III JOHAN 1:10 - Khumi Common Language Bible

¹⁰ Huni deungkho y kai kang jeu nai khala baly ni i atiti sa naichi, kaichi i tlang tleaung y ni i leu hawi y nai thui iy, ni i leu peung nai sai ly kang pany hai vau bi ai; huni py ni ly hawi bo ti y rai, mymy kypkyp ly amjo amnauchi ai kawn y, kawn ai ngai naichi ai py paka lawh iy, palau takhra kamkawm theung i dengdairei ang patheu vui veng.

III JOHAN 1:10 Iomraidhean Croise

LEU KACHENG 10:10

Ami py ne sy, leu kateng katheu vai y nai khumi ly patang naira tym hai nai khumi ne. Na i py paleung y khai y naimy katheu nai khumi ly tlamsa naira sa pi nai khumi ne.

LEU KACHENG 10:8

Tau kacheng awm nai khumichi ly tau kahawichi ngai u reng; ka-khum leu katheu reng nai khumichi ly phra u ai.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

JOHAN 9:22

Mymy i amhm ampo my ly Judachi ai jei nai deaungkho y huna nai leu thui nai teu: Judachi my ly ti y rai khala y py, ami py mymy ly Krista ne, nanai asa hai nai khumi ai ly achura yhm i dengdairei patheu ai, nanai arum u yb bo.

AMTAW 1:15

Hunai khala y ly (nichi bawibawi ly chungvai atlo leaung apomrei mo awm i) Petera ly amjo amnauchi theung y angdo iy,

II KORINTH 13:2

Kai ly angchei kha y kamngo sa nai keungchi ai hawi, khumi takhra bawibawichi teng y py kathuipi rym bo, naibaly tlen nyhrei kaawm nai thym khala y nichi ai kathuipi rym nai kamta ly, vai py nangchi teng y kang awm y naimy nichi ai kathuipi rym bi;

KALATIA 6:10

Hunaibaly achi i avo nai neng tleirei ly khumi bawibawichi i tlang tleaung y atiti kahawi so u sina, naibaly ym nai dengtheungchi i tlang tleaung y so u patyp keh sina.

I TIMOTHEI 5:13

Naibaly huni ny y nai py nichi ly yhm tleirei pavai iy, atho si naira theu lawh; atho si nai khyh ny y naimy thui avo y nai leu thui lawh iy, arum rumrang nai hawi ahi ryry atyhtyh nai keung y amlawn u lawh reng.

II JOHAN 1:10

Ami py huni patiu nai leu y syn y naimy nangchi teng y ang jeu lawh baly, nangchi i yhm y ango hai moh ly, leu kahawi py pavum u moh;

II JOHAN 1:12

Kai ly nangchi teng y leu neangneang thui ai nai awm nai deaungkho y cha-ku y hawi cha tui y tajiu ai nai ngai y leang; na i py nangchi ly kawn angym u thai ai nai kai ly nangchi teng y kang jeu iy, mo atha naimy arum ai nai athang kakhai nai ne.

III JOHAN 1:3

Amjo amnauchi ly ang jeu iy, nang i meitang nai sai kai ai ang thai hai nai khala y kai ly khri pa-rei kawn na; ne, nang ly leu meitang y tako veangveang nai ne mang:

III JOHAN 1:5

Ngai parai nai awi, amjo amnauchi ly angvyn ne iy, mymychi i tlang tleaung y nang i sa nai ngierei ly ka-ym awm parai pa-rei sa reng bo;