HOSEA 9:10 - Khumi Common Language Bible

¹⁰ Areng my, “Israela ai kai avum angchei nai khala, daichi ka-vym theung y prau nai kreip keungchi ai niu nai kamta ne. Nangchi i amsi pajochi ai kai avum angchei nai khala, myn angchei nai thaidu athaichi ai niu nai kamta ne. Na i py nichi ly peor mawi y tym nai khala y, Bala tameuh ai chiu u nai deaungkho y, nichi my tahm khai nai tameuhchi kamta, amso ngai nai lawm vui bo.

HOSEA 9:10 Iomraidhean Croise

1 ARENG KEH 16:31

Ni ly samrang Jeroboam kamta kamngo sa nai anyp y i, huni tleaung y typ keh nai ly Siloh samrang Ethabala i chaniu Jezabela ai pom iy, Bala tameuh ai chiu nai ne.

2 ARENG KEH 17:11

Naibaly nichi ly Kanan pri i dengdairei Areng my patheu pi pawn nai khumichi i reitachi mang y abang u iy, mynchi teng y talam nai maichamchi salo y rimuichi patawi u bo. Nichi ly mymychi i hawi y naira sa naichi hawimy, Areng ai kado patheu u.

SAM 115:8

Huni mynchi ai sa nai khumichi hawi ym nai khumichi ly mychi sa nai mynchi kamta lawm u sy.

SAM 81:12

Hunai deaungkho y kai ly nichi i paleung kyh chawn nai ly kyh chawn u jojo ai nai hawi, mychi i ngai nai kamta sa u ai nai py kapei pi nai ne.

Solomon i khulym 3:6

Mura hawi kathan ka-pai sa nai keungchi i jo nai mui katuichi patawi nai khala theu nai maikhyhchi kamta, khutaha daichi ka-vym mang y jeu nai ly ati mo?

ISAIA 28:4

Paleung len amlyh nai lu sa nai keungchi i dyhp nanai phum-ang ly myn nai hawimy jaw iy cha vui nai, neng kamtleh athai nai thaidu athaichi kamta, tama veng ai.

JEREMIA 11:13

Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 24:2

Angchei i teaung y ly myn manme nai thaidu athai kahawichi awm; takhra teaung hareira y ly cha ai nai ngo y nai veaungrang nai thaidu athaichi awm.

JEREMIA 3:24

Na i py kaichi ly deaungdichy khala i ka-so, kangji hawi nai tameuhchi ai kachiu u nai deaungkho y, jangni khala i dengdairei amsi pajochi my lop-panra i beram kanghuchi, si kanghuchi, cho chanau hawi awm nai bawibawichi chau pawn nai ne.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 31:2

Kai ly daichi ka-vym y deira i tleaung u nai khumichi ai kapahen pi bo. Israela khumichi ly anawn naira kadeaung u nai khala y,

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

Ezekiela 20:8

Na i py nichi ly kai ai amtang lawh iy kai i leu tangai y naimy awm u bo. Nichi ly mymychi i ngai nai amso ngai hawi nai mynchi hawi, Aikupta tameuhchi ai khai su y. Kai ly nichi ai Aikupta pri y kai i kado theu nai ly nichi i tlang tleaung y tym hai iy pajeng naira angym pa-rei avum hai ai nai dawn pi yb bo.

HOSEA 11:1

Areng my, “Israela deaungdi nai thym khala y, kai ly ni ai tamen iy kai ly ni ai chapo palawn i, Aikupta pri i nai pahawi nai ne.

HOSEA 13:5

Kai ly jengha iy bi parai nai daichi ka-vymra y, nangchi ai kang kry nai ne.

HOSEA 2:15

Ni i kreip akhochi py hawi hai teang iy, Akhaw, napi nai kamtang leaung hawi ai, athang khai naira katheu lawm hai ai. Ni ly saneng theang nai neng, Aikupta pri i dengdairei theu nai khala i kamta, kai ai tamen ali teang ai.

HOSEA 4:14

Na i py kai ly nichi ai kapajeng y ai. Ati mana nai mo na baly nangmychi naimy tameuh takhra ai chiu nai meingtym i bimanuchi hawi amkawm iy, tameuh takhra teng y vanrei, apathyp u nai deaungkho y ne. ‘Tau cheng naira by y nai khumi ly phra ai’ nanai thui achih nai kamta ne.

HOSEA 4:18

Nichi ly kreip hang nei ala iy, bima kalopra y amo theu u nai ne. Nichi ly tahm awm nai kalop tleaung y, kangji nga nai kalop ai ngai u keh.

AMOS 4:5

Tameuh ai kawn nai leu thui nai tako talam u. Alyly naimy talam nai py nang Israela chengchi my thai hai iy amlyh u. Huna nai sa ai nai nangchi ngai, nanai leu pei nai ne.

MIKHA 7:1

Athang khai naira by y leang bo! Kai ly kajeu alam nai deaungkho y, thengthai keung i thengthai athai py, kreip keung i kreip athai py, hau teu i py athairei py niu y nai khumi kamta ne. Kreip athai awm nai ngierei hawi, thaidu athai awm nai ngiereichi ai, jaw u be veng bo.

Kati Nai 15:39

Nangchi ly huni thaiphelawmchi niu nai tleirei, kai i leu pei nai ngierei tangai iy teaung patawm jojo ai. Huna nai khala nangchi ly kai ai khai su iy, nangmychi ngaingai sa u ai ny y.

Kati Nai 18:13

Huni teicha teineichi ly nang i vui ne. Nang i yhm dengtheungra y reita leaungsai y chai nai ngiereichi ly huni teicha teineichi cha pajau.

ROM AVANGCHI TENG Y PAWLA I CHA PA NAI 6:21

Vai nangchi i atiti kaji hai parai nairachi y ly, hunai thym khala y ly athai ati nga u mo? Huni atitichi i tem naira ly dei naira ne chy bo.

Leu Thui Nai 32:10

“Mymy ly nichi ai ali ho nai daichi ka-vym theung y amki ryry nai niu baly, mymy i cho chanau kypkyp kamta nichi ai hawihai palai kry nai ne.

Leu Thui Nai 32:17

Nichi ly amsi pajochi chiu vai y nai, Israela chengchi ahihawi vai y nai, tameuh takhrachi teng y apathyp u lawh.

Leu Thui Nai 4:3

Peor mawi y Areng my atiti ang sa pi nai ly nangmychi kypkyp my niu u bo. Mymy ly hu y Bala tameuh ai chiu nai ngiereichi ai tamyh hai pawn ai.

TARA CHIH NAI KEUNGCHI 6:32

Huni neng dengdairei Kideon ly Jerubala, nanai amyn nga bo. Ati mana nai mo nabaly Joasa my, “Bala ly amymy ai amo hai sy; taphra naira avum nai ly ni i maicham ne,” nanai thui nai deaungkho y ne.