HOSEA 7:2 - Khumi Common Language Bible

² Kai ly nichi i sa tamang naichi kapany pi jo, nanai nichi py u y. Nichi i kamngochi ly mychi ai taki teungtareung iy, kai i mo y huni kamngochi ly amteng nai ne,” napi.

HOSEA 7:2 Iomraidhean Croise

JOBA 34:21

Mymy ly khumi i kheukan ngierei, khen patawm jo nai ne.

SAM 10:11

Khumi aso y nai my, “Tameuh ly hini molam y ati sai py dawn y leang! Mymy ly mei pasym veng; kai ai mana khala py niu y leang,” nanai amy tlairei katheu nai ne.

SAM 25:7

Hawi thym hawisai thym khala y kai i sa tamang nai kamngochi hawi, kateng so y naichi ai pahen kyh ba. Nang ly khaw parai nai tamen naira awm iy, neaung hawi nai sai molam y, kai ai pany jo kyh ba.

SAM 50:22

“Kai ai dawndan y nai khumichi awi, hini molam y adawn pasym u; ti y lawh baly kai ly nangchi ai kang tamyh pawn ai. Nangchi ai atleu ai nai khumi leaungrei py awm ai ny y.

SAM 9:16

Areng ly leu meitang naimy tara chih nai deaungkho y, mymy ai amthang hai bo. Khumi hawi y naichi ly mychi i sa nai sai molam y, mychi ai man u ali teang nai ne.

SAM 90:8

Kaichi i kamngochi ly nang i mo y khai bo; kaichi i kangviu y sa nai kamngochi ai py, nangmy niu pajau nai meingtym y khai bo.

ISAIA 1:3

Si hawi painochi ly yhmkeung ai pany; keaungngo kano kasauchi py yhmkeung i keaungngo hai, mychi i yhmkeung my teicha patlai nai meingtymchi pany. Na i py kai i khumi Israela chengchi ly huna tanrei pany u y. Nichi ly pany thai u y na ly” napi.

ISAIA 26:16

Aw Areng, nang ly nangmy i khumichi ai pajeng nai deaungkho y, nichi ly khri pa-rei paleung bi naimy, nang teng y chiu sa u nai ne.

ISAIA 44:19

“Kai ly dengkeaung phyrei ai mai y tei veng bo. Mai-aichi salo y tako paawp iy mawi dang i cha bo. Dengkeaung kamlai hawi myn harei sa. Vai, kai ly huni dengkeaung beang mo y lu meung lawh bo ly!” nanai thui pajau ai nai, myn oh pangie nai keung ly pany thai naira, cheng naira by y.

ISAIA 5:12

Nangchi i pawichi sa naira y tarochi, atymchi, byhlyhchi hawi kreip hangchi abawi reng nai ne. Na i py Areng ly ati mana sa mo, nanai nangchi pany y.

JEREMIA 14:10

Areng ly nichi i molam y, “Nichi ly kai teng i nai preang ai nai ngai u; mychi i kheu kan pakym ai nai ngai u y. Hunai deaungkho y kai ly nichi ai kawn y. Nichi i sa tamang naichi kapany pi jo iy, nichi ai kapajeng ai,” napi.

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

JEREMIA 17:1

Areng my, “Juda khumichi awi, nangchi i kamngo ai tamo chakaleaung hawi tajiu typ bo. Huni kamngo ai nangchi i paleung pheira y meaung y cheng tai nai chakaleaung hawi tajiu typ iy, nangchi i maicham takichira y thiu pi yb bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

JEREMIA 4:18

Aw Juda pri, nang ly nangmy i awm nai, sa nai saichi molam y hina naichi tym haibo. Nang i paleung y haisau hawi thun nai kamta, nang ly nangmy i kamngo deaungkho y, hini patang naira avum nai ne.

JEREMIA 44:21

“Juda marychi hawi Jerusalem mary lamchira y nangchi hawi, nangchi i amsi pajochi, nangchi i samrangchi hawi lu sa naichi, mipuichi my talam nai kapathyprachi molam y Areng pany y, nanai py, tami veng bo, nanai py, nangchi athang khai u a?

Ezekiela 21:29

Nangchi i paleung mei y niu naichi ly niu angchi khyp nai ny y i, nangchi teng y thui pi yb naichi py ka-chawi cheichei teu. Nangchi ai pajeng angchi khyp ai nai neng kani ly kasa bo. Haisau ly khumi aso y nai i kaneaung y kala ai nai ang tym ai bo.

HOSEA 12:2

Areng ly Juda khumichi ai thui tamawn bo. Israela ai py mychi i sa nai sai molam y pajeng ai. Mymy ly nichi i sa nai kamta, hawi nai hawi y nai heung pi ai.

HOSEA 4:9

Nangchi ly mipuichi kamta, pajeng naira avum ai! Kai ly nangchi ai pajeng ai. Nangchi ly nangmychi i kamngolai amtym u ai.

HOSEA 6:2

Achi ai kani nyh, kani thomrei sala y atho awm iy ham hai teang ai i, mymy i mei keung y awm hai ai.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

HOSEA 9:15

Areng my, “Nichi ly Kilakala mary y hawi y nairachi sa amteaung u bo. Huni neng dengdairei kai ly nichi ai kaniu ngai y bo. Nichi i sa nai sai hawi y nai molam y, kai i pri theung i dengdairei, nichi ai patheu vui ai. Kai ly nichi ai tamen y leang bo. Nichi i lu sa nai keung bawibawichi ly kai ai tiu u nai ne.

HOSEA 9:9

Nichi ly Kibeahmary y awm nai kamta, khri pa-rei sa tamang u nai ne. Tameuh ly nichi i kamngo pany pi jo iy, huni molam pajeng ai.

AMOS 8:7

Israela i Areng Tameuh my vaineng abeu nai ly: “Kai ly hini khumichi i hawi y sa naichi ai, mana khala py tami vui pajau y leang.

JONA 1:2

Mymy ly “Nang ly Ninevi mary pui y chei iy, pany hai ba. Huni mary i khumichi ly khri pa-rei aso y, nanai kai pany,” napi.

Kati Nai 32:23

Na i py nangchi ly leu adeu nai taphra baly, Areng i tlang tleaung y sa tamang nai lawm ai. Huna nai khala nangchi ly pajeng naira avum takengkei ai. Hini molam y tamang u moh.

LUKA 12:2

Na i py amteng y ai nai heu nai ly ha py by y; pany y ai nai apha nai py ha py by y.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

Leu Thui Nai 32:29

Nichi ly ati mana nai y tavai sum u nai mo, nanai pany u y; ati mana nai deaungkho y mo, nanai py dawn pajau y.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.