HOSEA 8:13 - Khumi Common Language Bible

¹³ Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

HOSEA 8:13 Iomraidhean Croise

THEU NAI 20:3

“Kai ny y baly tameuh takhra y chiu moh.

THEU NAI 32:34

Vai chei iy nang teng y kang thui pi nai meingtym y tym pa-rei nichi ai pahawi; kai i angel my nang ai lam patei ai; na i py hini khumichi i kamngolai kapajeng ai nai neng tym ai mang,” napi.

LEU KACHENG 21:27

Areng ly khumi hawi y naichi i, apathyp nai tawnbawichi ai niu ngai y. Chai y nai paleung hawi apathyp nai khala, niu ngai y keh nai ne.

ISAIA 1:11

Mymy ly “Nangchi avaw avawrei talam nai kapathyprachi ai kai aly ngai,” nanai athang khai u a? Nangchi i leng patlum nai beramchi hawi tawnbawichi i thauchi paleih na bo. Si, beram, mi-ichi i thichi ai py, kai paleung no y leang bo.

JEREMIA 14:10

Areng ly nichi i molam y, “Nichi ly kai teng i nai preang ai nai ngai u; mychi i kheu kan pakym ai nai ngai u y. Hunai deaungkho y kai ly nichi ai kawn y. Nichi i sa tamang naichi kapany pi jo iy, nichi ai kapajeng ai,” napi.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

Ezekiela 29:16

Israela chengchi ly nichi teng y mana khala py abyh u ai ny y. Huna nai abyh lawh nai deaungkho y, mymychi ly mana tanrei tamang na mo, nanai Israela chengchi teng y Aikupta pri i avum nai khym taham my pany hai ali teang ai. Huna nai khala kai ly sa thai naira angym nai Areng ne, nanai Israela chengchi pany u ai,” napi.

HOSEA 11:5

“Nichi ly kai teng y vawi u ali teang y nai deaungkho y, Aikupta pri mang y vawi u ai nai tla ai. Asuria samrang ly nichi ai peang ai.

HOSEA 12:11

Na i py nichi ly Kilead pri y, mynchi ai chiu u. Huna nai chiu nai khumichi ly dei ai. Kilakala mary y awm nai khala, si kataichi apathyp u iy huni meingtym y awm nai maichamchi ly adym angdengra y lengseaung pakheng achu naichi lawm ai.”

HOSEA 4:9

Nangchi ly mipuichi kamta, pajeng naira avum ai! Kai ly nangchi ai pajeng ai. Nangchi ly nangmychi i kamngolai amtym u ai.

HOSEA 5:6

Mychi i beramchi hawi sichi ai Areng teng y apathyp ai nai syn u teu i py, atyhtyh teu. Mymy ly nichi ai khai su veng bo i, nichi ly mymy ai niu pajau u y leang bo.

HOSEA 6:6

Kai ly nangchi i tawnbawi hawi apathyp nai aly ngai y, nangchi teng i tamen naira naini ngai khyh. Kai i khumichi my kai teng y leng patlum nai kapathypra talam nai tleaung y, kai ai pany u naini aly ngai khyh nai ne.

HOSEA 7:11

Israela chengchi ly humang himang akheang iy, tau by y nai, li-tapawp ai rai y nai buhu kamta ne. Nichi ly angchei y Aikupta prichi teng i, kasabawmra hnei u. Hunai bo baly Suria pri mang y preang iy, kasabawmra hnei u!

HOSEA 7:16

Nichi ly kai ai khai su iy sa thai naira by y nai tameuh teng y ahihawi u bo. Nichi ly akawi nai thailiho kamta, ka-ym by y. Nichi i lu sa naichi ly khumi aniu y nai leu katheu u nai deaungkho y, dei kahawi dei u y ai. Hunaibaly Aikupta chengchi my panui hai ai.”

HOSEA 7:2

Kai ly nichi i sa tamang naichi kapany pi jo, nanai nichi py u y. Nichi i kamngochi ly mychi ai taki teungtareung iy, kai i mo y huni kamngochi ly amteng nai ne,” napi.

HOSEA 9:6

Nichi ly patang naira avum u iy, meingtym tleirei y tym u nai khala, Aikupta khumichi my nichi ai pangym iy, Memphi mary y up ai. Nichi i tangka khairachi hawi yhm kangngymchi awm nai meingtymchi ly aleng phreungchi hawi acha keungchi my khiu meuh ai.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

HOSEA 9:9

Nichi ly Kibeahmary y awm nai kamta, khri pa-rei sa tamang u nai ne. Tameuh ly nichi i kamngo pany pi jo iy, huni molam pajeng ai.

AMOS 3:2

“Khaileaung pri verei y awm nai khumi cheng bawibawichi theung y, nangchi cheng harei ai naini kang pany iy, kang pahen nai ne. Hunaibaly nangchi i kamngo sa nai ngierei molam y, kai ly nangchi ai kang pajeng ai nai tla ai,” napi.

AMOS 5:22

Nangchi i leng patlum nai kapathyp, teicha teinei talam naichi ai kai aly ngai y. Veung hawi nai tawnbawichi hawi apathyp nai py, kai aly ngai y.

AMOS 8:7

Israela i Areng Tameuh my vaineng abeu nai ly: “Kai ly hini khumichi i hawi y sa naichi ai, mana khala py tami vui pajau y leang.

LUKA 12:2

Na i py amteng y ai nai heu nai ly ha py by y; pany y ai nai apha nai py ha py by y.

I KORINTH 11:20

Hunaibaly nangchi ly achu u nai khala y ly Areng i biu cha ai nai vuilam ny y leang;

I KORINTH 11:29

Cha nai hawi nei nai keung ly Areng i tlang ai hawihai palai adawn y pasi lawh baly, amy i tlang tleaung y tara chih ai nai cha nei nai teu.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

Leu Thui Nai 28:68

Areng ly nangchi ai Aikupta pri y pato teang ai ny y, nanai thui i py, samphochi hawi nangchi ai huni pri mang y tha ali teang ai. Huni pri y nangchi ly nangmychi ai paleung ka-echi teng y miseaung y ajo i py, nangchi ai van ai nai ngai nai ami py awm ai ny y,” napi.

AMTENG HAI NAI 16:19

Naibaly avang pui my ly phy thomrei lawn i, cheng cheaungkhangchi i avangchi py anawi be bo; naibaly mymy i kado theu nai ka-teng ny y nai kreip athai hang khau ly huni teng y tuih ai nai, Babulon avang pui ly Tameuh i mo y pany jo nai awm bo.

1 SAMUELA 15:22

Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.