HOSEA 6:1 - Khumi Common Language Bible

¹ Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

HOSEA 6:1 Iomraidhean Croise

2 NENG SATANG 30:6

Samrang hawi miteaung kehchi i leu pei nai kamta, savaichi ly palau nai chachi syn u iy, Juda pri hawi Israela pri verei y chei u bo. Palau nai cha ra y, “Aw Israela chengchi awi, nangchi ly Asuria samrang kiu i tleaung nai dei kamthomchi ne. Abraham, Isaka, Jakobchi i Areng Tameuh teng y ali u teang jau; mymy py nangchi teng y ang jeu teang ai mang.

JOBA 16:9

Tameuh ly kado theu nai deaungkho y, kai i kiu kheuchi ai leng pawn veng bo. Mymy ly niu ngai y nai paleung hawi, kai ai khen kalingie nai ne.

JOBA 22:23

Nang ly paleung apanem naimy Tameuh teng y ahihawi ali teang iy, nangmy yhm dengtheung i hawi y nai ngierei ai pachai nai tla.

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

JOBA 5:18

Tameuh ly mymy i no pei nai tamo kalemchi ai kanih hawi bam pi. Mymy ly my i kiu hawi pajeng iy, huni kiu hawimy no hawi hai bo.

SAM 30:7

Aw Areng, nang ly kai ai hawi hai bo. Mawi salo i lengseaung yhm kamta, kai ai khaw hai bo. Na i py nang ly kai ai meimai hi pi vui nai khala y, kai ly jei hyn nai ne.

SAM 6:2

Aw Areng, kai ly paha naimy awm i, kai ai pahen kyh ba! Atho khei be veng nai deaungkho y, atho angym hai teang kyh ba.

SAM 71:20

Nang ly kai ai khri pa-rei patang nairachi avum hai teu i py, nang ly kai ai atho awm hai teang iy, deira i nai atleu pi bo.

Parip nai leu 3:3

padei ai nai neng hawi no hawi sa ai nai neng py, taphra ai nai neng hawi sa palum ai nai neng py awm.

ISAIA 17:7

Huni neng kani tym nai khala y khumichi ly mychi ai sabawm ai nai Israela chengchi i chai parai nai Tameuh, napi nai atiti sa nai keung ai avum u ai.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 30:22

Nangchi ly tangka hawi sa nai mynchi, muku hawi paleaung nai mynchi la iy, “Kaichi mei keung i nai theu u la!,” nanai thui iy chainem y nai kamta aphi vui ai.

ISAIA 30:26

Lo ly kanito tanrei angvang naimy, kanito py kanito saryhrei vanrei theu nai kamta, kari tleaung y phy saryhrei angvang na ai. Mymy ly mymy i khumichi nga nai tamo kalemchi ai kanih hawi bam iy, tamochi ra y asi sa pi nai hawi nai khala y, hini atitichi ly tym ai.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 30:12

Areng ly mymy i khumichi teng y, “Nangchi i tamo kalemchi ly tha pajau ai ny y. Nangchi i no angvawichi ly hawi sa i py, hawi pajau y ai.

JEREMIA 30:17

Nangchi i paleung ka-echi my, ‘Zion mary ai ly nyn va veng bo. Huni mary ai ami py dawndan y leang bo, nanai thui u i py, kai ly nangchi ai hawi hai ali teang ai. Nangchi i tamo kalemchi tha hai ai. Hini ly kai Areng i thui nai leu ne,” napi.

JEREMIA 33:5

Babulon chengchi ai khumi phyreichi my tiu u ai. Kai ly khri pa-rei kado theu nai deaungkho y, kaimy padei ai nai khumi veuchi hawi, nichi ly hini mary y kawi hai ai. Mary i khumichi i sa tamang nai molam y, kai ly hini mary i nai meimai kahi pi vui ai.

JEREMIA 33:6

Na i py kai ly mary hawi mary i khumichi ai hawi sa pi ai i, noso hawi u ali teang ai. Mary i khumichi ai tlamsa naira hawi chymme naira nga hai ai.

JEREMIA 50:4

Areng my, “Huni neng tym nai khala, Israela hawi Juda khumichi ly vo naimy mymychi i Tameuh, napi nai kai ai hau u ai.

JEREMIA 50:5

Nichi ly Zion mary mang y chei nai lam deng iy, huni mary mang y chei u tapai ai. Nichi ly kai hawi deungtasarei Leu Maikawm asa iy, huni Leu Maikawm ai mana khala py taphra u ai ny y.

TANGAM NAI LEU 3:11

Mymy ly lam teng y kai ai patiu iy, ang theih piupa naimy ang khai su bo.

HOSEA 11:10

“Khrangsi i hang nai kamta kai ly paleung ka-echi ai hang hai nai khala y, kai i khumichi ly kai nithun abang u ai. Nichi ly nidym ngan mang dengdairei, kai teng y jeu u kaliki ai.

HOSEA 12:6

Hunai deaungkho y Jakob i kangpreangchi awi, nangmychi i Tameuh ai ym iy mymy teng y vawi u teang ba, ka-ym awm u, kahawi so u, nangmychi i Tameuh ai paleung sau parai naimy ajeng u.

HOSEA 14:1

Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

HOSEA 14:4

Areng my, “Kai i khumichi ai kaimy teng y vawi hai ali teang ai. Kai ly nichi ai paleung hawi verei tamen ai; nichi i tlang tleaung y kado theu nai rym bo.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

Levi 14:48

Yhm y angkadeng kangtha pajui palai bi nai bo y, pathyp pi nai keung ly chei iy khen pi nai khala y, yhmsavi chawp bi y nai niu baly, yhmsavi chawp ali bi y nai deaungkho y, huni yhm ly reita y chai bo, nanai thai hai ai nai tla.

ZEPHANIAH 2:1

Aw kangji by y nai khumi chengchi awi, choh ali ai ali my hm vui nai neng tym y rai khala, nangchi i tlang tleaung y Areng i kado theu nai tym y rai khala, mymy i kado theu nai neng tym y rai khala, paleung amtlau u.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.

1 SAMUELA 2:6

Areng ly dei nai hawi heng nai py, mymy i khumichi ai tavau pri y tha nai hawi palau teang nai py sa nai ne.

1 SAMUELA 7:3

Samuela my Israela chengchi teng y, “Nangchi ly Areng teng y paleung hawi verei, jeu aliteang ai nai ngai baly cheng takhrachi i tameuhchi ai py, kani anglo Asatare i mynchi ai py, khai su ai nai tla; Areng teng y nangmychi ai aau patyp iy, mymy ai naini chiu u baly mymy ly nangchi ai, Philistia chengchi kiu i nai atleu ai,” napi.