III JOHAN 1:5 - Khumi Common Language Bible

⁵ Ngai parai nai awi, amjo amnauchi ly angvyn ne iy, mymychi i tlang tleaung y nang i sa nai ngierei ly ka-ym awm parai pa-rei sa reng bo;

III JOHAN 1:5 Iomraidhean Croise

MATTHAI 24:45

“Hunaibaly dengtheungchi ai kry iy avo nai neng tleirei y biu an dawn pi ai nai, yhmkeung i khai nai miseaung ka-ym kaawm cheng nai ly ami mo?

MATTHAI 25:16

Naibaly talent pangrei nga nai keung ly huni ly ka-pai sa hai praw i, talent pangrei kamran nga hai bo.

LUKA 12:42

Naibaly Areng my, “Hunaibaly dengtheaungchi ai kry iy avo nai neng tleirei y biu an dawn pi ai nai yhmkeung i khai nai yhmtheaung kry nai keung ka-ym kaawm cheng nai ly ami mo?

AMTAW 1:15

Hunai khala y ly (nichi bawibawi ly chungvai atlo leaung apomrei mo awm i) Petera ly amjo amnauchi theung y angdo iy,

ROM AVANGCHI TENG Y PAWLA I CHA PA NAI 12:13

khumi kachaichi i avaw naira y ly sabawm u ly; angvynchi ai ly kawn u jojo.

KALATIA 6:10

Hunaibaly achi i avo nai neng tleirei ly khumi bawibawichi i tlang tleaung y atiti kahawi so u sina, naibaly ym nai dengtheungchi i tlang tleaung y so u patyp keh sina.

KOLOSA 3:17

Naibaly nangchi i sa nai ngierei ly leu thui naira y mo, atiti sa naira y mo, mymy i saho y Ngaai Tameuh teng y kawn nai leu thui nai tarawi y, Areng Isu i amyn y so u bebe.

HEBRAI 13:2

Angvynchi ai kawn ai nai tami u moh:phyreichi ly hunai kamta sa iy pany y naimy kani pri i amtaw thau naichi ai anga hai lawh veng bo.

III JOHAN 1:10

Huni deungkho y kai kang jeu nai khala baly ni i atiti sa naichi, kaichi i tlang tleaung y ni i leu hawi y nai thui iy, ni i leu peung nai sai ly kang pany hai vau bi ai; huni py ni ly hawi bo ti y rai, mymy kypkyp ly amjo amnauchi ai kawn y, kawn ai ngai naichi ai py paka lawh iy, palau takhra kamkawm theung i dengdairei ang patheu vui veng.

III JOHAN 1:3

Amjo amnauchi ly ang jeu iy, nang i meitang nai sai kai ai ang thai hai nai khala y kai ly khri pa-rei kawn na; ne, nang ly leu meitang y tako veangveang nai ne mang: