HOSEA 5:13 - Khumi Common Language Bible

¹³ “Israela pri ly my i no-na ai py, Juda pri ly my i tamo kalem nga nai ai py, niu nai khala y, Israela pri ly Suria pri empara samrang teng y chei iy, kasabawmra hnei bo. Na i py empara samrang my ly nichi i no-na ai, hawi so pi thai y leang.

HOSEA 5:13 Iomraidhean Croise

2 ARENG KEH 15:19

Asuria empara samrang Tiklath Pilesa ly Israela pri theung y kun iy tavai tiu bo. Huna nai khala Menahem ly mymy i sa thai naira khaw jo ai nai molam y, tangka chang sie 552,50rei hawi meimai sa.

2 ARENG KEH 15:29

Samrang Pekah my peang nai thym khala, Asuria empara samrang Tiklath Pilesa ly Ijon mary, Abelbet Maaka mary, Janoah mary, Kedesh mary, Hazo mary hawi Kilead pri, Kalili hawi Naphtali prichi ai peang vui iy, khumichi ai py Asuria pri mang y langheng y hawi pawn nai ne.

2 ARENG KEH 16:7

Samrang Ahaz ly Asuria empara samrang Tiklath Pilesa teng y, “Kai ly nang i ka-ym awm nai miseaung ne. Kaichi ai tiu nai Suria samrang hawi Israela samrang teng i nai atleu pi kyh ba,” nanai cha tajiu iy savaichi pato.

ISAIA 3:7

Na i py huni khumi my, “Kai sa ai nai tlo moh sy! Kai ly nangchi ai atleu pajau y leang. Kai teng py teicha teinei hawi ateaung by y leang. Kai ai nangchi i vui lu sa ai nai khai u moh!,” nanai ang thui pi ali teang ai.

JEREMIA 30:12

Areng ly mymy i khumichi teng y, “Nangchi i tamo kalemchi ly tha pajau ai ny y. Nangchi i no angvawichi ly hawi sa i py, hawi pajau y ai.

Ezekiela 23:5

Ahola ly kai i aju ne teu i py bima sa veangveang nai, Asuria pri mymy i tavawichi i vui y kamleaung paleung khei y nai ne.

HOSEA 10:6

Huni myn ai Asuria empara samrang teng y talam ai nai, huni pri mang y syn u ai. Israela khumichi ly huni myn ai ym u nai molam y, kangji nga u ai.

HOSEA 12:1

Israela khumichi i khawn khutawi dengdai kani dym khala khrairei, sa nai dawn nai ngiereichi ly kamran by y, atyhtyh teu. Nichi theung y ka-ym by y nai, khrukhra naichi nawi ra nai ne. Nichi ly Asuria pri hawi amsawi amnai asa naimy, Aikupta pri hawi ka-sum ka-pai sa u bo,” napi.

HOSEA 14:3

Asuria samrang ly kaichi ai mana khala py atleu pajau y. Tavai keaungngochi ly kaichi ai amo hai pajau y. Kaimychi kiu hawi sa nai mynchi ai, kaichi i Tameuh, nanai thui ali bi y ai. Aw Areng, nang ly awmra jeaungmang nai khumichi ai pahen nai ne”

HOSEA 2:7

Ni ly tavawichi nithun hui teu i py, kai ai ny y, hau i py niu ai ny y. Huna nai khala ni my, “Kai ly juvo kangngym teng y vawi ali teang ai. Kai ly juvo kangtha hawi ateaung ahawi nai tleaung y, juvo kangngym hawi ateaung ahawi nai ly hawi keh alam ai,” nanai thui ai.

HOSEA 7:11

Israela chengchi ly humang himang akheang iy, tau by y nai, li-tapawp ai rai y nai buhu kamta ne. Nichi ly angchei y Aikupta prichi teng i, kasabawmra hnei u. Hunai bo baly Suria pri mang y preang iy, kasabawmra hnei u!

HOSEA 8:9

Israela mipuichi ly pakym pajau y nai, keaungngo kano kasau karam kamta, paleung ka-dawn sa ngaulau reng nai ne. Nichi ly Asuria pri mang y chei iy, kasabawmra hnei u bo. Vang pei iy pri takhrachi my ama hai ai nai ngai u.

MIKHA 1:9

Samari mary i tamo nga naichi ly kahawi so thai y leang. Juda pri py huna nai taham kasi avum ai. Kai i khumichi awm nai Jerusalem mary apai katheuchira y ka-jeira tym ai,” napi.