HOSEA 8:1 - Khumi Common Language Bible

¹ Areng my, “Baw eng iy pany hai ba! Paleung ka-echi ly ahmtlau kamta, kai i pri y ang nih u bo! Kai i khumichi ly kai hawi asa nai Leu Maikawm ai taphra iy, kai i khumichi ly kai hawi reita ai khai u su bo.

HOSEA 8:1 Iomraidhean Croise

2 ARENG KEH 18:27

Huni khumi my, “Empara samrang ly nangchi hawi nangchi i samrang teng y naini, hini leuchi thui pi ai nai kai ai pato nai ne, nanai athang khai u moh. Kai ly mary apai salo y ateh nai khumichi teng y py thui pi nai ne. Nangchi kamta nichi py, amy i ei pajun cha nei u ai,” napi.

ISAIA 18:3

Khaileaung pri y awm nai khumi bawibawichi awi, khaileaung salo y awm u nai khumi bawibawichi awi, tangai u! Mawi saleungra y pado ai nai ka-ma-ra tamkhawn ai khen angdeang u!

ISAIA 24:5

Khumichi ly Tameuh i reita leu pei naichi khai su nai molam py, mymy i deungtasa Leu Maikawm ngai y nai molam py, khaileaung ai chai hai y nai ne.

ISAIA 58:1

Areng my, “Baw katyn pajeng thai ryrei eng nai kamta aeu! Kai i khumichi teng y mychi i kamngo nai sai thui pi!

JEREMIA 31:32

Huni Leu Maikawm ly nichi i amsi pajochi ai Aikupta pri i dengdairei patheu nai thym khala i, nichi hawi asa nai Leu Maikawm hawi atawm ai ny y. Kai ly nichi i juvo kamta ne teu i py, nichi ly kai hawi asa nai Leu Maikawm ai patawm u y.

JEREMIA 34:18

Juda pri hawi Jerusalem mary i lu sa naichi ly samrang yhm kry nai keungchi, pathyp pi nai keungchi, mipuichi hawi vanrei si katai se nyhrei se nai sala y aleaung iy, kai hawi Leu Maikawm asa u nai ne. Na i py nichi ly kai i mo y mychi asa nai Leu Maikawm ai taphra u bo. Hunai deaungkho y si katai ai nichi my sa nai kamta, nichi ai py kaimy sa teang ai.

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 4:5

Juda pri verei y baw eng u! Raawi amchang iy tao pajeng parai naimy aeu u! Juda mipuichi hawi Jerusalem mary i khumichi ai amtangra marychi mang y angpreng ai nai thui pi u.

JEREMIA 48:40

Pakhichi kadai nai ahmtlau kamta, paleung ka-echi ly Moba pri tlang tleaung y ni kathiu ai, nanai Areng my leu pei yb bo.

JEREMIA 49:22

Kani mang dengdairei pakhi kadai naimy ni kathiu nai ahmtlau kamta, paleung ka-e ly Bozarah mary y tiu ai. Huna nai khala Edom tavaimichi ly deaungdi tapen ai nai achai nai neampachy kamta kaso theu u ai,” napi.

JEREMIA 51:27

“Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.

JEREMIA 6:1

Benjamin mipuichi awi, chymme naira mang y angpreng u! Jerusalem mary i nai theu u! Tekoa avang y baw eng u. Bethekarin avang y ka-ma-ra maiteaung to u. Ka-jeira hawi phra naira ly tosyh mang dengdairei ang tym ai.

Ezekiela 11:4

Huna nai y nang khumi cho awi, nichi ai thui tamawn iy amo leu thui ba,” napi.

Ezekiela 16:59

Sa thai naira angym nai Areng my, “Nang ly nangmy i adeu nai leuchi ai tahm khai y, Leu Maikawm py taphra nai deaungkho y nang, nga ai ataing nai kamngolai kang pajeng ai.

Ezekiela 17:3

sa thai naira angym nai kai, Areng my ati mana leu pei mo, nanai nichi ai pany ha ba. Vaichi khala ham parai nai pakhi kalenchi hawi, mui kasauchi awm nai ahmtlau pui harei awm. Ni teng y apu parai nai muichi awm. Huni ahmtlau pui ly Lebanon mawi saleung y akheang kalau iy saitleang keung salyh y chym bo.

Ezekiela 7:14

Tavai atiu amteaung ai nai baw eng bo i, khumi bawibawichi ly angvei u rym bo. Na i py leaungrei py tavai thau u y. Ati mana nai mo na baly Tameuh i kado theu naira ly khumi luteng i tlang tleaung y tym ai nai deaungkho y ne.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

HOSEA 5:8

Kibeah mary theung y baw eng u! Ramah mary theung y satang pei u! Bethavan mary y tavai thau nai aeu u! Benjamin cheng theaungchi awi, tavai thau u!

HOSEA 6:7

“Na i py nichi ly kai hawi sa nai Leu Maikawm ai Adam kamta taphra iy, kai i tlang tleaung y ka-ym by y bo.

HOSEA 9:15

Areng my, “Nichi ly Kilakala mary y hawi y nairachi sa amteaung u bo. Huni neng dengdairei kai ly nichi ai kaniu ngai y bo. Nichi i sa nai sai hawi y nai molam y, kai i pri theung i dengdairei, nichi ai patheu vui ai. Kai ly nichi ai tamen y leang bo. Nichi i lu sa nai keung bawibawichi ly kai ai tiu u nai ne.

JOELA 2:1

Tameuh i nang parai nai mawi napi nai Zion mawi salo y baw eng u; pany hai nai katyn pei u. Juda khumichi awi, kaso tahyn theu u! Areng i neng kani ly kra y naimy tym ai.

JOELA 2:15

Zion mawi salo y baw eng u; biu hai u ai nai leu pei iy, achupui palau u!

AMOS 3:6

Mary theung y tavai baw eng nai katyn thai baly, mary i khumichi ly jei hyn y nai awm na a? Areng my pajeng khala naini, mary theung y patang naira tym nai ny y a?

AMOS 8:3

Huni kani y samrang yhm i khulym thui nai raawichi ly vo nai raawichi mang y lawm vui ai. Meingtym tleirei y kadei veuchi awm ai i, huni veuchi ai kangviu y aphi u ai,” nanai leu pei bo.

AMOS 9:1

Kai ly maicham sahawi y angdo nai Areng ai niu bo. Mymy i leu pei nai ly “Achura yhm verei ahyn kanangkang na pa-rei ahyn hai ai nai Achura yhm i yhmmawm meaung pakhau peu. Hunichi ai pakhau peu iy khumichi i lu tleaung y tlo hai. Huni bo i khumichi ai ly tavai keung y kapadei ai. Ami py tleaung ai ny y, mani khumi py law tleaung pajau y ai.

HABAKKUK 1:8

“Nichi i keaungngochi ly takaikheng tleaung y rang iy, teicha alam nai kasui tleaung y malawn py jei ai nai hawi. Keaungngo atang nai risachi ly keaungngochi ai kamlo mang dengdairei, athorei my ang jeu hai bo. Nichi i keaungngochi ly khaileaung y muiken hawi kaseu u bo. Nichi ly teicha ni nai ahmtlau kamta, athorei my ang jeu u nai ne.

ZEPHANIAH 1:16

amtangra marychi, asang parai nai lengseaung yhmchi ai tiu nai, risachi i baw eng nai katynchi, aeu nai raawichi hawi amsau nanai kani ne.

ZEKHARIAH 11:1

Aw Lebanon, nang i saitleang keungchi ly mai my kang ai nai nang i apai katheu pa-khochi paeaung ba.

ZEKHARIAH 9:14

Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.

MATTHAI 24:28

Ma mang y py mawi veu awm naira ngierei y langnachi py tym achu ai.

I KORINTH 15:52

ati mana nai mo nabaly baw ly tyn ai, hunai khala y ly kadeichi ai ly veaung thai y naimy pathau nai awm ai i, achi ai py ang takhra hai ai.

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.