HOSEA 7:13 - Khumi Common Language Bible

¹³ “Nichi ly pajeng naira avum u bo! Kai ai khai su iy ang tiu u lawh bo. Hunai deaungkho y nichi ly phra naira avum u ai. Kai ly nichi ai atleu ai nai ngai teu i py, nichi ly kai ai hawihai palai chiu u y, li-tapawp iy chiu u lawh.

HOSEA 7:13 Iomraidhean Croise

NEHEMIA 1:10

“Aw Areng, hinichi ly nang i khumichi, nang i miseaungchi ne; nang ly ham parai nai haiho, atho awm nai kiu hawi nichi ai atleu bo.

JOBA 22:17

Nichi ly Tameuh ai khai su naichi ne i, mychi ai Tameuh my ati sai py so pajau y leang, nanai ym naichi ne.

SAM 106:10

Mymy ly nichi ai niu ngai y nai khumichi kiu i nai atleu nai ne; mychi i paleung ka-echi kiu i nai atleu pi bo.

ISAIA 30:1

Areng my, “Juda pri y peang nai khumichi ly taham si! Ati mana nai mo nabaly, nichi ly kai ai niu ngai y nai deaungkho y ne. Nichi ly kai i kangai hawi athli vui nai ka-dawnchi sa iy, kaimy pei y naimy amso amnaichi asa iy kamngo harei salo y harei panawira nai sa tamang u bo.

ISAIA 30:2

Nichi ly kai teng i katau hnei y naimy, Aikupta pri y chei iy kasabawmra hnei u nai ne. Aikupta pri my ama hai naira ngai nai deaungkho y, nichi ly Aikupta samrang ai ym u bo.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

JEREMIA 14:10

Areng ly nichi i molam y, “Nichi ly kai teng i nai preang ai nai ngai u; mychi i kheu kan pakym ai nai ngai u y. Hunai deaungkho y kai ly nichi ai kawn y. Nichi i sa tamang naichi kapany pi jo iy, nichi ai kapajeng ai,” napi.

JEREMIA 42:20

Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.

JEREMIA 51:9

Cheng takhra khumichi my, ‘Achi ly Babulon mary ai sabawm ai nai atho sa i py, patyh ala veng bo. Jeu u ly huni mary i nai theu iy achi i pri y vawi u teang sina. Tameuh ly ati cheaungkhang sa thai nai hawimy, Babulon mary ai kamngo pajeng iy taphra chauchau bo,’ nanai thui u nai ne.”

JEREMIA 7:15

Kai ly nangchi i amjo amnau Ephraim mipuichi ai kaimy patheu vui nai kamta, nangchi ai py kang patheu vui ai,” nanai Areng my leu pei nai ne.

TANGAM NAI LEU 5:16

Kaichi i amlyh ai naira ly ha py by y leang bo. Kaichi ly kamngo sa tamang nai deaungkho y, taham si.

Ezekiela 16:23

Sa thai nai angym nai Areng my, “Nang ly taham si! Nang ly taham si! Nang ly hawi y nairachi sa chum baly,

Ezekiela 18:2

mymy ly “Amhm ampochi kreip athai katho cha nai molam y, cho chanauchi ho kyn u,” nanai thui achi nai leu ai Israela chengchi avaw avawrei thui u nai ly ati y thui u nai mo?

Ezekiela 18:25

“Na i py nangchi my, ‘Areng i sa nai ly teng y,’ nanai thui u bo. Aw Israela chengchi awi, kai i thui nai leu tangai u. Nangchi my kai i sa nai sai teng y, nanai athang khai u nai sai a? Teng y nai saichi ly nangchi i sa naichi teu.

Ezekiela 34:6

Hunai deaungkho y mawichi hawi mawi aheungchira y ahi lengleang nai ne. Nichi ly khaileaung pri verei y ahei u bo. Nichi ai hau nai khumi hawi, hau ai nai atho sa nai khumi leaungrei py by y.

HOSEA 11:12

Areng my, “Israela khumichi ly kai ai ka-chawi thui iy tapawp u bo. Juda khumichi ly chai parai nai hawi ka-ym awm nai kai, Tameuh ai vai khrairei tiu u nai ne.

HOSEA 11:2

Na i py kai ly ni ai kapalau baly, kai teng i nai angpreng ra bo. Kai i khumichi ly Bala tameuh teng y apathyp iy, mynchi teng y rimui patawi u.

HOSEA 5:7

Nichi ly Areng i tlang tleaung y ka-ym by y bo. Nichi i cho chanauchi py mymy i chanauchi ny y. Hunai deaungkho y hini khumichi hawi nichi i khaileaung meingtymchi ly kra y naimy phra ai.

HOSEA 7:1

“Kai i khumichi ai nang chawn hai teang iy, Israela khumichi i no-na tama hai ai ngai nai tleirei y, kai ly nichi i hawi y nai hawi kamngo sa nai ai naini kaniu nai ne. Nichi ly mychi tengtawi atapawp u leungtang nai ne. Yhmchi ateng vau iy yhmtheaung katuichi paviu u. Lam aki aleaung naichi teng i py lawm u bo.

HOSEA 7:3

Areng my, “Khumichi ly mychi i hawi y nai katau molam y, samrang hawi ni i bangtangchi ai li-tapawp hyp bo.

HOSEA 9:12

Na i py nichi ly cho chanauchi ai palum paveang lawh teu i py, kai ly huni deaungdichi ai padei iy, leaungrei ai py heng hai ai ny y. Kai ly nichi ai khai su nai khala y, nichi ly ka-jei awm nai patangra avum u ai,” napi.

HOSEA 9:17

Nichi ly kai i chiu nai Tameuh i leu tangai u y nai deaungkho y, mymy ly nichi ai khai su ai. Nichi ly pri takhrachira y amki naimy awm u ai.

JONA 1:10

Hunaibaly Jona my, mymy ly Areng teng i dengdairei preang vui nai khumi ne, nanai py huni khumichi teng y thui pi. Sampho i khumichi ly jei hyn naimy ni teng y, “Nang i sa nai kalop ly ka-jei hawi parai na ly!” napi u.

JONA 1:3

Na i py Jona ly Areng teng i dengdairei preang vui ai nai Joppa sampho tuivum y chei. Joppa mary y tym baly Spain pri mang y chei ryp ai nai sampho apeh khyp. Jona ly sampho atang nai vang pei iy, Areng hawi palo nai Spain mary mang y, sampho i khumichi hawi vanrei abang ai nai, sampho atang bo.

MIKHA 6:12

Yhmtheaung katui nang nai khumichi ly khumi kamawnchi tlang tleaung y thi pajawp u bo. Nangchi bawibawi ly tapawp nai khumichi ne.

MIKHA 6:4

Kai ly nangchi ai Aikupta pri i dengdairei kang pahawi iy miseaung i nai atleu pi bo. Nangchi ai lam patei ai nai Mosi, Aron hawi Miriamchi ai kang pato pi nai ne.

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

Leu Thui Nai 15:15

Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.

I JOHAN 1:10

Na i py, “Kaichi ly kamngo so y leang,” napi baly mymy ai ka-chawi thui nai keung palawn lawh i, mymy i leu py achi teng y by y.

AMTENG HAI NAI 8:13

Naibaly kai ly khen i, ahm pui kani laileaung y angkeang iy, tao pajeng parai naimy, “Kani pri i amtaw thau nai leaung thomreichi i baw eng bi rai ai nai katynchi deaungkho y khaileaung pri tleaung y awm naichi ly taham si! taham si! taham si!” napi nai kathai.