HOSEA 9:3 - Khumi Common Language Bible

³ Israela khumichi ly Areng i pri y awm ai nai ngo y i, Aikupta pri mang y vawi u ali teang ai nai tla ai. Asuria pri y py cho ngau y nai teicha teinei cha u ai.

HOSEA 9:3 Iomraidhean Croise

1 ARENG KEH 9:7

kai ly kai i khumi Israela chengchi ai kaimy pei nai hini pri i dengdairei patheu vui ai. Kai ai chiu ai nai i vui y khai takhra nai hini Achura Yhm ai py nyn va vui ai. Huna nai khala y meingtym tleirei i khumichi ly Israela chengchi ai thui tamawn naimy panui hai ai.

2 ARENG KEH 17:6

Hosea my peang nai saneng takawrei nai khala y, Asuria empara samrang ly Samari mary ai peang vui iy, Israela chengchi ai Asuria pri mang y langheng hawi vui bo. Hunichi theung i phyreichi ai ly Halah mary theung y khai; phyreichi ai ly Kozan ka-peang Habor tavo sahawi y khai, phyreichi ai ly Media pri i marychira y khai nai ne.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

JEREMIA 2:7

Kai ly nichi ai paitiu khuta hawi nai pri y amti amjang hawi, takhra teicha teinei kahawichi cha nei ai nai kapahawi bo. Na i py nichi ly kai i pri taphra u. Nichi teng y kaimy pei nai pri ai chai hai y nai ne.

TANGAM NAI LEU 5:6

Kaichi ly kaimychi heng ai nai i vui y, teicha teinei aleu pa-rei nga ai nai molam py, Aikupta pri hawi Asuria pri mang y chei iy cheaung ai nai tla bo.

Ezekiela 4:13

Areng my, “Kai ly Israela chengchi ai cheng takhrachi i pri mang y ahei hai nai khala, nangchi ly reita leu pei naimy paka nai chainem y nai teicha teineichiai hina nai kamta cha u ai nai tla nai ka-ma-ra ne,” napi.

DANIELA 1:8

Daniela ly samrang i cha nei kahawi hawi, kreip hangchi cha nei nai dengdairei, amymy ai reita leaungsai molam y, chai hai y nai so y ai, nanai mymy i paleung y dawn bo. Hunai deaungkho y Asapenaza teng y kasabawmra hnei nai ne.

HOSEA 11:11

Tavochi kamta Aikupta pri i dengdairei py, buhu kamta Asuria pri i dengdairei py, akheang u kaliki ai. Kai ly nichi ai mychi i saleaung khuteng y hawi ali teang ai. Hini ly kai, Areng my pei nai leu ne.”

HOSEA 11:5

“Nichi ly kai teng y vawi u ali teang y nai deaungkho y, Aikupta pri mang y vawi u ai nai tla ai. Asuria samrang ly nichi ai peang ai.

HOSEA 7:11

Israela chengchi ly humang himang akheang iy, tau by y nai, li-tapawp ai rai y nai buhu kamta ne. Nichi ly angchei y Aikupta prichi teng i, kasabawmra hnei u. Hunai bo baly Suria pri mang y preang iy, kasabawmra hnei u!

HOSEA 7:16

Nichi ly kai ai khai su iy sa thai naira by y nai tameuh teng y ahihawi u bo. Nichi ly akawi nai thailiho kamta, ka-ym by y. Nichi i lu sa naichi ly khumi aniu y nai leu katheu u nai deaungkho y, dei kahawi dei u y ai. Hunaibaly Aikupta chengchi my panui hai ai.”

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

HOSEA 9:6

Nichi ly patang naira avum u iy, meingtym tleirei y tym u nai khala, Aikupta khumichi my nichi ai pangym iy, Memphi mary y up ai. Nichi i tangka khairachi hawi yhm kangngymchi awm nai meingtymchi ly aleng phreungchi hawi acha keungchi my khiu meuh ai.

Levi 18:28

Hunaibaly nangchi by y rai khala i khumichi kamta, nangchi ai huni pri i nai ang patheu vui ai ny y.

Levi 20:22

Naibaly Areng my, “Kaimy pahawi iy nangchi tym u ai nai Kanan pri i dengdairei, nangchi ai patheu y ai nai kai i reitachi hawi leu kang pei nai bawibawichi patawm u ai nai tla.

Levi 25:23

Khaileaung ly nangchi peang y leang; Tameuh my peang nai deaungkho y jo kyp moh. Nangchi ly angvyn ne i, huni pri y tym iy khuteng sa nai khumichi lawm u ai.

AMOS 7:17

Huna nai thui nai deaungkho y Amaziah awi, Areng my nang ai leu ang pei nai ly ‘Nang i aju ly mary theung y bima lawm ai. Nang i cho chanauchi py tavai keung y dei ai. Nang i peang nai khaileaung ly phy iy khumi takhrachi teng y pei pi vui ai. Nangmy py tameuh by y nai pri hareira y dei ai. Israela khumichi ly mymychi pri i dengdairei, pri pala naira avum u ai’ ” nanai pathang pi bo.

MIKHA 2:10

Angthau ly tako u; hini pri ly nangchi i vui chymme naira meingtym ny y leang bo. Nangchi i kamngo nai molam y hini pri ly phra bo.

AMTAW 10:14

Na i py Petera my ly, “Ny y leang, Areng; chai y nai hawi amso ngai nai ly kai ati sai py cho vai y leang,” napi.

Leu Thui Nai 28:63

Areng ly nangchi ai nang chawn hai ai nai py, khumi neangneang peung hai ai nai py, nangchi ai paleung anyp nai kamta, nangchi ai tamyh naira py, nangchi ai phra hai naira py, paleung anyp ai. Nangchi peang ai nai pri i dengdairei nangchi ai patheu vui ai.

Leu Thui Nai 28:68

Areng ly nangchi ai Aikupta pri y pato teang ai ny y, nanai thui i py, samphochi hawi nangchi ai huni pri mang y tha ali teang ai. Huni pri y nangchi ly nangmychi ai paleung ka-echi teng y miseaung y ajo i py, nangchi ai van ai nai ngai nai ami py awm ai ny y,” napi.

Leu Thui Nai 4:26

Huna nai tamang u baly nangchi cheng ly huni pri i nai kra y naimy tama vui ai, nanai kai ly kani hawi khaileaung ai tau iy vaineng abeu bo. Nangchi Jordan tavo angpeang iy peang vui ai nai pri y kra parai pa-rei awm ai nai ngo y naimy, cheng verei tama vui ai.

JOSUA 23:15

Mymy ly adeu nai kamta, amtheaung naira ang pei teu i py, mymy i leu tangai y lawh baly, nangchi i tlang tleaung y patang nairachi tym hai ai.