HOSEA 8:7 - Khumi Common Language Bible

⁷ Nichi ly ali ai hei nai khala, kamchai tyn u lawh ai! Li i chohpui chomaw myn y baly tako ngo pajau y. Huni lira i chohpui chomaw myn lawh tei u py pri takhrachi cha u ai.

HOSEA 8:7 Iomraidhean Croise

ATITI AWM ANGCHEI NAI 41:23

huni bo y khutaha meingtymra ali kabi aho nai deaungkho y, ta y nai choh vui saryhrei theu nai py kaniu.

2 ARENG KEH 15:19

Asuria empara samrang Tiklath Pilesa ly Israela pri theung y kun iy tavai tiu bo. Huna nai khala Menahem ly mymy i sa thai naira khaw jo ai nai molam y, tangka chang sie 552,50rei hawi meimai sa.

2 ARENG KEH 15:29

Samrang Pekah my peang nai thym khala, Asuria empara samrang Tiklath Pilesa ly Ijon mary, Abelbet Maaka mary, Janoah mary, Kedesh mary, Hazo mary hawi Kilead pri, Kalili hawi Naphtali prichi ai peang vui iy, khumichi ai py Asuria pri mang y langheng y hawi pawn nai ne.

JOBA 4:8

Khumichi ly sa tamang nai li thawn iy, kamngo ti hei u nai kaniu. Vai i neng khala huni khumichi ly hawi y nai hawi sa tamang nai athaichi pakym u ai nai tla bo.

LEU KACHENG 22:8

Adyh adawi y nai ti hei nai khumi ly patang nai amti amjangchi pakym achu ai. Huna nai khala ni ly ami i tlang tleaung y ana nai sai anawn ai.

Parip nai leu 5:16

Hini leaungsai ly avo y leang; achi jeu nai khala i kamta ly vawi ali teang ai nai tla ai. achi ly ali ai patiu ai nai atho sa nai ly ati kamran nga mo?

ISAIA 17:11

Na i py huni akhochira i dengkeaung hmchi ly nang i ui nai kani khawn mang y my prau iy pauchi pau lawh teu i py, nang ly hunichira i athaichi jawi ai nai nga ai ny y. Ngari kamtang hawi tami pajau y nai patangra naini avum ai.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

JEREMIA 12:13

Kai i khumichi ly choh pati teu i py, kabeng alengchi naini tyn u ai. Nichi ly khri pa-rei kalop sa u teu i py, ati sai py kamran by y. Kai i kado theu ala nai deaungkho y, nichi ly kaji ai hawi nai athai pakym u ai,” napi.

TANGAM NAI LEU 5:2

Kaichi i yhmtheaung katuichi ly apany vai y nai khumichi kiu y tym lawh bo. Cheng takhra khumichi ly kaichi i yhmchira y athum u vui bo.

HOSEA 2:9

Hunai deaungkho y kai ly choh tyn nai neng khala, kai i chohpui chomaw hawi kreip hang py, ni ateaung ai nai kai i pei nai beram mui hawi kalang py, kala pi ali teang ai.

HOSEA 7:9

Pri takhra ai a-ym nai molam y, huni prichi my thi pajawp, nanai nichi pany u y. Nichi i pri ly phra nai neng kasa teu i py, mychi pany u y.

HOSEA 9:16

Israela khumichi ly tangjyn jei nai deaungkho y, athai thai y nai dengkeaung keung hawi atawm. Nichi teng y cho chanau thawn hai ai ny y. Cho chanau sa lawh teu baly, nichi i thi ngan kamji chanauchi ai kaimy padei vui ai,” napi.

NAHUM 1:3

Areng ly kado theu praw vai y leang; na i py mymy ly sa thai naira awm iy kamngo awm nai khumichi ai pajeng y naimy mana khala py khai su y leang. Areng i chei naira tleirei y, ali kamchai theu reng; khupanymchi ly mymy kheu anui i spryhchi ne.

HAKAI 1:6

Nangchi ly chohpui chomaw neangneang pati u teu i py, maidenreichy naini pakym u khyh. Nangchi teng y teicha teinei awm i py, bym pa-rei cha ai nai aleu y, kreip hang awm i py pavui na pa-rei nei ai nai aleu y, baichu ateaungchi awm i py bi-um na pa-rei ateaung ai nai alawn y, kalop sa keung py kajeu ka-rei kawi pa-rei, sa nai vang ngo y.

KALATIA 6:7

Tapawp naira y awm u moh; Tameuh ai ly khen nau ai nai vuilam ny y leang; ami my hei nai ngierei ly huni ly bebe pakym ali teang ai.

KALATIA 6:8

Amymy i tlang mang y hei nai keung ly tlang i veaung naira pakym ai i, Phailo mang y hei nai keung ly Phailo mang i deungtasarei hengra pakym ai.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.