JOHAN 3:11

Angchei kha i dengdairei nangchi i thai nai leu taviu nai ly hini ne he; achi ly atamen leungtang ai nai tla, napi nai ly:

I JOHAN 3:23

Achi ly mymy i Chapo Isu Krista i amyn y ym iy, mymy i leu pei nai kamta atamen leungtang ai nai mymy i leu pei nai ne he.

I JOHAN 4:20

Ami my, “Kai ly Tameuh ai tamen,” napi iy, amy i amjo amnau ai niu ngai y baly, mymy ly ka-chawi thui nai teu; amy i amjo amnau niu ryhryh nai ai malawn py tamen y pui baly, Tameuh niu vai y nai ai ipsaly mana tamen thai ai mo?

II JOHAN 1:1

Miteaung keh my ly vawi nai neampachy hawi mymy i chanauchi teng y pa nai: Achi teng y awm jo nai hawi, deungtasa khrairei awm jo ai nai leu meitang deaungkho y nangchi ai meitang khyp naimy kang tamen nai ne: