HOSEA 5:7 - Khumi Common Language Bible

⁷ Nichi ly Areng i tlang tleaung y ka-ym by y bo. Nichi i cho chanauchi py mymy i chanauchi ny y. Hunai deaungkho y hini khumichi hawi nichi i khaileaung meingtymchi ly kra y naimy phra ai.

HOSEA 5:7 Iomraidhean Croise

SAM 144:11

Pahyp y naimy ana nai paleung ka-echi teng i nai kai ai atleu pi kyh ba; pri takhra khumichi kiu i nai atleu kyh ba; huni khumichi ly mana khala py leu kateng katheu u vai y; vaineng tleang i malawn py, ka-chawi thui u reng naichi ne.

SAM 144:7

Salo keh mang kiu jaha iy, tui kathiura i nai kai ai atheu kalau ly atleu kyh ba; cheng takhrachi kiu i nai kai ai atleu kyh ba.

ISAIA 1:14

Nangchi i lo si pawi kanichi hawi kani kachaichi ai kai, kaniu ngai y. Huni kanichi ly kai pho ai ngai y nai myn kaji ne.

ISAIA 48:8

Nangchi ai ym ai nai aso y nai py, nangchi ly tapen khyp khala i ka-so langmeang thau naichi ne, nanai amthang nai py kapany. Naibaly hini atiti satangchi ai, nangchi ly mana khala py thai y, pany kawp y. Vaichi khala my nangchi ly kano thai y.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

JEREMIA 3:20

Na i py aw Israela, nang ly ka-ym by y nai aju kamta, kai i leu tangai y lawh bo. Hini ly kai Areng i thui nai leu ne.”

JEREMIA 5:11

Israela hawi Juda mipuichi ly kai i leu pipi tangai u y. Hini ly kai, Areng my thui nai leu ne, napi.

Ezekiela 12:28

Hunai deaungkho y kra ai ny y leang bo. Kai i thui pi nai kamta tym ai, nanai sa thai naira awm nai kai, Areng my leu pei chum veng bo!, nanai huni khumichi teng y thui pi. Hini ly sa thai naira angym nai kai, Areng i thui nai leu ne,” napi.

HOSEA 2:11

Ni i saneng tleirei sa nai pawi hawi lo tleirei sa nai pawi, anawn kani pawichi napi nai hawi, reita leu ka-rum bawibawichi kaimy anawn hai ai.

HOSEA 2:4

Ni i cho chanauchi ly bima nu i cho chanauchi lawm nai deaungkho y, kai ly nichi ai pahen ai ny y. Nichi i amhm ly ka-ym by y iy, kangji by y naimy tapen bo. Mymy naimy, “Kai ai cha ai nai teicha teinei, beram mui, kalang hawi olive asitui, kreip hangchi pei nai tavawichi nithun kai abang ai,” nanai thui.

HOSEA 6:7

“Na i py nichi ly kai hawi sa nai Leu Maikawm ai Adam kamta taphra iy, kai i tlang tleaung y ka-ym by y bo.

HOSEA 7:13

“Nichi ly pajeng naira avum u bo! Kai ai khai su iy ang tiu u lawh bo. Hunai deaungkho y nichi ly phra naira avum u ai. Kai ly nichi ai atleu ai nai ngai teu i py, nichi ly kai ai hawihai palai chiu u y, li-tapawp iy chiu u lawh.

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.