HOSEA 9:7 - Khumi Common Language Bible

⁷ Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

HOSEA 9:7 Iomraidhean Croise

2 ARENG KEH 9:11

Jehu ly my i ahawi tavailu arengchi teng y tym ali teang nai khala y, nichi my, “Ati cheaungkhang hawi a? Huni kamthu ly nang teng y ati aly jeu nai mo?,” nanai deng u. Jehu my, “Ni i aly ly nangchi pany,” napi.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 34:8

Hini neng ly Zion mary ai Areng my atleu iy, huni mary i paleung ka-echi ai vawitheung tha ai nai neng ne.

ISAIA 44:25

Kai ly leung sarachi ai kamthu lawm hai iy, ka-si kamhi pany nai keung i thui naichi phra hai bo. Khumi kachengchi i leu ei vui iy nichi i cheng naira ly ka-khum teu, nanai pany hai bo.

JEREMIA 10:15

Hunichi ly atyhtyh teu iy, paso ai naira naini lawm bo. Areng ly pajeng ai nai ang jeu nai khala, hunichi taphra pawn ai.

JEREMIA 11:23

Anatho mary i khumichi tlang tleaung y ka-jeira tym ai nai kaimy khai takhra bo. Huni kani y nichi ly heng nai khumi leaungrei py tleaung ai ny y.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

JEREMIA 23:13

Samari mary y awm nai amochi i amso ngai nai ly kaniu bo. Nichi ly Bala tameuh i amyn y leu thui iy, kai i khumi Israela chengchi ai lam tamang hai u nai ne.

JEREMIA 25:14

Khumi neangneangchi hawi sa thai naira awm nai samrangchi teng y miseaung achei u ai. Kai py nichi ai mychi i hawi y sa nai kapatlai ai,” napi.

JEREMIA 29:26

“Areng ly nang ai Jehojada i jeng pathyp pi nai keung y khai i, nang ly Achura yhm kry nai keung kalen lawn bo. Amo amlawn nai khumi kamthu ngiereichi ai kaneaung y tamo sengkry patli iy thang ai nai ly nang i kalop ne.

JEREMIA 46:21

Alai nai tavaimichi malawn py si chochi kamta jeaungmang u nai ne. Nichi ly amtang u y naimy angpreng u pawn bo. Nichi sum u ai nai kani, taham kasi avum ai nai neng kani ly tym dudu nai ne.

JEREMIA 6:14

Nichi ly kai i khumichi i tamo kalemchi ai, tahm pateng pi y naimy hawi sa pi. ‘Ati mo ra py amsym y pui naimy, amsyn teu,’ napi u bo.

JEREMIA 8:11

Nichi ly kai i khumichi i tamo kalemchi ai tahm pateng pi y naimy hawi sa pi. ‘Cheaungkhangra y amsym y nai neng khala, cheaungkhangra amsyn bo’, nanai thui u bo.

TANGAM NAI LEU 2:14

Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.

Ezekiela 13:10

“Amochi ly cheaungkhangra y hawi angym bo, nanai thui iy kai i khumichi ai tapawp u bo. Ati cheaungkhangra y hawi angymbe y leang! Kai i khumichi ly angkadeng pajui y nai lengseaung mary apaichi sa i, amochi ly jeu iy theung kangleung pajui u bo.

Ezekiela 13:3

Sa thai naira awm nai Areng my, “Hini amo ka-khumchi ly taham si! Nichi ly kai i phailo my pany hai nai ngo y naimy, mymychi paseng amang iy thui u bo.

Ezekiela 25:17

Nichi ai khri pa-rei pajeng iy hawihai palai vawitheung katha ai. Huna nai khala kai ly Areng ne, nanai nichi pany u ai,” napi.

Ezekiela 38:23

Hina nai hawimy kai ly nang parai iy chai parai, nanai khumi cheng cheaungkhangchi teng y kapatei ai. Naibaly kai ly Areng ne, nanai nichi pany u ai,” napi.

Ezekiela 9:10

Na i py kai ly nichi ai kapahen ai ny y, kangheng patleaung ai ny y. Huni khumichi my khumi takhra ai sa nai kamta nichi ai kaimy kasa ai,” napi.

HOSEA 14:1

Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

HOSEA 5:9

Kamngo pajeng nai kani ang tym bo i, Israela chengchi ly phra u ai. Israela khumichi awi, hini ly tym takengkei ai!

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

HOSEA 9:8

Tameuh ly mymy i khumi Israelachi ai pany hai ai nai, kai ai amo palawn iy pato nai ne. Na i py nangchi ly kai i chei nai meingtym tleirei y, tavo ai sakre hawi patiu nai kamta, kai ai patiu bo. Tameuh i Achura yhm theung y my, khumichi ly amochi i paleung ka-echi lawm u bo.

AMOS 8:2

Areng my kai ai, “Amo awi, ati niu mo?” nanai ang deng. Kaimy, “Thengthai kangmynchi khai nai takhu kaniu,” kanapi. Areng my kai teng y, “Kai i khumi Israelachi ly kangmyn du iy vui ai nai, kangkhym i neng tym bo. Kai ly nichi ai kapajeng y ai nai paleung amtlau vui ai ny y.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

MIKHA 7:4

Kawp keh, pany keh napi nai khumichi malawn py, acha keung kamta vang teng y nai ne. Tameuh ly nichi ai typ nai tamcheaung lawm nai amochi dengdairei, pany hai nai kamta, khumichi ai Tameuh my pajeng ai nai neng tym bo. Nichi ly vai, tapai taveang u na bo.

ZEPHANIAH 3:4

Amochi ly kalop so y nai, ka-ym by y naichi lawm u bo. Pathyp pi nai keungchi ly meingtym kachai y chai hai y i, Tameuh i reita leu pei naichi ai mymychi i vui hawi ai naira mang y pahi iy, thui pachai u bo.

MARKA 3:21

Naibaly mymy i ahawichi ly huna nai thai i, “Pathu na a tu ly,” napi nai mymy ai patiu ai tau nai theu u.

LUKA 21:22

Satang tajiu nai bawibawi ly tym thai ai nai, huni kani ly vawitheung tha nai kani ne.

II KORINTH 5:13

Ati mana nai mo nabaly kaichi ly pathu iy py Tameuh i vui ne; kaichi ly cheng iy py nangchi i vui ne.

AMTENG HAI NAI 16:19

Naibaly avang pui my ly phy thomrei lawn i, cheng cheaungkhangchi i avangchi py anawi be bo; naibaly mymy i kado theu nai ka-teng ny y nai kreip athai hang khau ly huni teng y tuih ai nai, Babulon avang pui ly Tameuh i mo y pany jo nai awm bo.