HOSEA 6:10 - Khumi Common Language Bible

¹⁰ Israela khumichi i amso ngai nai kalop ai, kai ly niu nai ne. Kai i khumichi ly mynchi ai chiu u iy, mymychi ai chai nem hai y bo.

HOSEA 6:10 Iomraidhean Croise

1 ARENG KEH 12:8

Na i py Rehoboam ly miteaungchi i tau pei nai dawndan y i, mymy teng y awm reng nai, mymy hawi tleaungri acheang nai thawndeangchi teng y chei i nichi teng y,

1 ARENG KEH 15:30

Hina nai kamta tym nai ly Jeroboam ly kamngo neangneang sa iy Israela chengchi ai kamngo lam mang y pahawi naimy, Israela chengchi i Areng Tameuh ai kado theu hai nai deaungkho y ne.

2 ARENG KEH 17:7

Samari mary jum nai ly Israela chengchi mymychi ai Aikupta samrang kiu i nai atleu iy, Aikupta pri i dengdairei pahawi nai mymychi i Areng Tameuh i tlang tleaung y kamngo sa u nai deaungkho y ne. Nichi ly tameuh takhrachi teng y chiu u lawh.

JEREMIA 18:13

Hunai baly Areng my, Israela chengchi ly ka-jei hawi parai naichi sa u! Jangni y hina naichi tym vai a?, nanai khumi cheng cheaungkhangchi teng y deng u cham.

JEREMIA 23:14

Na i py Jerusalem mary i amochi ly huni khumichi tleaung y malawn py, hawi y keh nairachi sa u nai kaniu. Nichi ly ami i aju chanauchi taphra iy ka-chawi thui u. Nichi my khumichi ai teng y naichi sa ai nai atho pei u; hunai deaungkho y ami py, amy i hawi y sa naichi anawn u y nai ne. Nichi bawibawi ly kai i mei ka-niu y Sodom mary i khumichi hawi atawm u bo. Jerusalem mary i khumichi ly Komora mary i khumichi kamta, kamngo sa u bo,” napi.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

Ezekiela 23:5

Ahola ly kai i aju ne teu i py bima sa veangveang nai, Asuria pri mymy i tavawichi i vui y kamleaung paleung khei y nai ne.

Ezekiela 23:7

Ahola ly Asuria miteaung keh bawibawichi i vui bimanu ne. Amy i ngai phi nai kamleaung paleung deaungkho y, Asuria mynchi ai chiu naimy amymy ai chai hai y bo.

HOSEA 4:11

Areng my, “Kai i khumichi ly kreip hang kangngym, kangtha nei cha pavui u nai deaungkho y, pany thai nai ka-dawn tama!

HOSEA 4:12

Nichi ly dengkeaung hawi sa nai tameuh teng y leung pataw u! thengbeang my nichi pany ai ngai nai ngierei thui pi! Nichi ly kai ai khai u su bo. Bimanu lawm nai neampachy kamta, nichi ly tameuh takhrachi mang y ahihawi u bo.

HOSEA 4:17

Israela khumichi ly myn chiu naira y paleung apei keh. Mychi i tako nai lamra y tako u teu na sy.

HOSEA 5:3

Kai ly Israela chengchi i satang pany nai deaungkho y, nichi i hawi y sa nai taphum ai nai ngo y. Nichi ly kai i tlang tleaung y ka-ym by y nai deaungkho y, kai hawi ataing y leang bo,” napi.