HOSEA 7:1 - Khumi Common Language Bible

¹ “Kai i khumichi ai nang chawn hai teang iy, Israela khumichi i no-na tama hai ai ngai nai tleirei y, kai ly nichi i hawi y nai hawi kamngo sa nai ai naini kaniu nai ne. Nichi ly mychi tengtawi atapawp u leungtang nai ne. Yhmchi ateng vau iy yhmtheaung katuichi paviu u. Lam aki aleaung naichi teng i py lawm u bo.

HOSEA 7:1 Iomraidhean Croise

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

ISAIA 59:12

“Aw Areng, nang i tlang tleaung y kaichi i sa tamang nai kamngochi ly nawi parai nai ne. Huni kamngochi my kaichi ai neng hai nai deaungkho y, kaichi ly kaimychi i kamngochi hawihai palai apany u bo.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

ISAIA 59:14

Adyh adawi naira ly kamlo y paryh nai avum iy, kateng lam py sahawi y ahai pajau y. Tara chih nai meingtymchira y kateng lam by y. Ka-ym awm naira ly khaw pajau y.

JEREMIA 51:9

Cheng takhra khumichi my, ‘Achi ly Babulon mary ai sabawm ai nai atho sa i py, patyh ala veng bo. Jeu u ly huni mary i nai theu iy achi i pri y vawi u teang sina. Tameuh ly ati cheaungkhang sa thai nai hawimy, Babulon mary ai kamngo pajeng iy taphra chauchau bo,’ nanai thui u nai ne.”

Ezekiela 16:46

“Nang i ngamjo neampachy ly mymy i chaniuchi hawi vanrei awm nai tosyh ngan mang i Samari mary ne. Nang i ngamnau neampachy ly mymy i chaniuchi hawi vanrei awm nai, tokalawi ngan mang i Sodom mary ne.

Ezekiela 23:4

Amjo ai ly Ahola,amnau ai ly Aholiba, nanai amyn pathi nai ne. (Ahola ly Samari mary ai amyn apu iy, Aholiba ly Jerusalem mary ai amyn apu nai ne.) Kai ly nini leaungnyhrei ai pom mei i, nini my cho chanauchi sa pi.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

HOSEA 10:5

Samari mary i khumichi ly Bethavan mary y awm nai muku si katai myn tama vui nai molam y, jei i vo tangam u ai. Huni myn ai chiu nai khumichi hawi pathyp pi nai keungchi ly muku si katai myn i vui y vo u ai. Huni muku si katai myn i sa thai naira tama iy, pri takhra mang y syn vui nai khala, nichi ly tangam u ai.

HOSEA 11:12

Areng my, “Israela khumichi ly kai ai ka-chawi thui iy tapawp u bo. Juda khumichi ly chai parai nai hawi ka-ym awm nai kai, Tameuh ai vai khrairei tiu u nai ne.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

HOSEA 12:1

Israela khumichi i khawn khutawi dengdai kani dym khala khrairei, sa nai dawn nai ngiereichi ly kamran by y, atyhtyh teu. Nichi theung y ka-ym by y nai, khrukhra naichi nawi ra nai ne. Nichi ly Asuria pri hawi amsawi amnai asa naimy, Aikupta pri hawi ka-sum ka-pai sa u bo,” napi.

HOSEA 12:2

Areng ly Juda khumichi ai thui tamawn bo. Israela ai py mychi i sa nai sai molam y pajeng ai. Mymy ly nichi i sa nai kamta, hawi nai hawi y nai heung pi ai.

HOSEA 4:17

Israela khumichi ly myn chiu naira y paleung apei keh. Mychi i tako nai lamra y tako u teu na sy.

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

HOSEA 5:1

“Pathyp pi nai keungchi awi, tangai u! Israela khumichi awi, hawihai palai tangai u! Samrang kangpreangchi awi, tangai u! Nangmychi kypkyp ly meitang khyp naimy, tara chih ai nai keungchi ne. Huna nai kamta nangchi py pajeng naira avum u ai. Nangchi ly Mizapa mary y pateung nai deaung, Tabor mawira y jang nai mawipy,

HOSEA 6:4

Na i py Areng my, “Israela chengchi hawi Juda chengchi awi, kai ly nangchi ai mana kang sa ai mo? Kai i tlang tleaung y nangchi i tamen nai sai ly khawn kadam kamta py, kadam amai kamta py, tama rai y nai ne.

HOSEA 7:13

“Nichi ly pajeng naira avum u bo! Kai ai khai su iy ang tiu u lawh bo. Hunai deaungkho y nichi ly phra naira avum u ai. Kai ly nichi ai atleu ai nai ngai teu i py, nichi ly kai ai hawihai palai chiu u y, li-tapawp iy chiu u lawh.

HOSEA 8:5

Samari mary i khumichi chiu u nai muku si katai myn ai kapaso nai ne. Kai ly nichi tlang tleaung y kado theu bo. Nichi ly mana khala py, myn chiu nai khai u su ai mo?

HOSEA 8:9

Israela mipuichi ly pakym pajau y nai, keaungngo kano kasau karam kamta, paleung ka-dawn sa ngaulau reng nai ne. Nichi ly Asuria pri mang y chei iy, kasabawmra hnei u bo. Vang pei iy pri takhrachi my ama hai ai nai ngai u.

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

AMOS 3:9

Asadod hawi Aikupta pri samrang i yhmchi theung y awm nai khumi bawibawichi teng y hina nai thui. “Samari mary tengpang y awm nai mawi aheungchira y akachu u ly huni mary theung y sa nai kamngochi hawi khru-nganglang naichi ai khen u cham.”

AMOS 8:14

Samari tameuh mynchi napi nai, ‘Dan tameuh’ ai py, ‘Beraseba mary i tameuh’ ai py, tau iy vaineng abeu reng nai khumichi ly ang thau teang pajau y na pa-rei atlym u ai,” napi.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

LUKA 13:34

Aw Jerusalem, Jerusalem amochi ai padei nai keung nang teng y pato naichi ai ly lengseaung y aphi ka nai keung awi: A nu my mymy i chochi ai pakhi anui y o hai achu nai kamta, nang i chanuchi ai o hai achu ai nai tlen majirei kang tau mo? Na i py nangchi ly ngai u y.

LUKA 19:42

“Aw nang ly, vai hini sala y awmnem ai nai leu ly pany tanga i khyly! Na i py vai ly nang niu y ai nai heu pi veng bo.