HOSEA 9:12 - Khumi Common Language Bible

¹² Na i py nichi ly cho chanauchi ai palum paveang lawh teu i py, kai ly huni deaungdichi ai padei iy, leaungrei ai py heng hai ai ny y. Kai ly nichi ai khai su nai khala y, nichi ly ka-jei awm nai patangra avum u ai,” napi.

HOSEA 9:12 Iomraidhean Croise

2 ARENG KEH 17:18

Areng ly Israela cheng ne nai khumichi ai kado theu hai nai deaungkho y, mymy mei ka-niu i nai patheu vui nai ne. Juda pri naini khai khyh bo.

2 ARENG KEH 17:23

Naibaly Areng ly nichi ai, mymy i miseaung amochi dengdairei pany hai nai leu pei nai kamta, mymy mei ka-niu i nai patheu vui bo. Hunai deaungkho y Israela chengchi ly Asuria pri y pri pala nai avum u i, huni pri y vaini khrairei awm u nai ne.

JOBA 27:14

Khumi hawi y naichi teng y cho chanau neampacho neangneang awm; na i py nichi ly tavai keung y dei u be ai. Khumi hawi y naichi i cho chanauchi ly mana khala py, kajeu kawi pa-rei cha ai nai nga u ai ny y.

JEREMIA 15:7

Ali y akheang nai choh ali maidym kamta nangchi ai hini pri i mary tlei tleireichira y ahei hai pawn bo. Kai i khumi nangchi hawi, nangmychi i cho chanauchi raurei, kaimy tamyh pawn ai; ati mana nai mo nabaly nangchi ly nangmychi i hawi y sa naichi khai su y nai deaungkho y ne.

JEREMIA 6:8

Jerusalem mary i khumichi awi, nangchi ly huni patang naichira i nai amtiura lo u, ti y baly kai ly nangchi ai kang khai su ai. Nangchi i mary ly khumi angso savai tlang iy khutaha meingtym lawm hai ai,” napi.

TANGAM NAI LEU 2:20

Aw Areng, khen cham rai! Nang ly kaichi ai, ati mana nai y hina tanrei pajeng lawh mo? Neampachychi ly mychi i khrei nai cho chanauchi i ngan cha u bo he! Pathyp pi nai keungchi hawi amochi ai py, Achura yhm theung y padei u pawn na bo ly!

TANGAM NAI LEU 2:22

Nang ly paleung ka-echi ai kaichi i tengpang sahawi y, ka-jei awm parai nai pawi sa ai nai palau bo. Nang i kado theu nai huni neng kani y ly amimi py tleaung pajau ai ny y. Nichi ly kaimy khrei iy, pacho panei nai cho chanauchi ai tleh u bo.

HOSEA 7:13

“Nichi ly pajeng naira avum u bo! Kai ai khai su iy ang tiu u lawh bo. Hunai deaungkho y nichi ly phra naira avum u ai. Kai ly nichi ai atleu ai nai ngai teu i py, nichi ly kai ai hawihai palai chiu u y, li-tapawp iy chiu u lawh.

HOSEA 9:13

Aw Areng, nichi i cho chanauchi ai paleung ka-echi my hau iy, padei nai mei sajang kaniu nai ne.

HOSEA 9:16

Israela khumichi ly tangjyn jei nai deaungkho y, athai thai y nai dengkeaung keung hawi atawm. Nichi teng y cho chanau thawn hai ai ny y. Cho chanau sa lawh teu baly, nichi i thi ngan kamji chanauchi ai kaimy padei vui ai,” napi.

MALAKHI 2:12

Areng ly huna nai sa nai khumi ngiereichi ai Israela cheng theung i nai patheu pawn na sy; nichi ai mana khala py achi i cheng lawm ai nai py, ati cheaungkhang sa thai nai Areng teng y katalamrachi talam nai khumi cheng lawm ai nai py pei moh sy.

Kati Nai 14:34

Nangchi Kanan pri khen paviu nai kani vui palyhrei i vui, kanirei y saneng sanengrei, nangchi ai pajeng nai ly saneng vui palyhrei avum u ai. Nangchi ly kaimy nawi su nai avum u ai!

Kati Nai 26:65

Huni khumi bawibawichi ly Areng my daichi ka-vym theung y dei u be be ai, nanai leu thui yb nai kamta, Jephonneh i chapo Kaleb hawi Nun i chapo Josua nini ny y baly, bawibawichi ly dei bebe nai ne.

Leu Thui Nai 28:18

“Areng ly nangchi teng y cho chanau sa nai di hai nai py, nangchi i amti amjang theu nai di hai vui ai nai py, si, beram peung hai y ai nai py nangchi ai amsawi lawi hai ai.

Leu Thui Nai 28:32

Nang i mei keung y my nang i cho chanauchi ai cheng takhrachi my miseaung palawn ai nai hawi vui ai. Nang ly kani tleirei cho chanauchi vawi ali teang na mo, nanai angdeang teu i py mei naini khohai atyhtyh ai.

Leu Thui Nai 31:17

Huna nai khala kai ly kado theu iy nichi ai khai su ai, naibaly nichi ly tama u ai. Nichi ly ka-jei awm nai patangrachi avum u ai. Huna nai khala nichi i Tameuh kai ly nichi hawi vanrei awm pi y nai deaungkho y, hina nai ka-jeirachi avum nai ne, nanai nichi pany u ai.

Leu Thui Nai 32:25

Tavai takai deaungkho y khumichi ly lamchira dei u ai; yhmchira y ka-jei awm naichi avum ai. Thawndeangchi anglochi py dei u ai; deaungdicho kanu nei thym naichi hawi miteaung maichochi py tleaung y ai.

TARA CHIH NAI KEUNGCHI 4:16

Barka my py my i ka-richi hawi tavaimichi py cheng takhra khumichi awm nai Haroset mary y tym pa-rei hui i, Sisera i tavaimichi ly leaungrei py tleaung y na pa-rei dei u nai ne.

1 SAMUELA 16:14

Areng i phailo ly Sawla teng i nai theu veng bo. Areng my phailo hawi y nai pato i, ni ai patang hai nai ne.