HOSEA 8:5 - Khumi Common Language Bible

⁵ Samari mary i khumichi chiu u nai muku si katai myn ai kapaso nai ne. Kai ly nichi tlang tleaung y kado theu bo. Nichi ly mana khala py, myn chiu nai khai u su ai mo?

HOSEA 8:5 Iomraidhean Croise

2 NENG SATANG 13:8

Vai, nangchi ly Davida i kangpreangchi teng y Areng my pei nai sa thai naira ai tiu ai nai tau u lawh. Nangchi teng y atho awm nai tavaimi kamkawm hawi, nangchi chiu ai nai Jeroboam my sa nai sicho mynchi awm.

SAM 19:13

Sa ta-li nai kamngochira i nai py chai hai kyh ba. Huni sa tamang naichi ly kai ai peang moh sy. Huna nai khala naini kai ly kamngo by y ai i, kamngo so bi y ai.

LEU KACHENG 1:22

“Khumi ka-khumchi awi!, nangchi ly mana tanrei akhum naimy awm ai nai ngai u nai mo? Nangchi ly cheng naira ai mana tanrei mei aniu y nai sa iy, amo theu u ai mo? Nangchi ly mana khala py, ka-dawn pany u vau nai by y na mo?

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

JEREMIA 13:27

Areng ly mymy i amso ngai naichi ai nangchi sa nai niu. Nangchi ly yhm deaungpa i aju ai ngai tahau nai kamta, keaungngo nu ai keaungngo katai my po chiu nai kamta, mawi aheungchi hawi adym angdengra y kangji nang y naimy, bima kalop sa u bo. Jerusalem mary i khumichi awi, nangchi ly taham si! Nangchi ly mana khala y chai u ai mo?

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

JEREMIA 48:13

Huna nai khala, mychi ym u nai Bethela tameuh ai Israela chengchi my paleung phra u nai kamta, Moba pri khumichi ly mychi i Khemosa tameuh ai paleaung phra u ai.

HOSEA 10:5

Samari mary i khumichi ly Bethavan mary y awm nai muku si katai myn tama vui nai molam y, jei i vo tangam u ai. Huni myn ai chiu nai khumichi hawi pathyp pi nai keungchi ly muku si katai myn i vui y vo u ai. Huni muku si katai myn i sa thai naira tama iy, pri takhra mang y syn vui nai khala, nichi ly tangam u ai.

HOSEA 10:8

Avan mary mawi salo y awm nai Israela khumichi i chiu nai meingtymchi ly phra ai. Nichi i maichamchi salo y aleng keungchi, acha keungchi prau ai. Huna nai khala khumichi my mawichi ai, “Kaichi ai deng khyp ba!” nanai py, mawi aheungchi teng y, “Kaichi ai taphum meuh ba!” nanai py, aeu naimy takeng u ai.

HOSEA 13:2

Nichi ly tau cheng nai khumichi i kasabawm hawi, tangka mynchi chiu iy kamngo sa ra sa ra nai ne. Naibaly nichi my, “Hini mynchi teng y apathyp u!” nanai thui u. Khumi ly huni si katai mynchi ai pachawm ai nai avo na a!

HOSEA 8:6

Israela cheng kupe lasa kakawp hawi sa nai myn ly tameuh ny y! Samari khumichi chiu nai muku si katai myn ly dei lawm piu vui ai!

AMOS 8:14

Samari tameuh mynchi napi nai, ‘Dan tameuh’ ai py, ‘Beraseba mary i tameuh’ ai py, tau iy vaineng abeu reng nai khumichi ly ang thau teang pajau y na pa-rei atlym u ai,” napi.

MIKHA 1:7

Mynchi ai tleu hai piupa ai. Mynchi teng y talam nai langseaung bawibawichi ai, mai leng pawn ai. Myn ngiereichi ai anyn angso lawm hai ai. Samari mary ly hinichi ai achura yhm bima kalop sa naimy nga nai ne. Naibaly paleung ka-echi ly hunichi ai takhra achura yhm bimachi i vui syn u vui ai,” napi.

AMTAW 7:41

Naibaly hunai thym khala y ly si cho myn sa nai, huni myn y ly apathyp iy mymychi i kiu i sa naira y amo theu bo.

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.