HOSEA 6:6 - Khumi Common Language Bible

⁶ Kai ly nangchi i tawnbawi hawi apathyp nai aly ngai y, nangchi teng i tamen naira naini ngai khyh. Kai i khumichi my kai teng y leng patlum nai kapathypra talam nai tleaung y, kai ai pany u naini aly ngai khyh nai ne.

HOSEA 6:6 Iomraidhean Croise

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

SAM 50:8

Nangchi ly kai teng y apathyp nai hawi leng patlum nai kapathyprachi talam amtawn jo nai deaungkho y, kai ly nangchi ai kang chih ai nai ngai y leang.

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

Parip nai leu 5:1

Nang ly Achura yhm y chei nai khala hawihai adawn ba. Hawi nai hawi y nai khawilang takhra ai pany y nai khumi ka-khum i apathyp nai tleaung y ly huni meingtym y chei iy tangai nai ly hawi keh alam nai ne.

ISAIA 1:11

Mymy ly “Nangchi avaw avawrei talam nai kapathyprachi ai kai aly ngai,” nanai athang khai u a? Nangchi i leng patlum nai beramchi hawi tawnbawichi i thauchi paleih na bo. Si, beram, mi-ichi i thichi ai py, kai paleung no y leang bo.

ISAIA 58:6

“Kai i kawn nai biu hai nai ly pahyp y naimy ana nai ka-dawnchi khai su nai, peang nai sai teng y nai ai khai su nai, ana naira avum naichi ai atleu nai,

JEREMIA 22:16

Ni ly khumi kamawnchi i ka-jo ka-thui padyh padawi pi nai deaungkho y, atitichira py aly naira nga bo. Hini ly Areng ai pany naira i hawi naira ne.

JEREMIA 7:22

Nangchi i amsi pajochi ai Aikupta pri i dengdairei kapahawi nai thym khala y, kai ly leng patlum nai kapathyprachi molam y py, takhra kapathyprachi molam y py, reita leu pei nai by y leang rai.

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

HOSEA 2:20

Kai i adeu nai vaineng molam y, kai ly nang ai pom ai. Nang ly kai ai Areng ne, nanai pany jo ai.

HOSEA 4:1

Israela chengchi awi, Areng i leu pei nai tangai u. Hini pri y awm nai khumichi ai Tameuh my seu nai awm. Mymy ly “Hini pri y ly tamen naira, ka-ym awm naira by y. Kai ly Tameuh ne, nanai khumichi my pany u y.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

AMOS 5:21

Areng my, “Nangchi i reita pawichi ai kaniu ngai y. Huni pawichi ai khrikhri pa-rei kapaso.

MIKHA 6:6

Kani pri mang y awm nai Areng Tameuh teng y chiu sa ai nai jeu nai khala y, kai ly ati kapathypra syn ai mo? Veung hawi nai si cho ai leng patlum ai nai kasyn ai a?

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

MATTHAI 12:7

Na i py, ‘Apathyp naira ngai y naimy pahen naira kangai,’ nanai awm nai sai pany u i khyly, nangchi ly kamngo so y naichi ai parip nai ny y.

MATTHAI 5:7

“Amichi ai pahen naichi ly taham hawi: nichi ly pahen naira nga ai.

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

MARKA 12:33

naibaly mymy ai ly paleung verei hawi, pany thai naira bawibawi hawi, atho bawibawi hawi tamen ai nai py, amymy ai atamen nai kamta saleaungchi ai tamen ai nai py bom leng nai atiti talam nai hawi apathyp naira bawibawi tleaung y khri pa-rei hawi keh,” napi.

I JOHAN 2:3

Naibaly achi ly mymy i leu pei naichi patawm nai ne baly, achi ly hunira y ly mymy ai pany, nanai amny mang.

I JOHAN 3:6

Ami py mymy y awm jojo nai ngierei ly kamngo so y leang; ami py kamngo sa nai ngierei ly mymy ai niu py niu y, pany py pany y.

1 SAMUELA 15:22

Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.