III JOHAN 1:11 - Khumi Common Language Bible

¹¹ Ngai parai nai awi, kamngo ly amtiu moh ly, kahawi phai amtiu. Atiti kahawi sa nai keung ly Tameuh teng i nai ne; atiti kamngo sa nai keung ly Tameuh ai niu vai y leang.

III JOHAN 1:11 Iomraidhean Croise

SAM 34:14

Hawi y nai ai en vui iy, hawi nai so u; tlamsa naira nga ai nai ham parai naimy atho so u.

SAM 37:27

Hawi y nai ai en vui iy kahawi phai so; hunaibaly nang i katu chanauchi ly pri y awm ai nai nga u jojo ai.

THEU NAI 23:2

Khumi kanawichi i tamang naira y abang moh; khumi kanawichi mang y abang iy leu meitang ali hai vui ai nai, teng y nai pany hai nai keung lawm moh.

LEU KACHENG 12:11

Angjeng atyp parai nai hlau sa nai khumi ly choh bai palo neangneang nga; na i py khumi hawi y nai ly ati sai py ny y nai kalopchira y neng pasum reng.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

JOHAN 12:26

Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

JOHAN 3:20

Ami py hawi y sa nai ngierei ly kangvang niu ngai y, kangvang y py theu y, ti y baly mymy i hawi y sa nai preng lawh na.

I KORINTH 11:1

Kai ly Krista i amtiu nai keung lawn nai kamta ly nangchi ly kai i amtiu nai keung lawn u.

I KORINTH 4:16

Hunaibaly nangchi ly kai i amtiu ai nai kang takeng nai ne.

EPHESI 5:1

Hunaibaly mymy i chanau ngai parai naichi kamta Tameuh i amtiu nai khumichi lawn u.

PHILIPI 3:17

Amjo amnauchi awi, nangchi ly kai i amtiu nai keung y lawn u, naibaly nangchi ly kaichi ai khen pata ai nai awm i, huni kamta tako naichi ai ly hawihai khen u.

I THESALONIKA 1:6

Naibaly nangchi ly huni leu ly khri pa-rei patang u nai tarawi y Phailo Kachai y kawn parai naimy tangai u i, kaimychi i hawi Areng i amtiu nai keungchi lawn u bo;

I THESALONIKA 2:14

Amjo amnauchi awi, nangchi ly Krista Isu y awm nai Judai pri i palau takhra kamkawmchi i amtiu nai keungchi lawn u lawh; nichi ly Judachi teng y patang nai kamta ly nangchi py nangmychi pri i khumichi teng y patang u teang bo;

II TIMOTHEI 3:10

Na i py nang ly kai i patiu nai, amhi amtlau nai sai, sa tau nai sai, ym nai sai, amnym nai sai, tamen nai sai, kham pajau nai sai, kai ai ana nai sai, patang nai sai,

HEBRAI 6:12

hunaibaly nangchi ly atho si y naimy ym naira hawi kham pajau naira deaungkho y leu adeu nairachi amtym chum naichi i amtiu nai keung lawn ai.

I PETERA 3:11

Kamngo ai hi veng iy atiti kahawi so sy; Aly naira hau iy hui veangveang sy.

I PETERA 3:13

Nangchi ly atiti kahawi mang y dawn pathyp baly, nangchi i tlang tleaung y hawi y sa nai keung ly ami awm ai mo?

I JOHAN 2:29

Mymy ly kahawi ne, nanai nangchi pany baly ami py kahawi sa nai ngierei ly mymy i tapen nai ne, nanai nangchi pany mang.

I JOHAN 3:10

Hinira y ly Tameuh i chanauchi hawi diabola i chanauchi ly amny nai ne: ami py kahawi so y nai ngierei ly Tameuh i ny y leang, amy i amjo amnau ai tamen y nai khumi py ne teang.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.