HOSEA 6:3 - Khumi Common Language Bible

³ Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

HOSEA 6:3 Iomraidhean Croise

2 SAMUELA 23:4

kani nai chum nai bo y khupanym aheang pawn i, khutawimo neng khala achachi kangvang sadi hai nai kanito hawi atawm.”

JOBA 29:23

Li hlau sa naichi ly kanipui tym en nai kanitui kadeaung nai kamta, khumi bawibawichi ly kai i leu ajeng naimy awm u nai ne.

SAM 19:4

kani hawi vum y theu nai katyn ly khaileaung pri verei y ahei i, hunichi my ahei nai leu ly khaileaung pri katem y khrairei tym bo. Tameuh ly kanito i vui y, kani khusangra y yhm harei sa nai ne.

SAM 19:6

Ni ly kani khusang kachawn mang dengdairei amteng iy, takhra kachawn mang y taki nai ne. Ni i bi nai ly ati sai py kham pajau y.

SAM 63:8

Kai ly nang teng y anghawi bo; nang i kiu my ly kai ai chymme naimy khai bo.

SAM 65:9

Nang ly kanitui pala pi nai deaungkho y, khaileaung ai kry, nanai pany hai bo; khaileaung ai khaileaung kathau kawi hai na bo. Nang ly tavo micheaungchi ai tui kawi hai; khaileaung y amti amjangchi thawn hai bo. Nang i sa nai saichi ly hina nai kamta ne;

SAM 72:6

Samrang ly li, hlauchi salo y nai pi nai kanitui kamta py, khaileaung salo y tla nai kani amaichi kamta py lawm sy.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 32:15

Na i py Tameuh ly mymy i phailo ai achi teng y pato pi ali teang ai. Huna nai khala y khaileaung ka-keuchi ly khaileaung kahawichi lawm iy, li khaileaungchira i amti amjangchi neangneang theu ai.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

HOSEA 10:12

Kai my, ‘Nangchi i vui khaileaung kangthara thawn iy, leu meitang adyh adawi nai ti hei u ba, kai i tlang tleaung y ka-ym awm nai amti amjang tyn u, nangchi i Areng teng y ali teang ai nai neng tym bo. Kai py kang jeu iy nangchi ai amtheaung hai ai’ napi.

HOSEA 14:5

Kani tui ly jengha nai khaileaung y suino hai nai kamta, kai ly Israela khumichi ai tlamsa hai ai. Nichi ly kaseaung kamta pau amthym u ai. Lebanon mawi i dengkeaung keung kamta, tangjyn aviu ai.

HOSEA 14:6

Nichi ly paumyn hawi sai angpho naimy angvairu iy, olive keung kamta apu parai ai. Lebanon thengreung i saitleang keung kamta mui kahawi amseaung ai.

HOSEA 2:20

Kai i adeu nai vaineng molam y, kai ly nang ai pom ai. Nang ly kai ai Areng ne, nanai pany jo ai.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

MIKHA 5:7

Dei kamthum Israela chengchi ly Areng my tla hai nai kadam kamta, pri neangneangchi ai atho awm hai ai. Thengthai keungchi salo y, nai hai nai kanitui kamta lawm ai. Hunichi ly khumichi i leu tangai y i, Tameuh i leu naini tangai khyh nai ne.

ZEKHARIAH 10:1

Nisa theu nai khala y kani nai hai ai nai, Areng teng y hnei u. Khupanymchi pato ly kani nai hai iy khumi neangneangchi i vui, li hlauchira y amti amjang thawn hai nai keung ly Areng ne.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 13:11

Naibaly mymy ly nichi teng y, “Kani pri my peang nai leu kathiuchi ly nangchi ai pany ai nai pei nai ne, nichi ai ly pei nai ny y leang.

LUKA 1:78

Mymy i khumichi teng y pahengra leu pany hai ai nai py, Areng i mo y nang tako ai;

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 7:17

Ami py mymy i kangai sa ai nai ngai nai khumi ly leu patiu nai ly Tameuh i patheu nai mo, kaimy i paseang iy thui nai mo, nanai pany ai.

AMTAW 17:11

Hu i khumichi ly Thesalonika avang i khumichi tleaung y ly hawi kyh, ati mana nai mo nabaly nichi ly paleung kawn parai naimy huni leu tangai iy, huni satang thui pi nai ly teng mo teng y mo, nanai Tameuh i cha-iu y kani tleirei hau u.

Leu Thui Nai 32:2

Kai i patiu pi naichi ly kani amai kamta tla iy, khaileaung salo y kadam amai kamta angdeang ai. Kai i leu ly keung dichychi tleaung y kani nai hai nai kamta py, acha tleaung y kani nai hai sym nai kamta py lawm ai.

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

II PETERA 1:19

Naibaly kaichi ly thui rym nai leu khaw nai tleaung y khaw ra nai nga nai bo; khutawi iy khawn tempo ly nangchi i paleung y si y ryrei ly kaveng meingtym y angvang nai maisi ai dawn pi u nai kamta, huni ai dawn pi u ai nai aly len parai:

AMTENG HAI NAI 22:16

Kai, Isu ly, palau takhra kamkawmchi i vui y hini atitichi nangchi teng y pany hai ai nai, kai i kani pri i amtaw thau nai ai kang pato veng bo. Davida i tangjyn kadeu hawi kangpreang, khawn tempo avang parai nai kai ne.