II JOHAN 1:2 - Khumi Common Language Bible

² naibaly kaimy leaungrei khyh ny y leang, leu meitang pany nai ngiereichi py ne teang:

II JOHAN 1:2 Iomraidhean Croise

JOHAN 14:16

Naibaly kaimy Ampo teng y hnei ai i, deungtasa khrairei nangchi teng y awm jo ai nai Awm Hai Nem nai keung takhra ang pei ai.

JOHAN 15:7

Ngngchi ly kaimy teng y awm jo iy kai i leu nangchi teng y awm jo teang baly, nangchi i ngai nai ngierei ly hnei u, nangchi i vui ang sa pi ai.

I KORINTH 9:23

Satang Kahawi phy kanga hawi teang thai ai nai huni Satang deaungkho y ati cheaungkhang kasa.

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

II TIMOTHEI 1:5

nangmy i paleung theung y awm nai ym naira tatang kapany jo: huni ly ngamsi Losi paleung theung y hawi, ngamhm Euniki i paleung theung y py awm man nai ne; naibaly vai py nang teng y awm teang, nanai kai pany khyp bo.

II PETERA 1:12

Hunai deaungkho y nangchi ly huni atitichi ai ly pany iy, nangchi teng y awm nai leu meitang naira y khaw u iy py, huni atitichi ai ly kang pany hai ai nai kangvei rym jojo ai.

I JOHAN 1:8

“Kaichi ly kamngo by y leang,” napi baly amychi ai atapawp nai teu, leu meitang py achi teng y by y.

I JOHAN 2:14

Ngaaichi awi, nangchi ly angchei kha i dengdairei awm nai ai pany nai deaungkho y ngngchi teng y katajiu nai chy bo. Thawndeangchi awi, nangchi ly ham i, Tameuh i leu ly nangmychi y awm jojo iy, kamngo sa reng nai keung ai ly pajau nai deaungkho y nangchi teng y katajiu nai chy bo.

I JOHAN 2:17

Khaileaung pri hawi, huni i ngai phi teng y nairachi raurei py tama dudu nai ne; na i py Tameuh i kangai sa nai keung ly deungtasarei awm jojo ai.