HOSEA 9:1 - Khumi Common Language Bible

¹ Israela khumichi awi, cheng takhra khumichi kamta, amo theu naira pawichi so u moh. Nangchi ly nangmychi Tameuh i leu tangai u y bo. Nangchi ly pri vereira y amymy ai bima lawm ai nai, bala tameuh teng y jo u. Amti amjang thengthaichi thawn nai ly Bala tameuh my tamen nai saho y ne, nanai nangchi dawn u lawh!

HOSEA 9:1 Iomraidhean Croise

SAM 73:27

Nang ai khai su nai khumichi ly myh kang nai avum u takengkei ai; nang i tlang tleaung y ka-ym by y nai khumichi ai nang ly tamyh ai.

ISAIA 17:11

Na i py huni akhochira i dengkeaung hmchi ly nang i ui nai kani khawn mang y my prau iy pauchi pau lawh teu i py, nang ly hunichira i athaichi jawi ai nai nga ai ny y. Ngari kamtang hawi tami pajau y nai patangra naini avum ai.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 44:17

Kaichi ly kaimychi vaichi khala kasa u reng naichi ai naini kasa u ai. Juda marychi hawi Jerusalem lamchira y, kaichi hawi kaimychi i amsi pajochi, kaichi i samrang hawi lu sa naichi my sa reng nai kamta, kani khusang samrangnu, napi nai kani anglo teng apathyp iy, ni i vui kreip hang katalamrachi leih pi ai. Huna nai thym khala kaichi ly kajeu kawi pa-rei cha ai nai nga; nang chawn naimy patang palai nai py by y nai ne.

TANGAM NAI LEU 4:21

Edom pri hawi Uz pri y awm nai khumichi awi, panui u; nangchi amo theu pajau nai neng y, amo theu naimy awm u. Nangchi avum ai nai patang nairachi py, ang tym ai mang; nang py ateaung by y naimy atlym khikha iy, kangji nga ai.

Ezekiela 16:15

“Na i py nang ly nangmy i mo-cha hawi nai hawi, amthang nai sai y a-ym iy bima lawm bo. Nang ly nang teng y ang jeu nai khumi ngiereichi hawi i ahawi nai ne. Nangmy i mo-cha kahawi py apasai y.

Ezekiela 16:30

Sa thai naira angym nai Areng my leu pei nai ly “Nang ly kangji by y nai bima kamta, hina naichi sa bo.

Ezekiela 20:32

Nangchi ly pri takhrachi kamta py, pri takhra y awm u nai khumichi kamta py, dengkeaung keungchi, lengseaungchi ai chiu u ai, nanai dawn tau u bo. Na i py huni katau ly amcheang ai ny y.

Ezekiela 21:10

Tleh ai nai haisau ai chiu pa-rei kata theih na bo, amlo sadi kamta sadi ai nai kachi pyn bo. Kai i khumi Juda my peang nai areng cheaungvawi molam y, amo theu pajau ai ny y; huni areng cheaungvawi ly haisau hawi pajeng naira avum ai.

HOSEA 10:5

Samari mary i khumichi ly Bethavan mary y awm nai muku si katai myn tama vui nai molam y, jei i vo tangam u ai. Huni myn ai chiu nai khumichi hawi pathyp pi nai keungchi ly muku si katai myn i vui y vo u ai. Huni muku si katai myn i sa thai naira tama iy, pri takhra mang y syn vui nai khala, nichi ly tangam u ai.

HOSEA 2:12

Ni i tavawichi my langseaung palawn iy ni ai pei nai kreip keung, thaidu keungchi py, kaimy taphra pi vui ai. Kai ly ni i kreip akho hawi thengthai akhochi ai, daichi mawichi my taphra nai deaungkho y, kabeng aleng kawi nanai meingtym lawm hai ai.

HOSEA 4:12

Nichi ly dengkeaung hawi sa nai tameuh teng y leung pataw u! thengbeang my nichi pany ai ngai nai ngierei thui pi! Nichi ly kai ai khai u su bo. Bimanu lawm nai neampachy kamta, nichi ly tameuh takhrachi mang y ahihawi u bo.

HOSEA 5:4

Nichi ly hawi y sa nai molam y, mychi i Tameuh teng y ali u teang thai y. Nichi ly myn chiu naira y paleung apei u nai deaungkho y, Areng ai pany u y.

HOSEA 5:7

Nichi ly Areng i tlang tleaung y ka-ym by y bo. Nichi i cho chanauchi py mymy i chanauchi ny y. Hunai deaungkho y hini khumichi hawi nichi i khaileaung meingtymchi ly kra y naimy phra ai.

AMOS 3:2

“Khaileaung pri verei y awm nai khumi cheng bawibawichi theung y, nangchi cheng harei ai naini kang pany iy, kang pahen nai ne. Hunaibaly nangchi i kamngo sa nai ngierei molam y, kai ly nangchi ai kang pajeng ai nai tla ai,” napi.

AMOS 4:5

Tameuh ai kawn nai leu thui nai tako talam u. Alyly naimy talam nai py nang Israela chengchi my thai hai iy amlyh u. Huna nai sa ai nai nangchi ngai, nanai leu pei nai ne.

AMOS 6:13

Nangchi my Lodebarmary ai peang vui nai molam y, amlyh ai nai ngai u lawh. Nangchi ly atyhtyh naimy amlyh ai nai ngai u lawh. “Kaimychi atho hawi Karnaimmary ai peang vui nai ne,” nanai py thui u.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

JAKOB 4:16

Na i py nangchi i am-e nairachi ly nangchi kawn hai keh lawh ly: hunai kamta am-e nai bawibawi ly kamngo tla.

JAKOB 5:1

Khumi kanangchi awi, khen cham, nangchi i tlang tleaung y ngari ang tym dudu nai deaungkho y vo py vo u ly, hang py hang u lengleang.